PĀ GƏ̄ 71:21 - Bibəl ta Sar̄

²¹ Ā ī-tél yā sɔl̄ kemḿ ō, ā ī-rāā kadə̄ a tél rɔȳmə̄n̄ ō.

Bible sar

²¹ Ā ī-tél yā sɔl̄ kemḿ ō, ā ī-rāā kadə̄ a tél rɔȳmə̄n̄ ō.

PĀ GƏ̄ 71:21 Referans Kwoze

2 SAMUEL 3:1

Deē yā Saul gə̄ ō, yā Dabid gə̄ ō, rɔ̄ɔ̄n̄ naā dan i ngá̰ý. Tɔ́gə Dabid aw̄ i kum kə̄ kété kété, banī tɔ́gə deē yā Saul gə̄ a tél i kum kə̄ gogə́ gogə́.

PĀ GƏ̄ 86:17

Ī-rāā yá̰á̰ kógə̄ḿ kə́ to rī ɓār̄ tām̄ yāḿ tə́, loo ń noō tə́ rɔ̄ madə̄ ba̰ā̰ḿ gə̄ a sɔl̄də́, dan ń a a̰a̰n̄ kadə̄ ḭ̄ Kɔ́ɔ̄ɓē ī-dḭḭ̄m̄ ō, ī-sɔl̄ kemḿ ō ní.

PĀ GƏ̄ 23:4

Kɔ́ɔ̄ɓē, ká ré m̄-njə̄rā i wól loo kə́ loo ndul tū tə́, aké yo i tū tə́ gə̄gē anī, m̄-sōl̄ yá̰á̰ kógə̄ḿ alé, tɔdɔ̄ ḭ̄ i seḿ. M-ə̄nā kemḿ tɔdɔ̄ kāgə̄ kə́ jīí tə́ ō, tɔ́gə yāí ō a rāān̄ seḿ.

2 KORḚNTƏ 2:14

Banī jə-ndadə̄ j-adə̄ Nə́ɓā, tām̄ ni-ndɔ́r̄jí aw̄ sejí gō Kərist ń tetə rɔ̄ɔ̄ tə́ ní ngándáńg ō, ni-unjí rāań adə̄ de gə̄ gerə̄n̄ Kərist kə̄ loo gə̄ tə́ malang ō. Adə̄ to i tītə̄ sēē ítər kə́ otə majə kə́ taā loo beé.

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

IJAI 12:1

Gír de gə̄ kə́ ɔrə̄n̄də́ ɓəloó, ndɔ̄ ngeé ń noō tə́ ní ā ə́da na: Kɔ́ɔ̄ɓē, m̄-rāāī kə́ra. Kété ní wōn̄g rāāī seḿ, banī wōn̄g yāí ní tetə kɔ̄ɔ́ ō, ḭ̄ ī-rāā ādə̄ kemḿ tetə kə̄ nang tə́ ō.

PĀ GƏ̄ 32:10

Yá̰á̰ kə́ tōr̄ ngá̰ý gə̄ a rāān̄ deē ń ɓōĺ ndíĺ Nə́ɓā aĺ ní. Ba Kɔ́ɔ̄ɓē a rāā kem majə kə deē ń əndā kemən dɔn tə́ ní ngándáńg.

PĀ GƏ̄ 18:35

I ni n ɔjəm̄ loo rɔ̄ɔ̄ ō, rāā jīḿ adə̄ ger̄ ndɔ́r̄ ga̰ gərā kə́ rāā kə gində̄ nə̄ngá kasaá adə̄ rugə ní ō.

IJAI 49:13

Dɔ rā̰, ə́nda jīí! Ba ḭ̄ dɔ nang, ī-rāā rɔ̄nel̄! Mbal̄ bo gə̄, ə́gaī kɔŕ rɔ̄nel̄! Kɔ́ɔ̄ɓē tél adə̄ gír deē yān gə̄ kəndā kem dɔ tə́ gogə́, kumən o̰o̰n kə de gə̄ ń yá̰á̰ kə́ tōr̄ teē dɔdə́ tə́ ní.

IJAI 9:7

Kɔ́ɔ̄ɓē ɔr̄ najə̄ rɔ̄ɔń kə de gə̄ yā Jakob. A̰á̰ā̰, najə̄ ní əsō dɔ ɓē ko̰o̰ kə́ Israel tə́.

PĀ GƏ̄ 72:11

Mban̄g gə̄ malang a ɔsən̄ nodə́ nang tə́ non tə́. Nápar de gə̄ malang a rāān̄ kəla yān.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

1 TESALONIK 3:9

Rɔ̄nel̄ malang ń j-ənge tām̄ yāsí tə́ ní, j-a jə-rāā i ba̰ý n j-a jə-ndadə̄ń Nə́ɓā kadə asə gō tə́ ní?

2 KORḚNTƏ 7:13

I tām̄ najə̄ ń noō tə́ n yá̰a̰ rāāsí sɔl̄ kemjí ní. J-ənge i kem sɔl̄ ngóy alé, Titə ń sḭḭ̄ malang ī-rāāniī ādə̄ kemən tetə kə̄ nang tə́ ní, rɔ̄nel̄ yān adə̄jí rɔ̄nel̄ ngá̰ý ō.

2 KORḚNTƏ 7:6

Ba Nə́ɓā ń i nge sɔl̄ kem ngé gə̄ ń tɔ́gə́də́ ur̄ wak kɔ̄ɔ́ ní, sɔl̄ kemjí kə ta kūl̄ reē ń Titə reē ugə̄ ní.