PĀ GƏ̄ 71:2 - Bibəl ta Sar̄

² Ā ī-gān̄g dɔḿ, ā ī-taām̄ jī de gə̄ tə́, sɔɔ̄ń hál kə́ gōtə́ yāí. Ī-nēl̄ mbīí kə̄ kōōḿ tə́, ájəm̄.

Bible sar

² Ā ī-gān̄g dɔḿ, ā ī-taām̄ jī de gə̄ tə́, sɔɔ̄ń hál kə́ gōtə́ yāí. Ī-nēl̄ mbīí kə̄ kōōḿ tə́, ájəm̄.

PĀ GƏ̄ 71:2 Referans Kwoze

PĀ GƏ̄ 31:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

PĀ GƏ̄ 17:6

Ngɔlaā ní m̄-reē kə sarya yāḿ rɔ̄í tə́ kadə̄ ī-gān̄g kə gōó. Tɔdɔ̄ ḭ̄ i Nə́ɓā kə́ deē ɓāríī anī ā ī-ndigən. Ī-nēl̄ mbīí kə̄ rɔ̄ḿ tə́, ōō yá̰á̰ ń m-ə́dá ní.

PĀ GƏ̄ 143:11

Ā ī-rāām̄ kadə̄ m̄-ndi kə kumḿ, tɔdɔ̄ ḭ̄ i Kɔ́ɔ̄ɓē. Ā ī-teē seḿ kɔ̄ɔ́ dan wur kɔl kə́ əsō dɔḿ tə́, kə ta kūl̄ háĺ kə́ gōtə́ yāí.

1 KORḚNTƏ 10:13

Yá̰a̰ nāā gə̄ malang ń nāān̄neésí ní, i yá̰a̰ nāā gə̄ kə́ asən̄ gō tɔ́gə deē tə́. Nə́ɓā i de kə́ nge ra dɔ ndūn tə́, adə̄ ni a əya̰ kadə̄ nāā tɔȳ tɔ́gə́sí alé. Ni a adə̄sí tɔ́gə́ kə́ kadə̄ ī-tə́gāīneé tasí ta yá̰a̰ nāā tə́ ō, a rāā ta róbə kə́ kadə̄ ī-teēīneé kɔ̄ɔ́ ta tə́ ō.

DANIEL 9:16

Kɔ́ɔ̄ɓē, ún wōn̄g yāí kə́ ngá̰ý kɔ̄ɔ́ dɔ ɓē kə́ Jerusalem tə́ sɔɔ̄ń kəla rāāí gə̄ kə́ gōtə́, tɔdɔ̄ Jerusalem i ɓē yāí, i mbal̄ yāí kə́ táĺ. Tām̄ de gə̄ malang ń gīrə̄n̄ gidəjí tájə̄n̄ ɓē kə́ Jerusalem ō, gír deē yāí gə̄ ō i tām̄ yá̰á̰ kə́ majaĺ gə̄ ń jə-rāā tə́ ní ō, yá̰á̰ kə́ gōtə́ aĺ gə̄ ń kaají gə̄ rāān̄ tə́ ní ō.

PĀ GƏ̄ 143:1

Pā yā Dabid. Kɔ́ɔ̄ɓē, ōō ndɔ̄ȳ yāḿ, ī-nēl̄ mbīí ōoń ndūḿ ń m̄-rāāīneé ɓɔ́ ní. Ḭ̄ i de kə́ nge ra dɔ ndūí tə́ ō, de kə́ gōtə́ ō ní ī-tūrə̄m̄ najə̄ tə́!

PĀ GƏ̄ 43:1

Nə́ɓā, ī-gān̄g sarya yāḿ, ī-rɔ̄ɔ̄ dɔḿ tə́ ta ngé ra dɔ ndūdə́ tə́ aĺ gə̄ tə́. Ī-taām̄ jī nge gól̄ loo tə́ ō, nge rāā yá̰a̰ majaĺ tə́ ō, ə́ya̰m̄ dɔɔ́!

PĀ GƏ̄ 34:15

Ādə̄ kɔ́ɔ̄ ɔr̄ rɔ̄n kɔ̄ɔ́ kadə yá̰á̰ kə́ majaĺ tə́ ō, rāā yá̰á̰ kə́ majə ō, sāā róbə kem sɔl̄ lɔm ō, a̰ȳ ngɔ̄də̄ gō tə́ ō.

PĀ GƏ̄ 17:2

Majə kadə̄ i ḭ̄ n ī-gān̄g sarya yāḿ ní. Yá̰á̰ kə́ gōtə́ i dām̄ yā náā tə́ anī īkɔ́ ə̄ndā ma̰ȳ á̰a̰ā̰.

PĀ GƏ̄ 31:2

Kɔ́ɔ̄ɓē, m̄-rāāī i loo ɓɔ̄ɔ̄ rɔ̄ yāḿ tə́, ī-lōō kəla rɔ̄sɔl̄ dɔḿ tə́! Ī-gān̄g dɔḿ kə yá̰a̰ rāāí kə́ gōtə́ gə̄.