PĀ GƏ̄ 71:14 - Bibəl ta Sar̄

¹⁴ Mā m-ə̄ndā kemḿ dɔí tə́ ngándáńg ō, m-ā m̄-na̰y kə̄ loo kənī pā tə́ yā ɓōkíīneé tɔ̄ȳ ō.

Bible sar

¹⁴ Mā m-ə̄ndā kemḿ dɔí tə́ ngándáńg ō, m-ā m̄-na̰y kə̄ loo kənī pā tə́ yā ɓōkíīneé tɔ̄ȳ ō.

PĀ GƏ̄ 71:14 Referans Kwoze

PĀ GƏ̄ 130:7

Israel, ə̄ndā kemií dɔ Kɔ́ɔ̄ɓē tə́ tɔdɔ̄ ni i nge kem majə. Ta róbə gə̄ kə́ kadə̄ ni gāngəń dɔí i ngá̰ý.

1 JA̰A̰ 3:3

Ba náā nəkɔ́ ń əndā kemən dɔn tə́ tītə̄ ń noō ní, ādə̄ kɔ́ɔ̄ i kə́ unjə̄ njáý njáý tītə̄ ń Kərist i de kə́ unjə̄ njáý njáý ní.

NŌŌ RƆ̄ 3:26

Majə kadə̄ deē əndā kemən dɔ kajə yā Kɔ́ɔ̄ɓē tə́ kə tan kə́ mbóó.

PĀ GƏ̄ 71:6

M-ə́lá gír ndə̄nā rɔ̄ḿ rɔ̄í tə́ i dan ń m̄-teēń kem kó̰ó̰ḿ tə́ ní. I ḭ̄ n ɔ̄rə̄m̄ kem kó̰ó̰ḿ tə́ ī-teē seḿ ndágá ní, i ḭ̄ n m-ā m̄-ɓōkíī tɔ̄ȳ kanjə̄ kɔr ta tə́ ní.

PĀ GƏ̄ 43:5

Kə m̄-rāā rɔ̄ḿ ndoō i najə̄ rí tə́? kə m̄-nōō rɔ̄ḿ i tām̄ rí tə́? Kəndā kem dɔ Nə́ɓā tə́, ba tél ɓōkə́n tɔ̄ȳ gogə́ rang i só tə́. Ni i nge kajəḿ ō Nə́ɓā yāḿ ō,

1 PIYER 1:13

I tām̄ najə̄ ń noō tə́ n majə kadə̄ á̰a̰ī já̰já̰ dɔ rɔ̄sí tə́ ní. Ī-ndiī dɔ rɔ̄sí tə́ ō, yá̰á̰ ń Jeju Kərist a teē hɔy anī a adə̄n̄sí karī ní, ə̄ndāī kemsí dɔ tə́ mámák ō.

HEBƏRO 10:35

I beé ní, ī-lōōī tḭ̄ḭ̄ ta kəndā kem dɔ tə́ yāsí kɔ̄ɔ́, tɔdɔ̄ a adə̄sí yá̰a̰ kəndā nja yāsí kə́ bo ngá̰ý.

NŌŌ RƆ̄ 3:21

Yá̰á̰ ń m̄-tél m̄-gír̄ dɔ tə́ kemḿ tə́ ō, yá̰á̰ ń m-ā m-ə̄ndā kemḿ dɔ tə́ ō ní n toó:

PILIPƏ 1:9

Ba yá̰á̰ ń m̄-gəde Nə́ɓā kem ndɔ̄ȳ yāḿ tə́ tām̄ yāsí tə́ ní, i kadə̄ tár yāsí i ngá̰ý kum kə̄ kété kété ō, kadə̄ yá̰a̰ ger̄ kə́ rɔ̄kum ō, ger̄ najə̄ ngá̰ý ō, i tū tár yāsí ní tə́,

1 TESALONIK 4:10

I tītə̄ ń noō n ī-táriīń ngákó̰ó̰sí gə̄ kə́ gō nang kə́ Masedəwan tə́ malang kə taá ní. Banī ngákó̰ó̰jí gə̄, jə-dəjesí kadə̄ ī-táriī kum kə̄ kété ɓáý.

Makətūbə̄ yā Job 13:15

Rɔ̄kum, Nə́ɓā a tɔ̄lə̄m̄. Yá̰á̰ kə́ kadə̄ m-ə̄ndā kemḿ dɔ tə́ gətóo. Ɓá tā ba, m-ā m̄-rā non tə́ yā nējəń najə̄ dɔ hálə́ḿ tə́.

2 PIYER 3:18

Banī āwī kum kə̄ kété kété tū kem majə yā Nə́ɓā tə́ ō, tū ger̄ Jeju Kərist ń i Kɔ́ɔ̄ɓē yājí ō nge kajəjí ō ní tə́ ō. Kɔsə gɔn i yān ngɔr ń toō tə́ ō, bátə́ kə̄ no tə́ ō! Adə̄ i tītə̄ ń noō.

NŌŌ RƆ̄ 3:24

M-ə́da kə̄ kemḿ tə́ na yá̰a̰ yāḿ kə sɔɔ̄ dɔḿ i Kɔ́ɔ̄ɓē. I tāmə̄n̄ ń toō tə́ n m-ā m-ə̄ndā kemḿ dɔn tə́ ní.

NŌŌ RƆ̄ 3:25

Kɔ́ɔ̄ɓē a rāā kem majə kə deē ń a əndā kemən dɔn tə́ ō, sāān ō ní.