PĀ GƏ̄ 71:10 - Bibəl ta Sar̄

¹⁰ Tɔdɔ̄ madə̄ ba̰ā̰ḿ gə̄ ɔrə̄n̄ najə̄ yāḿ, ngé kumə̄ḿ gə̄ oōn̄ naā dɔḿ tə́.

Bible sar

¹⁰ Tɔdɔ̄ madə̄ ba̰ā̰ḿ gə̄ ɔrə̄n̄ najə̄ yāḿ, ngé kumə̄ḿ gə̄ oōn̄ naā dɔḿ tə́.

PĀ GƏ̄ 71:10 Referans Kwoze

JEREMI 20:10

M-ōō najə̄ kə́ to ka̰ȳ ndíl gə̄ ń kósə de gə̄ ɔrə̄n̄ ní, nin̄ ədan̄ na: Ɓōĺ kə́ al̄ naā i kə̄ loo gə̄ tə́ malang. Ī-teēī kə gírneé ndágá, j-a jə-teēī kə gírneé. Madə̄ taḿ gə̄ ń m̄-gḛydə́ ngá̰ý ní ngóōn̄ taḿ sḛḛ yā ka̰a̰ ké tɔ́gə́ḿ a gətóo i rə́ngáý tə́ wa. Nin̄ ədan̄ na: Majanī yá̰á̰ kógə̄ḿ a gól̄ mbóo deē ń noō ngɔr, kadə̄ j-a jə-rāāī yá̰á̰ ń kemjí ndigə ní ta ō, j-a jə-rāāī ba̰ā̰ seneé ō.

PĀ GƏ̄ 83:3

Á̰a̰ā̰, madə̄ ba̰ā̰í gə̄ a ndángə̄n̄ rɔ̄də́, madə̄ kɔ̄līí gə̄ tél unən̄ dɔdə́ dɔɔ́ gogə́.

PĀ GƏ̄ 56:6

Nin̄ rāāmə̄n̄ adə̄ m-á̰á̰ tápə̄ ō, gírə̄n̄ i rāā yá̰á̰ kə́ majaĺ seḿ ō, kə dɔ ndɔ̄ gə̄.

PĀ GƏ̄ 31:13

Dɔdə́ ndígə̄nal dɔḿ tə́, tītə̄ de kə́ koy ń deē gír̄ dɔn tə́ to̰ aĺ ní. m̄-to i tītə̄ gájə́ jóó kə́ deē rāań kəla to̰ alé.

MATIYE 27:1

Dan ń loo tīī unjə̄ anī ngol gə̄ kə́ dɔ ngé tun̄ yá̰a̰ gə̄ tə́ malang ō, kum kɔɔ̄ yā ngán Israel gə̄ ō, oōn̄ naā dɔ Jeju tə́ yā tɔ̄lən.

Gōsə̄ najə̄ gə̄ 1:11

Ngáń kə́ beé gə̄ a ə́daīn̄ na kə āw̄ sedə́, kə ī-gāngī de gə̄ róbó, kə ī-tɔ̄līdə́, ká i de gə̄ kə́ najə̄ gətóo dɔdə́ tə́ gə̄gē anī, kə ī-teēī sedə́ rétə́ gēé kə ə́hɔīdə́ dɔ jīdə́ tə́ kanjə̄ kumən, anī ī-mbātə́ kɔ̄ɔ́!

PĀ GƏ̄ 10:9

Ra loo ɓɔ̄ɔ̄ rɔ̄ tə́ a umə̄ń loo. Ɓɔ̄ɔ̄ rɔ̄n majə tītə̄ ɓɔl kə́ to kem ku tə́ beē. Um̄ nge rɔ̄ tō ndoō yā kəhɔn. Gētən aw̄ seneé kem réng yān tə́ pá tá əhɔn ɓáý.

PĀ GƏ̄ 2:2

Mban̄g gə̄ kə́ dɔ nang tə́ rāān̄ gō rɔ̄də́ yā rɔ̄ɔ̄. De kə́ bo gə̄ oōn̄ naā dɔ Kɔ́ɔ̄ɓē tə́ ō, dɔ mban̄g yān tə́ ō.

1 SAMUEL 19:11

Saul əla de gə̄ kadə̄ gētə̄n̄ Dabid ta kújə yān tə́ kadə̄ ré teē dəloí anī kə tɔ̄l̄nən̄. Banī Mikal ń i nə̄yá̰ Dabid ní ədan yá̰á̰ ń a rāā yā rāā yá̰á̰ ní, ədan na: Ré ā̰ȳ ndɔ̄ɔ́ laā aĺ anī bírí a tɔ̄l̄nī.

PĀ GƏ̄ 109:20

Ba ngé kəndā najə̄ dɔḿ tə́ tītə̄ ń noō gə̄ ō, ngé tə́dā najə̄ kə́ majaĺ dɔḿ tə́ tītə̄ ń noō gə̄ ō ní, Kɔ́ɔ̄ɓē a əgādə́ kə̄rā i tītə̄ ń noō!