PĀ GƏ̄ 7:9 - Bibəl ta Sar̄

⁹ Kɔ́ɔ̄ɓē, nge gān̄g sarya yā nápar de gə̄, ī-gān̄g sarya yāḿ sɔɔ̄ń yá̰a̰ rāāḿ kə́ gōtə́ ō, najə̄ kə́ gətóo dɔḿ tə́ ō!

Bible sar

⁹ Kɔ́ɔ̄ɓē, nge gān̄g sarya yā nápar de gə̄, ī-gān̄g sarya yāḿ sɔɔ̄ń yá̰a̰ rāāḿ kə́ gōtə́ ō, najə̄ kə́ gətóo dɔḿ tə́ ō!

PĀ GƏ̄ 7:9 Referans Kwoze

JEREMI 11:20

Kɔ́ɔ̄ɓē kə́ bo kə́ tɔ́gən i ngá̰ý, ḭ̄ ń ó̰o̰ ɓē kə háĺ kə́ gōtə́ ō, ḭ̄ ń i nge kəndā ma̰ȳ gír̄ yā deē ō, ngaran̄g kem deē ō ní, ī-dal ba̰ā̰ dɔdə́ tə́ ādə̄ m-á̰a̰ā̰, tɔdɔ̄ m-ə́ya̰ rɔ̄ḿ i kem jīí ḭ̄ tə́.

JEREMI 17:10

I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.

JEREMI 20:12

Kɔ́ɔ̄ɓē kə́ bo kə́ tɔ́gən i ngá̰ý, ḭ̄ ń ā ə̄ndā ma̰ȳ de kə́ súmūú ō, ā á̰á̰ gír̄ yā de gə̄ ō, ngarā̰ kemdə́ ō ní, ādə̄ m-á̰a̰ ba̰ā̰ ń ā ī-rāā sedə́ ní, tɔdɔ̄ m-ə́ya̰ najə̄ yāḿ i kem jīí ḭ̄ tə́.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

1 SAMUEL 16:7

Banī Kɔ́ɔ̄ɓē əda Samuel na: Ī-lōō ka̰a̰ gidən kə́ ndágá kə́ majə ō, ka̰a̰ ngālən kə́ ngá̰ý ō. Tɔdɔ̄ m̄-gērān alé. Najə̄ ń toō i najə̄ ka̰a̰ yá̰á̰ ń kə́ deē ndul tə́ alé. De gə̄ a a̰a̰n̄ i gidə deē ndágá banī Kɔ́ɔ̄ɓē a a̰a̰ i kem deē.

JEJU TEĒ KUM JA̰A̰ 2:23

Tá ɓáý to̰ ní, m-ā m̄-rāā kadə̄ ngánən gə̄ a oyn̄. Loo ń noō tə́ Egəlijə gə̄ malang a gerə̄n̄ kadə̄ mā i nge ger̄ gír̄ kə́ kem deē tə́ ō, nge ger̄ yá̰a̰ gə̄ ń kem deē gḛy ní ō. Yá̰á̰ ń m-ā m̄-rāā sesí kógə̄ḿ kógə̄ḿ ní, i kə gō kəla rāāsí gēé.

PĀ GƏ̄ 139:1

Pā kə́ kem makətūbə̄ yā ngār yā gōsə̄ gə̄ tə́. I pā yā Dabid. Kɔ́ɔ̄ɓē, ḭ̄ á̰a̰ loo bátə́ téē kemḿ tə́ ō, ī-ger̄ najə̄ kə́ dɔḿ tə́ malang ō.

PĀ GƏ̄ 44:21

Ré kété ní dɔjí ndígə̄nal rī Nə́ɓā yājí ō, jə-sə́ra jījí kə̄ rɔ̄ nə́ɓā kógə̄ḿ kə́ mbā tə́ ō anī,

PĀ GƏ̄ 37:23

Nja deē a ngan̄g loo njə̄rā tə́ i kə ta kūl̄ Kɔ́ɔ̄ɓēé ō, róbə́ ń un ní nel̄ Kɔ́ɔ̄ɓē ō.

PĀ GƏ̄ 26:2

Kɔ́ɔ̄ɓē, ə̄ndā ma̰ȳḿ ō ī-nāām̄ ō, á̰á̰ gír̄ kə́ kemḿ tə́ ō.

PĀ GƏ̄ 11:5

Kɔ́ɔ̄ɓē ndigə de kə́ súmūú. Banī nelə̄n kə nge kem nduluú aĺ ō, kə deē ń rāā yá̰a̰ i kə dɔ́nɔ́ ní aĺ ō.

PĀ GƏ̄ 10:15

Ī-taā tɔ́gə nge kem ndul. Ādə̄ əgā kə̄rā yá̰á̰ kə́ gōtə́ aĺ ń ni-rāā ní ō, ādə̄ deē ɓār̄ rīn to̰ aĺ ō.

Makətūbə̄ ń Pol ndang adə̄ Rom gə̄ ní 16:25

Kɔsə gɔn i yā Nə́ɓā! Ni asə mbūsə̄sí kadə̄ ī-raī ngan̄g kə ta kūl̄ Najə̄ kə́ Majə ń m-ɔ́jə́ ní. Najə̄ kə́ Majə ní i najə̄ yā Jeju Kərist. Yá̰a̰ kə́ deē ger̄ alé ń to loo ɓɔ̄ɔ̄ tə́ i jóó ngá̰ý ní, Nə́ɓā rāā adə̄ de gə̄ gerə̄n̄ i kə ta kūl̄ Najə̄ kə́ Majə ngeé ń toō.

PĀ GƏ̄ 17:3

Ḭ̄ ī-reē dan ndɔ̄ɔ́ ə̄ndā ma̰ȳḿ ō, i-nāām̄ ō, banī ə́nge najə̄ kə́ yā kəda dɔḿ tə́ alé. Mā m̄-tə́da najə̄ dɔ yá̰a̰ rāā deē tə́ alé.

KƏLA RĀĀ 12:23

Dan nəkɔ́ ń noō tə́ bang ɓáa de kə́ dɔ rā̰ tə́ yā Kɔ́ɔ̄ɓē əndan. Tām̄ dan ń de gə̄ ɔsən̄ gɔn Nə́ɓā ní, ni-tél kə kɔsə gɔn ní adə̄ Nə́ɓā alé, ba ngɔ̄m̄ i tām̄ yān nəkɔ́ tə́. Loo ń noō tə́ kur̄ gə̄ əsanən̄ adə̄ oy.

PĀ GƏ̄ 58:6

kə́ mbātə́ koō ndū ngé bógə̄rō de gə̄ ō, ndū mbōlí kə́ ger̄ yá̰a̰ tɔȳ madə̄n gə̄ malang ō beé.

PĀ GƏ̄ 10:18

yā gāngəń sarya yā ngōn̄ hal ō, yā deē ń rāān̄ kumən ndoō tə́ ní ō, kə gō róbə́ kə́ súmūú. Loo ń noō tə́ de kə́ dɔ nang tə́ kə́ yā rāā madə̄n majaĺ a gətóo.

DANIEL 11:45

Kújə tandā gə̄ kə́ kem kújə mban̄g yān tə́ ní a ɔydə́ yā kudədə́ dɔ dán bā bo tə́ kə mbal̄ kə́ táĺ kə́ kem ɓē kə́ majə tɔȳ gotə ɓē gə̄ malang tə́ ō, ni a oy kanjə̄ kadə̄ deē rāā seneé ō.

PĀ GƏ̄ 40:2

M-ə̄ndā kemḿ dɔ Kɔ́ɔ̄ɓē tə́ adə̄ ngan̄g ngá̰ý, anī ni nēl̄ mbīn oōń nōō yāḿ.

1 SAMUEL 2:9

Ni a ngɔ̄m̄ nge ra dɔ ndūn tə́ loo njə̄rān gə̄ tə́, banī ngé kem ndul gə̄ tá a oyn̄ kum til tə́. Tɔdɔ̄ i tɔ́gə deē n i nge tetə rɔ̄ɔ̄ kadə̄n ní alé.

Makətūbə̄ ń Jud ndang ní 1:1

I mā Jud, nge kəla yā Jeju Kərist kə́ ngōkó̰o̰ Jakə n m̄-ndang makətūbə̄ ń toō m-ə́lań m-ādə̄ ngé gə̄ ń Nə́ɓā ɓāŕdə́ ní, adə̄ i ngé gə̄ ń Bɔbə̄jí Nə́ɓā táŕdə́ ō, Jeju Kərist ngɔ̄m̄də́ ō ní.

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

1 TESALONIK 3:13

Ādə̄ ni-rāā adə̄ kemsí ra ngan̄g, yā kadə̄ sḭḭ̄ i de kə́ táĺ gə̄ ō, de kə́ najə̄ gətóo dɔdə́ tə́ gə̄ ō, ta kum Bɔbə̄jí Nə́ɓā tə́, dan ń Kɔ́ɔ̄ɓē yājí Jeju a reē kə deē yān gēé malang ní. Adə̄ i tītə̄ ń noō!

TA KƏLA 20:5

Abəraham nəkɔ́ ədam̄ na i ngōkó̰o̰n kə́ dəyá̰, tá dəyá̰ nəkɔ́ əda na Abəraham na i ngōkó̰o̰n kə́ dəngam rɔ̄kum. Adə̄ yá̰a̰ rāāḿ i kə kem kə́ unjə̄ njáý njáý, yá̰á̰ kə́ majaĺ kə́ m̄-rāā gətóo.

1 MBAN̄G GƏ̄ 8:32

Kɔ́ɔ̄ɓē ḭ̄ ń ī-ndi dɔ rā̰ tə́ ní ōō najə̄ yā kɔ́ɔ̄. Ī-rāā yá̰á̰ kógə̄ḿ ī-gāngəń sarya kə́ dɔ dáń ngé kəla yāí gə̄ tə́. Deē ń najə̄ i dɔn tə́ ní ī-rāā ādə̄ háĺ kɔ́ɔ̄ tél əsō dɔ kɔ́ɔ̄ tə́ ō, deē ń najə̄ gətóo dɔn tə́ ní, ɔ́jə kə̄ ndágá kadə̄ najə̄ gətóo dɔn tə́ kə ta kūl̄ rāā seneé yá̰á̰ kə́ ɔjə kadə̄ hálən i kə́ súmūú ō.

PĀ GƏ̄ 9:9

I ni n i nge ko̰o̰ ɓē kə gōó majə dɔ de gə̄ tə́ ō, nge gān̄g sarya yā gír de gə̄ kə gō róbə́ kə́ súmūú ō ní.

PĀ GƏ̄ 18:21

Kɔ́ɔ̄ɓē rāā yá̰á̰ kə́ beé seḿ sɔɔ̄ń i hálə́ḿ kə́ gōtə́ ō, jīḿ kə́ unjə̄ njáý ō.

PĀ GƏ̄ 35:23

Nə́ɓā yāḿ, ḭ́ḭ dɔɔ́ ī-gān̄g sarya yāḿ, Kɔ́ɔ̄ɓē, á̰a̰ loo ráý ráý ba ī-rɔ̄ɔ̄ dɔḿ tə́!

PĀ GƏ̄ 43:1

Nə́ɓā, ī-gān̄g sarya yāḿ, ī-rɔ̄ɔ̄ dɔḿ tə́ ta ngé ra dɔ ndūdə́ tə́ aĺ gə̄ tə́. Ī-taām̄ jī nge gól̄ loo tə́ ō, nge rāā yá̰a̰ majaĺ tə́ ō, ə́ya̰m̄ dɔɔ́!

PĀ GƏ̄ 96:10

Ə́daī nápar de gə̄ malang na Kɔ́ɔ̄ɓē i mban̄g, adə̄ dɔ nang a ndi ngan̄g, yá̰a̰ a yéȳn alé. Ni-gān̄g sarya yā gír de gə̄ i kə gōó.

PĀ GƏ̄ 96:13

ta kum Kɔ́ɔ̄ɓē tə́ tā, tɔdɔ̄ ni a reē i mbée, a reē i kə̄ ko̰o̰ ɓē tə́ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

PĀ GƏ̄ 98:9

kété no Kɔ́ɔ̄ɓē tə́, tɔdɔ̄ ni a reē i mbée. A reē i kə̄ ko̰o̰ ɓēé dɔ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.