PĀ GƏ̄ 7:8 - Bibəl ta Sar̄

⁸ Gír de gə̄ kánə̄n̄ naā gīrə̄n̄ gidií, ī-tél āw̄ ī-ndi gotií tə́ dɔɔ́ dɔdə́ tə́!

Bible sar

⁸ Gír de gə̄ kánə̄n̄ naā gīrə̄n̄ gidií, ī-tél āw̄ ī-ndi gotií tə́ dɔɔ́ dɔdə́ tə́!

PĀ GƏ̄ 7:8 Referans Kwoze

PĀ GƏ̄ 96:13

ta kum Kɔ́ɔ̄ɓē tə́ tā, tɔdɔ̄ ni a reē i mbée, a reē i kə̄ ko̰o̰ ɓē tə́ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

PĀ GƏ̄ 43:1

Nə́ɓā, ī-gān̄g sarya yāḿ, ī-rɔ̄ɔ̄ dɔḿ tə́ ta ngé ra dɔ ndūdə́ tə́ aĺ gə̄ tə́. Ī-taām̄ jī nge gól̄ loo tə́ ō, nge rāā yá̰a̰ majaĺ tə́ ō, ə́ya̰m̄ dɔɔ́!

PĀ GƏ̄ 98:9

kété no Kɔ́ɔ̄ɓē tə́, tɔdɔ̄ ni a reē i mbée. A reē i kə̄ ko̰o̰ ɓēé dɔ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

1 TESALONIK 2:10

Sḭḭ̄ ō, Nə́ɓā ō ní, sḭḭ̄ i de kə́ kum tə́ yājí gə̄ kadə̄ háĺjí ń jə-ndiń dansí sḭḭ̄ ngé taā kem gə̄ tə́ ní, i háĺ kə́ unjə̄ njáý njáý ō, kə́ kanjə̄ najə̄ dɔ tə́ ō.

2 KORḚNTƏ 1:12

Yá̰á̰ ń ɔjə kɔr ta rɔ̄ yājí ní, i najə̄ ń toō ń kemjí ɔjəjí ní. Kemjí ɔjəjí kadə̄ háĺjí ń jə-ndiń dan de kə́ dɔ nang tə́ gə̄ tə́, ba mandang ɓáa i sesí sḭḭ̄ḭ́ ní, i háĺ kə́ kanjə̄ gól̄ loo ō, kə́ unjə̄ njáý njáý ō, adə̄ i hál yā Nə́ɓā. I hál kum kedə̄ yā de gēé alé, banī i hál kem majə yā Nə́ɓā.

PĀ GƏ̄ 78:72

Dabid rāā kəla yān adə̄ gír gān̄g i kə ngarā̰ kem kə́ najə̄ kə́ yā kəda dɔ tə́ gətóo ō, ɔr no gír deē yā Kɔ́ɔ̄ɓē gə̄ i kə jīn kə́ ger̄ kəlaá ō.

PĀ GƏ̄ 26:1

Pā yā Dabid. Kɔ́ɔ̄ɓē, ī-gān̄g sarya yāḿ, tɔdɔ̄ m̄-rāā yá̰a̰ i kə́ gōó ō, m-ə̄ndā kemḿ dɔí tə́ kanjə̄ kadə̄ kemḿ tɔ́sə̄m̄ ō.

PĀ GƏ̄ 41:12

Yá̰á̰ ń m̄-gerə̄ń kadə̄ nelī seḿ ní n toó: Madə̄ ba̰ā̰ḿ əga kɔŕ tetə rɔ̄ɔ̄ dɔḿ tə́ to̰ alé.

PĀ GƏ̄ 26:11

m̄-rāā yá̰a̰ malang kə gōó majə. Ní ɓɔ́, ī-gān̄g dɔḿ!

PĀ GƏ̄ 25:21

Ādə̄ hálí kə́ gōtə́ ō kə́ súmūú ō ngɔ̄mə̄mə̄n̄, tɔdɔ̄ m-ə̄ndā kemḿ dɔí tə́.

PĀ GƏ̄ 11:4

Kɔ́ɔ̄ɓē ndi kem kújə yān kə́ táĺ tə́. Kōr̄ kāgə̄ mbang yān ndi i dɔ rā̰ tə́. Ni-əndā ma̰ȳ de gə̄ kə kumneé, anī ger̄ kəla rāā deē ndul gə̄ kógə̄ḿ kógə̄ḿ.

PĀ GƏ̄ 9:8

Kɔ́ɔ̄ɓē o̰o̰ ɓē ngándáńg! Ni-rāā adə̄ kōr̄ kāgə̄ mbang yān ndi ngan̄g yā rāań sarya.

2 YÁ̰A̰ GƏ̄ 20:12

Kɔ́ɔ̄ɓē Nə́ɓā yājí, ā ī-gān̄g sarya dɔdə́ tə́ aĺ a? Jə-tūr̄ kumjí kə̄ rɔ̄í tə́ ba jə-rāāī ɓɔ́ tām̄ tɔ́gə́jí gətóo no kósə de kə́ ngá̰ý gə̄ ń a reēn̄ kə̄ rɔ̄jí tə́ toō ō, jə-ger̄ yá̰á̰ kə́ yā rāā aĺ ō.

TA KƏLA 31:53

Ādə̄ Nə́ɓā yā Abəraham ō, Nə́ɓā yā Nahor ō, gāngə̄n̄ sarya kə́ dɔ dáńjí tə́. Loo ń noō tə́ Jakob túbə kə rī Nə́ɓā ń bɔbə̄n Isaak a ɓōlə́n ní.

TA KƏLA 18:25

Tɔ̄l̄ de kə́ súmūú naā tə́ kə nge kem nduluú, kadə̄ yá̰a̰ yā de kə́ súmūú to tītə̄ yā nge kem ndul ní i yá̰a̰ rāāí ḭ̄ alé. Yá̰á̰ kə́ rāā tītə̄ ń noō i yá̰a̰ rāāí ḭ̄ alé. Nge gān̄g sarya dɔ de gə̄ malang kə́ dɔ nang tə́ tə́ a rāā yá̰á̰ kə́ gōtə́ aĺ alé.

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

Gōsə̄ najə̄ gə̄ 19:1

De kə́ yá̰a̰ aĺ kə́ nge rāā yá̰á̰ kə́ súmūú i só tə́ tɔȳ de kə́ najə̄ kə́ tan tə́ i súmūú aĺ ō, kə́ ni i de kə́ mbóo ō.

PĀ GƏ̄ 82:1

Pā yā Asap. Nə́ɓā ra dɔɔ́ dan ngé kán̄ naā yān gə̄ tə́, ni-ra dan de kə́ bo kə́ dɔ rā̰ tə́ gə̄ tə́ gāngəń sarya.