PĀ GƏ̄ 7:5 - Bibəl ta Sar̄

⁵ ré deē ń rāām̄ kə́ majaĺ ní m̄-rāān kə́ majaĺ kum gotə, ré deē ń gír̄ kə́ majaĺ i kemən tə́ seḿ kanjə̄ kumən ní m̄-taā yá̰a̰ yān,

Bible sar

⁵ ré deē ń rāām̄ kə́ majaĺ ní m̄-rāān kə́ majaĺ kum gotə, ré deē ń gír̄ kə́ majaĺ i kemən tə́ seḿ kanjə̄ kumən ní m̄-taā yá̰a̰ yān,

PĀ GƏ̄ 7:5 Referans Kwoze

JAKARI 10:5

Nin̄ a ton̄ tītə̄ go̰ rɔ̄ɔ̄ gə̄ beé. Nin̄ a rējə̄n̄ ngé rɔ̄ɔ̄də́ gə̄, tītə̄ bɔr kə́ kum róbə kɔsɔɔ́ beē. Nin̄ a rɔ̄ɔ̄n̄ tītə̄ ń noō i tɔdɔ̄ mā ń i Kɔ́ɔ̄ɓē ní, mā i sedə́ naā tə́. Rɔ̄ ngé kal̄ sə́nda yā madə̄ ba̰ā̰ gə̄ a sɔl̄də́.

HABAKUK 3:13

Ī-teē i yā kajə gír deē yāí gə̄, i yā kajə mban̄g ń ḭ̄ ɔ̄r̄ kamə̄n tām̄ yā Nə́ɓā tə́ ní. Ḭ̄ ī-mbəre ngār yā gír de kə́ majaĺ gə̄ ə̄nīn ō, de gə̄ ń ɓoon̄ rɔ̄də́ tū yān tə́ ní, ḭ̄ ī-nujədə́ sák sák kɔ̄ɔ́ ō.

JEREMI 17:13

Kɔ́ɔ̄ɓē, ḭ̄ ń Israel gə̄ əndān̄ kemdə́ dɔí tə́ ní, de gə̄ malang ń əya̰nī kɔ̄ɔ́ ní rɔ̄də́ sɔl̄də́ ngá̰ý. Ngé gə̄ ń ɔrə̄n̄ rɔ̄də́ rɔ̄ḿ tə́ kɔ̄ɔ́ ní tadə́ a tḭ̄ḭ̄, tɔdɔ̄ nin̄ əya̰n̄ Kɔ́ɔ̄ɓē ń i ngəra kajə ní kɔ̄ɔ́.

IJAI 63:3

A̰á̰ā̰, i mə̄kɔ́ kə kérə́ḿ n m̄-mbə́rē kan̄ nduú loo mbə́rē kan̄ nduú tə́ ní. De kə́ dan gír de gə̄ tə́ kə́ seḿ gətóo. Loo ń noō tə́ wōn̄g rāām̄ ngá̰ý, adə̄ m̄-mbə́rēdə́, m̄-tə̄ɓādə́ kə wōn̄g kə́ ngá̰ý. Mósə́də́ kə́rā kə̄ tū kūbə̄ yāḿ gə̄ tə́ adə̄ kūbə̄ yāḿ gə̄ malang i kə́ m̄-rāā adə̄ mósə́də́ tákə̄.

IJAI 10:6

M-ə́lá áskar yān gə̄ kə̄ dɔ nápar de gə̄ kə́ ngé ran̄ dɔ ndūdə́ tə́ aĺ gə̄ tə́, yā kadə̄ rɔ̄ɔ̄n̄də́. M-ɔ́r nodə́ m-āw̄ sedə́ kə̄ dɔ gír de gə̄ kə́ rāāmə̄n̄ adə̄ wōn̄g rāām̄ tə́. Ādə̄ Asiri ɔy yá̰a̰ kənge yā gír de gə̄ ní dɔ gúú tə́! Ādə̄ ni tə́ɓādə́ tītə̄ loo tə́ɓā bɔr kə́ kum róbə kɔsə gə̄ tə́ beē!

PĀ GƏ̄ 60:12

I ḭ̄ Nə́ɓā ń ī-mbātə́jí kɔ̄ɔ́ ní ngóy aĺ a? I ḭ̄ Nə́ɓā ń ī-teē kə ngé rɔ̄ɔ̄ yājí gēé to̰ aĺ ní ngóy aĺ a?

PĀ GƏ̄ 49:12

Nin̄ ɔjən̄neé na kújə yādə́ gə̄ na a ton̄ ngándáńg, na loo ndidə́ gə̄ na a nujə alé, adə̄ tə́ndān̄ rīdə́ gə̄ dɔ dɔ nang yādə́ gə̄ tə́.

PĀ GƏ̄ 44:5

Ɓɔ́ Nə́ɓā, ḭ̄ ń i mban̄g yāḿ ní, ādə̄ ndūí anī Jakob a tetə rɔ̄ɔ̄.

PĀ GƏ̄ 3:2

Kɔ́ɔ̄ɓē, madə̄ ba̰ā̰ḿ gə̄ i ngá̰ý! Ngé kḭḭ seḿ kə rɔ̄ɔ́ gə̄ i ngá̰ý!

Makətūbə̄ yā Job 16:15

M-ūr̄ kūbə̄ kəhɔ ndoō m-ə́la rɔ̄ḿ tə́ m-ūtəń tə́re doo gə̄ ō, m-ə́la nɔtə noḿ kum bumbə́rú tə́ ō.

1 SAMUEL 24:11

Ḭ̄kɔ́ á̰a̰ā̰ kə kumií ɓōólaā kadə̄ Kɔ́ɔ̄ɓē əlaī jīḿ tə́ kem bəlo mbal̄ ń toō tə́. Deē yāḿ gə̄ mēr̄mə̄n̄ tɔ̄lī, banī kumḿ o̰o̰m̄ tām̄ yāí tə́ adə̄ m-ə́da na: M-ā m-ə́la jīḿ yā kɔdəń rɔ̄ kɔ́ɔ̄ḿ alé, tɔdɔ̄ ni i deē ń Kɔ́ɔ̄ɓē ur yibə̄ ngār dɔn tə́ ní.

1 SAMUEL 24:18

ba əda Dabid na: Ḭ̄ i de kə́ súmūú tɔȳm̄ mā, tām̄ ī-rāā majə seḿ ba mā m̄-rāāī majaĺ.

1 SAMUEL 24:20

Ré deē ənge madə̄ ba̰ā̰n róbó anī a əya̰n kadə̄ aw̄ loo yān karī a? Yá̰á̰ ń ī-rāā seḿ ɓōólaā toó, adə̄ Kɔ́ɔ̄ɓē əndā njaí tāmən tə́.