PĀ GƏ̄ 7:15 - Bibəl ta Sar̄

¹⁵ Deē ń a gír̄ i yá̰á̰ kə́ majaĺ ō, a núm̄ i rāā yá̰á̰ kə́ gōtə́ aĺ ō ní, a ojə i najə̄ kə́ rɔ̄kum alé.

Bible sar

¹⁵ Deē ń a gír̄ i yá̰á̰ kə́ majaĺ ō, a núm̄ i rāā yá̰á̰ kə́ gōtə́ aĺ ō ní, a ojə i najə̄ kə́ rɔ̄kum alé.

PĀ GƏ̄ 7:15 Referans Kwoze

Makətūbə̄ yā Job 4:8

Yá̰á̰ ń m-ə̄ndā ma̰ȳ m-á̰a̰ā̰ majə ní n toó: I ngé ndɔr̄ yá̰á̰ kə́ gōtə́ aĺ gə̄ ō, i ngé dubə̄ yá̰á̰ kə́ tōr̄ gə̄ ō n a əjan̄ yá̰á̰ kə́ gōtə́ aĺ gə̄ ō, yá̰á̰ kə́ tōr̄ gə̄ ō ní.

PĀ GƏ̄ 141:10

Ādə̄ ngé kem ndul gə̄ ń noō əsōn̄ kum gūmbə̄ ń nin̄ kɔ́ gə̄ əyān̄ tə́ ní, banī mā m-ā m̄-teē kum tə́ karī!

Gōsə̄ najə̄ gə̄ 26:27

Nge ndēr̄ bəlo a əsō kemeé ō, mbal̄ tél a əsō dɔ nge ndūbə̄rūn tə́ ō.

PĀ GƏ̄ 10:2

Nge kem ndul bám̄ ngé ndoō gə̄ kanjə̄ rɔ̄sɔl̄, əhɔdə́ kə kəla rāān kə́ majaĺ gə̄ kə́ loo mundə̄ tə́.

PĀ GƏ̄ 57:6

Nə́ɓā, ḭ́ḭ ī-ra dɔ rɔ̄í tə́ dɔɔ́ dɔ rā̰ tə́! Ādə̄ kɔsə gɔn yāí taā loo dɔ nang tə́ malang!

ESTER 7:10

Adə̄ ənīn̄ kəlā míndə Haman tə́ ba do̰ō̰nən̄ dɔɔ́ tū kāgə̄ tɔ̄l̄ deē ń ni-rāā tām̄ yā Mardose tə́ ní. Loo ń no ō tə́ wōn̄g yā mban̄g tetə.

Gōsə̄ najə̄ gə̄ 5:22

Yá̰á̰ kə́ gōtə́ aĺ gə̄ ń nge kem ndul rāā ní tél əhɔn nəkɔ́ gūmbə̄ tə́ ō, kəlā majaĺ yān gə̄ a do̰ō̰n ō.

JEREMI 18:20

Deē a əga kə̄rā majə kə yá̰á̰ kə́ majaĺ a? Tɔdɔ̄ nin̄ ndērə̄n̄ bəlo kadə̄ m-ə̄sō kemeé kadə̄ gír yāḿ gān̄g. Ādə̄ əga kemií dɔḿ mā ń m̄-rā ta kumií tə́ m-ɔ̄r̄ najə̄ seí tām̄ yādə́ tə́ ō, m̄-tūr̄ ta wōn̄g yāí kə́ ngá̰ý dɔdə́ tə́ kɔ̄ɔ́ ō ní.

PĀ GƏ̄ 119:85

Ngé kɔjə rɔ̄ gə̄ ndērə̄n̄ bəlo noḿ tə́, nin̄ kídə̄n̄ ndū najə̄ yāí.

PĀ GƏ̄ 94:13

Ni a ndi lɔm ndɔ̄ ń yá̰a̰ a tōrəń rɔ̄ de gə̄ tə́ ní ō, dan ń a əjan̄ bəlo kə́ bo tām̄ yā ngé kem ndul gə̄ tə́ ní ō.

Makətūbə̄ yā Job 6:27

Kadə̄ āwī bátə́ ī-túgī wə̄lā dɔ ngōn̄ hal tə́ a? Kadə̄ ígiī kə madə̄ tasí a?

Makətūbə̄ yā Job 15:35

Deē ń ndān̄ i ngōn̄ yá̰á̰ kə́ majaĺ ní, a ojə i yá̰á̰ kə́ to kum kaȳ aĺ ō, yá̰á̰ ń ni núm̄ kemən tə́ ní, a gól̄ i ngarā̰ kemən nəkɔ́ ō.

IJAI 33:11

Yá̰a̰ gə̄ ń sḭḭ̄ ī-sāā-i rāā ní, i mu kə́ tutə gə̄ ngóy. Dan ń yá̰a̰ gə̄ ní reē udən̄ gíŕ kə́ rɔ̄ tə́ anī, yá̰a̰ gə̄ ní i mu karī. Koōsí sḭḭ̄ kɔ́ gə̄ a nujəsí tītə̄ hor beé.

IJAI 59:4

Loo sekə́ ń ā ī-sekíī deē loo sarya tə́ ní i gōtə́ alé. Sḭḭ̄ ī-rɔ̄ɔ̄ī dɔ deē tə́ i kə gō najə̄ kə́ rɔ̄kum alé. Sḭḭ̄ ə̄ndāī tɔ́gə́sí i dɔ yá̰á̰ kə́ kemən ra wōȳ tə́. Sḭḭ̄ ə́daī yá̰á̰ kə́ rɔ̄kum aĺ gə̄. Sḭḭ̄ ə̄tōī yá̰á̰ kə́ majaĺ kemsí tə́ ō, ójiī i yá̰á̰ kə́ to kum kaȳ aĺ ō.

DANIEL 6:25

De gə̄ ń sekə́n̄ Daniel ní, mban̄g əda kadə̄ reēn̄ sedə́. Adə̄ reēn̄ ɓōkə́n̄də́ bəlo ɓɔl gə̄ tə́, nin̄ ō ngáńdə́ gə̄ ō, nə̄yá̰də́ naā tə́ kɔ̄ɔ́.