PĀ GƏ̄ 7:13 - Bibəl ta Sar̄

¹³ Ré nge kem ndul əya̰ gír majaĺ yān aĺ anī, Nə́ɓā a ɔl̄ kum kaskar yān kadə̄ atə ō, a əndā gərā tū kəlā ga̰ gərā tə́ ō, a ɔr gō ō, a serən ō.

Bible sar

¹³ Ré nge kem ndul əya̰ gír majaĺ yān aĺ anī, Nə́ɓā a ɔl̄ kum kaskar yān kadə̄ atə ō, a əndā gərā tū kəlā ga̰ gərā tə́ ō, a ɔr gō ō, a serən ō.

PĀ GƏ̄ 7:13 Referans Kwoze

2 TESALONIK 1:6

Ngé gə̄ ń rāān̄ adə̄ wur kɔl əsō dɔsí tə́ ní, i gōtə́ kadə̄ Nə́ɓā rāā adə̄ wur kɔl əsō dɔdə́ tə́ ō.

HABAKUK 3:13

Ī-teē i yā kajə gír deē yāí gə̄, i yā kajə mban̄g ń ḭ̄ ɔ̄r̄ kamə̄n tām̄ yā Nə́ɓā tə́ ní. Ḭ̄ ī-mbəre ngār yā gír de kə́ majaĺ gə̄ ə̄nīn ō, de gə̄ ń ɓoon̄ rɔ̄də́ tū yān tə́ ní, ḭ̄ ī-nujədə́ sák sák kɔ̄ɔ́ ō.

PĀ GƏ̄ 64:7

Nin̄ gírə̄n̄ yá̰á̰ kə́ majaĺ yā rāā ba ədan̄ na: Yá̰á̰ ń jə-sāā rāā ní jə-nóm̄ loon majə, deē asə ger̄ gír̄ kə́ kem deē tə́ alé!

PĀ GƏ̄ 45:5

Āl̄ sə́nda ō, úr gərā ō, ba ī-tetə rɔ̄ɔ̄ tām̄ yā najə̄ kə́ rɔ̄kum tə́ ō, yā rɔ̄ɔń dɔ ngé ndoō gə̄ tə́ ō, dɔ yá̰á̰ kə́ súmūú tə́ ō! Ādə̄ jī ko̰í rāā yá̰á̰ kə́ to ɓōĺ gə̄.

PĀ GƏ̄ 18:14

Kɔ́ɔ̄ɓē rāā adə̄ man̄ ndang dɔ rā̰ tə́, Nə́ɓā kə́ dɔɔ́ sa̰y ngá̰ý rāā adə̄ ndūn ɓār̄.

JEJU TEĒ KUM JA̰A̰ 16:6

Dan ń nin̄-ɓōkə́n̄ mósə deē yāí gə̄ ō, mósə́ ngé koō ta yāí gə̄ ō nang tə́ ní, i gō tə́ kadə̄ ādə̄də́ mósə kadə̄ a̰ȳn̄.

JEJU TEĒ KUM JA̰A̰ 6:10

Nin̄-əgan̄ kɔŕ ngá̰ý ədan̄ na: Ngoljí kə́ táĺ ō, kə́ rɔ̄kum ō, ā ɔ́r bā̰ā̰ loo gān̄g sarya tə́ ō, loo dal ba̰ā̰ mósə́jí, dɔ de kə́ dɔ nang tə́ gə̄ tə́ ō, i bátə́ rə́ngáý tə́?

HABAKUK 3:11

Mbang ō, nāā ō, dəba ran̄ gotə kógə̄ḿ ta kum gərā yāí kə́ ndə́lē gə̄ ń ī-túr̄ tə́ ní ō, ta nənga yāí kə́ ndə́lē gə̄ tə́ ō.

PĀ GƏ̄ 144:6

Ī-rāā ādə̄ man̄ tel̄ kə̄ loo gə̄ tə́, ī-tə̄ndā madə̄ ba̰ā̰ḿ gə̄ ī-tḭ̄ḭ̄də́ naā tə́ kɔ̄ɔ́, ī-túr̄ kum gərā yāí gə̄, ī-tə̄ndā ī-gángəńdə́ kə̄ loo gə̄ tə́.

PĀ GƏ̄ 64:3

Ī-ɓɔ̄ɔ̄m̄ ādə̄ mā i sa̰y rɔ̄ ngé kem ndul gə̄ tə́, sa̰y rɔ̄ ngé rāā yá̰a̰ gōtə́ aĺ gə̄ ń oōn̄ naā loo mundə̄ tə́ dɔḿ tə́ ní.

PĀ GƏ̄ 11:2

Á̰a̰ā̰, ngé kem ndul gə̄ ran̄ tilií ba tə́ndān̄ gərā yādə́ tū kəlān tə́ ō, ndɔ́rə̄n̄ gō ō, yā túrəń de kə́ súmūú gə̄.

Makətūbə̄ yā Job 6:4

A̰á̰ā̰, Nə́ɓā kə́ tɔ́gən i ngá̰ý túrə̄m̄ kə kum gərā yān gēé, adə̄ dā̰ rɔ̄ḿ njíbə̄ kong kəga kə́ majaĺ ngá̰ý kə́ ta gərā yān gə̄ tə́. Yá̰a̰ gə̄ malang ń Nə́ɓā a əlań ɓōĺ kə́ ngá̰ý kem de gə̄ tə́ ní, əndān̄ rɔ̄də́ kə ta naá kə jī loo rɔ̄ɔ́ yā rɔ̄ɔ̄m̄.

NDŪ NAJƏ̄ 32:42

Gərā yāḿ gə̄ a a̰ȳn̄ mósə kadə̄ rāādə́ kə́ kasə tə́ ō, kaskar yāḿ a əsa dā̰ yā ndān̄ ō. Adə̄ i mósə de gə̄ ń tɔ̄lə̄n̄də́ ní ō, de gə̄ ń əhɔn̄də́ ta rɔ̄ɔ̄ tə́ ní ō, ngol áskar gə̄ yā madə̄ ba̰ā̰ gə̄ ō.

NDŪ NAJƏ̄ 32:23

M-ā m̄-kán̄ yá̰á̰ kə́ tōr̄ gə̄ kə̄ dɔdə́ tə́. M-ā m̄-túr̄də́ kə kum gərā yāḿ gēé.

NDŪ NAJƏ̄ 32:41

Ré m-ɔ́l kum kaskar yāḿ adə̄ atə ō, ndə́lē pipir ō, ré m-ún sarya kə̄ jīḿ tə́ ō anī, m-ā m̄-dal ba̰ā̰ dɔ madə̄ ba̰ā̰ḿ gə̄ tə́ ō, de gə̄ ń imə̄mə̄n̄ ní m-ā m-ə̄gādə́ ō.

NŌŌ RƆ̄ 2:4

Ndɔ́r̄ ga̰ gərā yān sɔɔ̄ń Jerusalem tītə̄ kə́ ni i madə̄ ba̰ā̰n beé ō, əhɔ jī ko̰o̰n dɔɔ́ tītə̄ nge rɔ̄ɔ̄ beé ō. Ni tɔ̄l̄ ngé gə̄ malang ń majən̄ ka̰ā̰ ngá̰ý ní. Ɓōkə́ wōn̄g yān kə́ ngá̰ý hor tə́ dɔ kújə tandā yā ngōmandə kə́ Siyo̰ tə́.