PĀ GƏ̄ 7:10 - Bibəl ta Sar̄

¹⁰ Ī-ɗogə́rō ta kəla yā ngé kem ndul gə̄! Ī-mbūsə̄ de kə́ súmūú adə̄ ra ngan̄g! Tɔdɔ̄ nge ger̄ gír̄ kə́ kem deē tə́ i Nə́ɓā kə́ súmūú.

Bible sar

¹⁰ Ī-ɗogə́rō ta kəla yā ngé kem ndul gə̄! Ī-mbūsə̄ de kə́ súmūú adə̄ ra ngan̄g! Tɔdɔ̄ nge ger̄ gír̄ kə́ kem deē tə́ i Nə́ɓā kə́ súmūú.

PĀ GƏ̄ 7:10 Referans Kwoze

Gōsə̄ najə̄ gə̄ 28:18

De kə́ najən gətóo a ajə, banī nge tə́lá hálən naā tə́ a tḭ̄ḭ̄ ta rɔ̄n ndɔ̄ kógə̄ḿ tə́.

PĀ GƏ̄ 125:4

Kɔ́ɔ̄ɓē, deē ń kemən ndaa ō i de kə́ súmūú ō ní, ī-rāā kem ndaa seneé.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

Gōsə̄ najə̄ gə̄ 11:20

De gə̄ ń gól̄ loo rosə kemdə́ ní nin̄ i de kə́ yḛr gə̄ ta kum Kɔ́ɔ̄ɓē tə́, banī Kɔ́ɔ̄ɓē ndigə najə̄ yā de kə́ sew gə̄.

TA KƏLA 15:1

Gō yá̰a̰ gə̄ ń noō tə́ anī, Kɔ́ɔ̄ɓē ndɔ̄bə̄ Abəram ɔr̄ najə̄ seneé ədan na: Abəram, ī-lōō ɓōĺ na mā i der yāí. Yá̰a̰ kəndā nja i ngá̰ý jīḿ tə́ kadə̄ m-ā m-ə̄ndań njaí.

Gōsə̄ najə̄ gə̄ 2:21

De kə́ súmūú gə̄ a ndin̄ dɔ nang tə́ ō, de kə́ najə̄ gətóo dɔdə́ tə́ gə̄ a ndin̄ tū tə́ ō.

PĀ GƏ̄ 112:2

Gír kaa yān i gír kaa kə́ tɔ́gən i ngá̰ý dɔ nang tə́, tɔdɔ̄ Nə́ɓā rāā majə kə de kə́ súmūú gēé malang.

PĀ GƏ̄ 89:18

Rɔ̄kum, ḭ̄ i tɔ́gə́də́ kə́ to ɓōĺ ngá̰ý. Ḭ̄ ī-rāā ādə̄ kumjí a̰a̰ rá ráńg i kə ta kūl̄ kem majə yāí.

PĀ GƏ̄ 3:3

Ngé tə́da najə̄ dɔḿ tə́ gə̄ i ngá̰ý, nin̄ ədan̄ na: Nə́ɓā a ajən alé!

Makətūbə̄ yā Job 8:6

ré ɔ́jə kadə̄ ḭ̄ i de kə́ rɔ̄kum ō, kə́ súmūú ō anī, ni a a̰a̰ gōí ō, loo ń ásə ndi tū tə́ ní, ni a téləń yā kadī gogə́ ō.

1 YÁ̰A̰ GƏ̄ 28:9

Banī ḭ̄ ngōnə́ḿ Salomo̰, Nə́ɓā ń m̄-rāā kəla yān ní, ī-ndóō loo gerə̄n kə gōó majə. Ādə̄ kemií kēgə̄ loo rɔȳn tə́ aĺ ō, ādə̄ rɔ̄í neli loo rāā kəla yān tə́ ō. Tɔdɔ̄ kum Kɔ́ɔ̄ɓē a̰a̰ loo bátə́ ugə̄ gə́le kem de gə̄ tə́ malang ō, Kɔ́ɔ̄ɓē əndā ma̰ȳ gír̄ gə̄ malang kə́ kem deē tə́ ō. Ré ī-sāān anī, a əya̰ rɔ̄n yā kadə̄ ə́ngen. Banī ré ə́ya̰n kɔ̄ɔ́ anī, a mbātíī i kə́ njɔ́ḿ gə̄ tə́.

2 YÁ̰A̰ GƏ̄ 6:30

ḭ̄ ń ī-ndi dɔ rā̰ tə́ ní, ōō ndūjí loo ń ī-ndi tū tə́ ní tə́. Ī-mā̰ȳ rɔ̄í dɔdə́ tə́ ba ī-rāā yá̰á̰ ń majə kadə̄ ī-rāā sedə́ ní kógə̄ḿ kógə̄ḿ kə dɔdə́ gēé sɔɔ̄ń háĺdə́ tām̄ ī-ger̄ kemdə́. Tɔdɔ̄ i ḭ̄ kógə̄ḿ beē n i nge ger̄ kem de gə̄ ní.

JEREMI 11:20

Kɔ́ɔ̄ɓē kə́ bo kə́ tɔ́gən i ngá̰ý, ḭ̄ ń ó̰o̰ ɓē kə háĺ kə́ gōtə́ ō, ḭ̄ ń i nge kəndā ma̰ȳ gír̄ yā deē ō, ngaran̄g kem deē ō ní, ī-dal ba̰ā̰ dɔdə́ tə́ ādə̄ m-á̰a̰ā̰, tɔdɔ̄ m-ə́ya̰ rɔ̄ḿ i kem jīí ḭ̄ tə́.

JEREMI 17:10

I náā n asə ger̄ gír̄ gə̄ ní? Mā Kɔ́ɔ̄ɓē m-á̰a̰ gír̄ kə́ kem de gə̄ tə́ ō, m-ə̄ndā ma̰ȳ ngarā̰ kemdə́ ō, yā kadə̄ m-ə̄ndań nja deē kógə̄ḿ kógə̄ḿ kə gō hál rāān ō, yá̰a̰ gə̄ ń teēn̄ tū kəla rāān gə̄ tə́ ní ō.