PĀ GƏ̄ 69:3 - Bibəl ta Sar̄

³ M-údə kum bɔr kə́ lú ngá̰ý tə́ kə́ loo kə́ ngan̄g gətóó gírí ō, yá̰á̰ kə́ yā kəhɔm̄ kə̄ dɔɔ́ gətóo tū tə́ ō. Mā i dan ɓūlūú. Katə man̄ əjam̄ aw̄ seḿ.

Bible sar

³ M-údə kum bɔr kə́ lú ngá̰ý tə́ kə́ loo kə́ ngan̄g gətóó gírí ō, yá̰á̰ kə́ yā kəhɔm̄ kə̄ dɔɔ́ gətóo tū tə́ ō. Mā i dan ɓūlūú. Katə man̄ əjam̄ aw̄ seḿ.

PĀ GƏ̄ 69:3 Referans Kwoze

PĀ GƏ̄ 6:6

Tɔdɔ̄ deē ń oy ní a əga kemən dɔí tə́ to̰ alé. De gə̄ ń oyn̄ ní asən̄ ɓōkíī tɔ̄ȳ to̰ alé.

IJAI 38:14

m̄-nōō tītə̄ yel̄ gabə kɔsə beé, nōō yāḿ to tītə̄ nōō dér gutə beé. Kɔr asə kumḿ nák loo ka̰a̰ loo tə́ kum kə̄ dɔ rā̰ tə́. Kɔ́ɔ̄ɓē, tɔ́gə́ḿ ur̄ wak kɔ̄ɔ́, ī-rāā yá̰á̰ kógə̄ḿ tām̄ yāḿ tə́!

PĀ GƏ̄ 119:123

Kumḿ ɔr kɔ̄ɔ́ loo ngóō kajə kə́ kadə̄ ájəm̄ tə́ ō, loo sāā yá̰á̰ ń háĺ kə́ gōtə́ yāí ɔjə ní tə́ ō.

PĀ GƏ̄ 119:82

Kumḿ roō kɔ̄ɔ́ loo ndəle yá̰a̰ gə̄ ń ɔ́sə kə de gēé ta rāā ní tə́. adə̄ m-ə́da na: Ā ī-sɔl̄ kemḿ i rə́ngáý tə́?

NDŪ NAJƏ̄ 28:32

Ngání kə́ dəngam gə̄ ō, kə́ dəyá̰ gə̄ ō a aw̄n̄ ɓəloó ɓē gír de kə́ rang gēé ta kumií tə́. A ɔr loo gó̰ō̰ ta róbə́də́ tə́ dəloí bátə́ kadə̄ mbang udəń. Ba ḭ̄ ā ásə rāā yá̰á̰ kógə̄ḿ alé.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

JA̰A̰ 19:28

Gō tə́ anī, Jeju ń ger̄ kadə̄ gíŕ yá̰a̰ malang gān̄g ní, əda najə̄ ń toō kadə̄ yá̰á̰ ń ndangən̄ kem makətūbūú ní reē udəń gírí, əda na: Kəndā rāām̄.

NŌŌ RƆ̄ 2:11

Man̄ nōō utə̄ kumḿ ō, kemḿ təngām̄ ngá̰ý ō. Tɔ́gə́ḿ gətóo kɔ̄ɔ́ adə̄ m-ə̄sō m-ɔ́də nang. Tɔdɔ̄ ngōmandə yā gír deē yāḿ gə̄ nujə kɔ̄ɔ́ ō. ngán kə́ dūú gə̄ ō, kə́ ta mba tə́ gə̄ ō, ton̄ kə́ yo tə́ ndágə loo gə̄ kə́ kem ɓēé tə́.

PĀ GƏ̄ 69:21

Ndū ń tájə̄mə̄n̄ ní nujə kem sák sák ō, rāām̄ kə moyo̰ó̰ ō, m-ə̄ndā kemḿ dɔ ka̰a̰ deē kógə̄ḿ loo rāā yá̰á̰ kə́ ɔjə kadə̄ kumən o̰o̰n tām̄ yāḿ tə́ ō, banī m-á̰a̰ deē loo rāā yá̰á̰ kógə̄ḿ tə́ alé. m̄-sāā deē kógə̄ḿ kə́ kadə̄ sɔl̄ kemḿ, banī m-ə́nge alé.

PĀ GƏ̄ 39:7

Rɔ̄kum, deē aw̄ ō tél ō banī ni i ndíĺ yá̰a̰ karī! A̰á̰ā̰ aw̄ kə̄ yóō aw̄ kə̄ laā, banī ni i koō ngóy! Ni kán̄ yá̰a̰ kə̄ dɔ naā tə́ banī ger̄ deē ń a ɔy ní alé.

PĀ GƏ̄ 25:21

Ādə̄ hálí kə́ gōtə́ ō kə́ súmūú ō ngɔ̄mə̄mə̄n̄, tɔdɔ̄ m-ə̄ndā kemḿ dɔí tə́.

PĀ GƏ̄ 22:15

Tɔ́gə́ḿ teē rɔ̄ḿ tə́ tītə̄ man̄ kə́ a də̄yā̰ beé. Kə̄ngāḿ gə̄ ḭḭn̄ ta naā tə́ malang. Wurəḿ yḛḛ̄ kə̄ kemḿ tə́ tītə̄ tībə̄ tejə bəya̰ beé.

PĀ GƏ̄ 22:2

Nə́ɓā yāḿ, Nə́ɓā yāḿ, ə́ya̰m̄ kɔ̄ɔ́ i tām̄ rí tə́? Ī-ra dan sa̰y kanjə̄ dḭḭ̄m̄ ō, kanjə̄ koō nōō yāḿ ō i tām̄ rí tə́?

Makətūbə̄ yā Job 16:16

m̄-nōō ngá̰ý adə̄ kumḿ kərē kátə́ kátə́ ō, deē a̰a̰ yo dɔ kumḿ tə́ ger̄ ō.

Makətūbə̄ yā Job 11:20

Banī kum ngé kem ndul gə̄ roō loo sāā nge reē dḭḭ̄də́ tə́ ō, nin̄ əngen̄ loo kə́ yā ɓɔ̄ɔń rɔ̄də́ aĺ ō. Yá̰á̰ ń nin̄ əndān̄ kemdə́ dɔ tə́ ní, i kadə̄ koōdə́ teē ngóy.

PĀ GƏ̄ 40:3

Ni ɔrə̄m̄ kem bəlo kə́ majaĺ ngá̰ý tə́ ō, kum bɔr kə́ loo kə́ lú ngá̰ý tə́ ō, teē seḿ ndágá. Un udəm̄ dɔɔ́ dɔ mbal̄ tə́ ō, rāā adə̄ njaḿ əhɔ dɔ nang majə ō.

PĀ GƏ̄ 88:7

Ḭ̄ ə̄nīm̄ bəlo kə́ lú ngá̰ý tə́, kem bəlo kə́ lú ngá̰ý yā yo tə́, kum til tə́.