PĀ GƏ̄ 69:13 - Bibəl ta Sar̄

¹³ De kə́ ndágə loo kə́ kem ɓēé tə́ gə̄ a ɔrə̄n̄ i najə̄ yāḿ mā ō, ngé kasə rāā gə̄ a ənīn̄ pā i seḿ māá ō.

Bible sar

¹³ De kə́ ndágə loo kə́ kem ɓēé tə́ gə̄ a ɔrə̄n̄ i najə̄ yāḿ mā ō, ngé kasə rāā gə̄ a ənīn̄ pā i seḿ māá ō.

PĀ GƏ̄ 69:13 Referans Kwoze

2 KORḚNTƏ 6:2

Tɔdɔ̄ Nə́ɓā əda na: Kum mbang ń rāā majə kə deé yāḿ a ɔjəń rɔ̄n kə̄ ndágá tə́ ní, m-ādī yá̰á̰ ń i dəjem̄ ní kadə̄ rɔ̄í nelī. Ndɔ̄ kajə deē tə́ ní, mā m̄-reē m̄-dḭḭ̄. I beé ní, kum mbang kə́ yā kadə̄ deē ndigəń rāā majə yā Nə́ɓā n toó, ndɔ̄ kajə deē n toó.

IJAI 49:8

Kɔ́ɔ̄ɓē əda na: Kum mbang kə́ majə tə́ ní, m̄-tūrī najə̄ tə́. Dan ń ndɔ̄ kajə deē ugə̄ ní, m̄-reē m̄-rāā seí. I mā n i nge rāāī ní. m̄-rāā adə̄ madə̄ naā ń m-ə́hɔ kə gír de gēé ní, reē udə gírí i kə ta kūlīí. M-ā m-ún ɓē kə́ Israel dɔɔ́. Dɔ nang ń toō ń ngɔlaā nujən̄neé kɔ̄ɔ́ ní, m-ā m̄-tél yā gān̄g kadə̄ de gə̄ gogə́ ɓáý to̰.

PĀ GƏ̄ 91:15

Ré ɓārə́m̄ anī m-ā m̄-ndigən, m-ā m̄-ndi seneé dan wur kɔl tə́. M-ā m̄-gān̄g dɔn ō, m-ā m-ɔ́sə gɔnən ō.

1 SAMUEL 25:8

Ré ni dəjedə́ anī a ədan̄ kadə̄ i najə̄ kə́ rɔ̄kum. Ə́daniī kadə̄ əhɔsí kə̄ rɔ̄n tə́ majə, tɔdɔ̄ āwī rɔ̄n tə́ i ndɔ̄ rāā nāā tə́. m̄-rāān ɓɔ́ kadə̄ adə̄sí sḭḭ̄ ō mā Dabid ń i ngōnən ní ō yá̰á̰ ń tɔ́gən asə kadə̄ adə̄jí ní.

1 PIYER 2:23

Dan ń tájə̄nən̄ ní, ni-tél kə ndūú tájə̄də́ kum gotə aĺ ō. Dan ń rāānən̄ yá̰á̰ kə́ tōr̄ ní, ni-rāā yá̰á̰ kógə̄ḿ alé, ba əya̰ rɔ̄n i kem jī Nə́ɓā nge gān̄g sarya kə́ gō tə́ tə́.

HEBƏRO 5:7

Dan ń Jeju ndi dɔ nang tə́ laā ní, Nə́ɓā ń asə kajən ta yo tə́ ní, ni-ndɔ̄ȳn ō, rāān ɓɔ́ ō, əga kɔŕ ngá̰ý ō, kə nōó kumən tə́ ō. Ba Nə́ɓā oōn i sɔɔ̄ń koō kə́ ni-oō tan.

IJAI 55:6

Ī-sāāī Kɔ́ɔ̄ɓē dan ń ni a əya̰ń rɔ̄n adə̄ de gə̄ əngenən̄ tə́ ní. Ī-ɓāríīin̄ dan ń ni i ngɔr rɔ̄sí tə́ ní.

TA KƏLA 24:27

əda na: m̄-tɔ̄ȳ Kɔ́ɔ̄ɓē Nə́ɓā yā kɔ́ɔ̄ḿ Abəraham ń ɔjə kɔ́ɔ̄ḿ kem majə yān kə́ rɔ̄kum kə̄ ndágá ní. Kɔ́ɔ̄ɓē ndɔ́rə̄m̄ ta róbə bátə́ aw̄ seḿ ɓē ngé kɔ́ɔ̄ḿ gēé.

Najə̄ kə́ Majə yā Jeju ń Luk ndang ní 22:44

Gō tə́ ɓá anī, kemən rɔ̄n kə ngangāá ngá̰ý, ba ni-ndɔ̄ȳ kə ngangāá ngá̰ý tɔȳ kə́ kété gə̄ ō, tətōn teē a tə́sō kə́ kūbə̄rū mósə́ tə́ kok kok ō.

PĀ GƏ̄ 98:3

Əga kemən dɔ kem majə yān kə́ rāā kə ngán Israel gēé tə́ ō, dɔ ra kə́ ni-ra dɔ ndūn tə́ sedə́ ō. De gə̄ ń ndin̄ ta kaw̄ kə̄ ta ngóy dɔ nang tə́ nú ní a̰a̰n̄ Nə́ɓā yājí loo tetə rɔ̄ɔ̄ tə́.

PĀ GƏ̄ 51:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

PĀ GƏ̄ 32:6

I tām̄ najə̄ ń noō tə́ n deē yāí gə̄ malang ndɔ̄ȳnī ndɔ̄ ń tasí a̰a̰ń naā tə́ ní. Ká ré man̄ kə́ bo ngá̰ý taā loo gə̄gē anī, a ɔdə rɔ̄də́ alé.

ESTER 7:2

Kə ndɔ̄ kə́ nge ko̰ jōó ngeé ń toō dan ń əsan̄ yá̰a̰ oy anī mban̄g tél əda Ester ɓáý to̰ na: Ester, nə̄yá̰ mban̄g, i rí n ī-sāā dəjem̄ ní? M-ā m-ādī yá̰á̰ ní! Yá̰á̰ ń ī-gḛy ní i rí? Ká i núsə ɓē ko̰o̰ yāḿ gə̄gē a m-ā m-ādī.

ESTER 5:6

Dan ń əsan̄ yá̰a̰ oy anī mban̄g əda Ester na ké gḛy i rí wa. Ká gḛy i núsə ɓē ko̰o̰ gə̄gē anī n-a n-adə̄n.

ESTER 5:2

Dan ń mban̄g a̰a̰ nə̄yá̰n Ester ra kə njan kə́ dɔɔ́ ndágə looó anī rāā kem majə seneé adə̄ əla kāgə̄ ko̰o̰ ɓē kə́ rāā kə lɔ́rɔ́ ń əhɔ jīn tə́ ní kum kə rɔ̄n tə́. Ester reē ngɔr ba ɔdə ta kāgə̄ ko̰o̰ ɓē ní.

Najə̄ kə́ Majə yā Jeju ń Luk ndang ní 1:72

Əda na n-a n-ɔjə kaají gə̄ kem majə yān ō, na a əga kemən dɔ madə̄ naā yān kə́ táĺ tə́ ō.

MISE 7:20

De gə̄ kə́ kem kojə yā Jakob tə́ ní, ā ɔ́jə́də́ kadə̄ ḭ̄ i de kə́ nge ra dɔ ndūí tə́ ō, de gə̄ kə́ kem kojə yā Abəraham tə́ ní, ā ɔ́jə́də́ kadə̄ ḭ̄ i de kə́ nge əhɔ madə̄ naā ō, tītə̄ ń ī-túbə ə̄niń ndūí ādə̄ kaají gə̄ kété ní.

NŌŌ RƆ̄ 3:63

Ndin̄ i nang tə́ a̰á̰a̰ ran̄ i kə njadə́ dɔɔ́ a̰á̰a̰, i rīḿ mā ngóy n i pā kə́ tadə́ tə́ ní.