PĀ GƏ̄ 69:11 - Bibəl ta Sar̄

¹¹ m̄-nōō ō, m̄-*ndi ɓō tām̄ yā Nə́ɓā tə́ ō, banī nge ń noō mēr̄ kadə̄ tájə̄mə̄n̄ ɓáý to̰.

Bible sar

¹¹ m̄-nōō ō, m̄-*ndi ɓō tām̄ yā Nə́ɓā tə́ ō, banī nge ń noō mēr̄ kadə̄ tájə̄mə̄n̄ ɓáý to̰.

PĀ GƏ̄ 69:11 Referans Kwoze

JEREMI 24:9

M-ā m-ūtə̄ kumḿ njárárá, ba m-ā m̄-rāādə́ kadə̄ télən̄ yá̰á̰ kə́ to ɓōĺ tām̄ yā ɓē ko̰o̰ gə̄ malang kə́ dɔ nang tə́ tə́. A ənīn̄ pā sedə́ ō, a lurən̄də́ ō, a tájə̄n̄də́ ō, a ndɔ̄lə́n̄də́ ō, kə gō loo gə̄ malang ń m̄-tə̄ndā m̄-tḭ̄ḭ̄də́ tū tə́ tə́ ní.

1 MBAN̄G GƏ̄ 9:7

na n-a n-tə̄ɓā ngán Israel gə̄ dɔ nang ń n-adə̄də́ tə́ ní kɔ̄ɔ́ ō, na n-a n-mbātə́ kújə́ ń n-ɔr̄ kamə̄n tayā kadə̄ ɓārə̄n̄ rīn dɔ tə́ ní ō, adə̄ n-a n-əndā kumən dɔ tə́ to̰ alé. Adə̄ Israel a tél i mēlē tām̄ ō, kur̄ kəgō ō, yā gír de gə̄ malang.

Makətūbə̄ yā Job 17:6

Rāāmə̄n̄ ādə̄ m̄-tél i kur̄ kəgō yā de gə̄. m̄-tél i deē ń de gə̄ a tībə̄n̄ hōr̄ dan kumən tə́ ní.

JOEL 1:13

Ngé tun̄ yá̰a̰ gə̄ ī-dō̰ō̰ī ɓōdə̄sí ō, ī-nōōī rɔ̄sí ō. Sḭḭ̄ ngé rāā kəla tun̄ yá̰a̰ ī-gāngī kɔŕ. Sḭḭ̄ de kə́ bo gə̄ yā Nə́ɓā yāḿ, ī-reēī, ō̰ō̰ī kūbə̄ kəhɔ ndoō ī-ɓīīneé. Tɔdɔ̄ ndəjə̄ yá̰a̰ aláa tə́te kasə nduú kem kújə yā Nə́ɓā yāsí tə́ kɔ̄ɔ́.

JOEL 1:8

Ī-nō rɔ̄í, tītə̄ ngōmandə kə́ ger̄ dəngam aĺ ɓáý kə́ o̰ō̰ sákə̄ kūbə̄ rɔ̄n tə́, yā nōoń dəngam ń əhɔ gātə̄n dan ń ni i mandən tə́ ní.

IJAI 22:12

Ndɔ̄ ngeé ń noō tə́ ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý dəjesí kadə̄ ī-nōōī ō, ə́gaī kɔŕ ō, ī-dəsāī dɔsí ō, ō̰ō̰ī kūbə̄ kəhɔ ndoō ō.

IJAI 20:2

Ɓāl̄ mətá kété no tə́ ní, Kɔ́ɔ̄ɓē əda Ijai kə́ ngōn̄ Amots na: Kūbə̄ kəhɔ ndoō ń ī-do̰ō̰ ɓōdīí tə́ ní, ɔ̄r̄ kɔ̄ɔ́ ō, ɔ̄r̄ sākə̄rā kə́ njaí tə́ kɔ̄ɔ́ ō. Ijai oō ta Kɔ́ɔ̄ɓē adə̄ ni-njə̄rā kanjə̄ kūbə̄ ō, njan karī ō. Ɓāl̄ ń taānəń ɓē kə́ Asdod ní,

NDŪ NAJƏ̄ 28:37

Gír de gə̄ malang ń Kɔ́ɔ̄ɓē Nə́ɓā yāí a aw̄ seí ɓēé loodə́ ní a ɔr kumdə́ seí. A əgōnī ō, a lurnī ō.

PĀ GƏ̄ 109:24

m̄-*ndi ɓō tām̄ yā Nə́ɓā tə́ nja i ngá̰ý adə̄ njaḿ sɔl̄ yélélé ō, yibə̄ḿ gətóo adə̄ i kə̄ngāḿ tá kakəla ō.