PĀ GƏ̄ 68:3 - Bibəl ta Sar̄

³ Ḭ̄ ī-tə̄ndā ī-tḭ̄ḭ̄də́ kɔ̄ɔ́ tītə̄ sa hor kə́ tḭ̄ḭ̄ kɔ̄ɔ́ beē. De kə́ sew aĺ gə̄ oyn̄ ta kum Nə́ɓā tə́, tītə̄ tībə̄ tejə bəya̰ kə́ yḛḛ̄ horoó beē.

Bible sar

³ Ḭ̄ ī-tə̄ndā ī-tḭ̄ḭ̄də́ kɔ̄ɔ́ tītə̄ sa hor kə́ tḭ̄ḭ̄ kɔ̄ɔ́ beē. De kə́ sew aĺ gə̄ oyn̄ ta kum Nə́ɓā tə́, tītə̄ tībə̄ tejə bəya̰ kə́ yḛḛ̄ horoó beē.

PĀ GƏ̄ 68:3 Referans Kwoze

PĀ GƏ̄ 64:10

Ɔr kum de gə̄ malang. Nin̄ ə̄nīn̄ mbēr̄ dɔ yá̰á̰ ń Nə́ɓā rāā tə́ ní ō, yá̰á̰ ní tél i yá̰á̰ ndóō kə́ tām̄ yādə́ tə́ ō.

1 TESALONIK 5:16

Ī-ndiī kə rɔ̄nelēé kə ndɔ̄ gə̄.

JEJU TEĒ KUM JA̰A̰ 19:7

Ādə̄ jə-rāāī rɔ̄nel̄ ō, jə-tḭ́ḭ̄ bal walya ō, j-ɔsiī gɔnən ō. Tɔdɔ̄ kum mbang kaw̄ kújú yā nə̄yá̰ Ngōn̄ Batə̄ asə kɔ̄ɔ́ ō, nə̄yá̰n rāā rɔ̄n kɔ̄ɔ́ ō.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

PĀ GƏ̄ 97:12

Sḭḭ̄ de kə́ sew gə̄, ī-rāāī rɔ̄nel̄ najə̄ yā Kɔ́ɔ̄ɓē tə́, ī-ɓōkíin̄ tɔ̄ȳ ə́daī na ni i de kə́ táĺ.

1 PIYER 1:8

Jeju ngeé ń toō ní kumsí a̰a̰n alé, banī sḭḭ̄ ī-tárniī. Ngɔlaā ní kumsí a̰a̰n alé ɓá tā, banī sḭḭ̄ ī-taāī kemən. I tām̄ najə̄ ń toō tə́ n rɔ̄sí nel̄sí ngá̰ý ní, ba rɔ̄nel̄ ní i ngá̰ý al̄ naā, adə̄ i kə́ dum̄ kəda.

PĀ GƏ̄ 58:10

Nə́ɓā a sa̰ā̰də́ kɔ̄ɔ́ gidə kógə̄ḿ tītə̄ wōn̄g kə́ rā deē beé, pá tá jóo yāsí gə̄ a əlan̄ gír kotə tītə̄ kō̰n̄ kə́ hor o̰o̰ beé ɓáý.

PĀ GƏ̄ 43:4

Loo ń noō tə́ m-ā m-ūgə̄ loo tun̄ yá̰a̰ yāí tə́, rɔ̄í ḭ̄ ń i nge rāā kadə̄ m̄-ndām̄ ndām̄ rɔ̄nel̄ ní tə́. M-ā m-ún kənde yāḿ kə̄ jīḿ tə́ yā kugə ɓōkíīneé tɔ̄ȳ, ḭ̄ ń i Nə́ɓā yāḿ ní!

PĀ GƏ̄ 21:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

NDŪ NAJƏ̄ 12:12

Ā ī-rāāī rɔ̄nel̄ ta kum Kɔ́ɔ̄ɓē Nə́ɓā yāsí tə́ kə ngáńsí kə́ dəngam gə̄ ō, kə́ dəyá̰ gə̄ ō, kə ngé rāā kəla yāsí gə̄ kə́ dəngam gə̄ ō, kə́ dəyá̰ gə̄ ō, naā tə́ kə ngán Lebi gə̄ ń ndin̄ kem ɓē yāsí gə̄ tə́ ní, tām̄ nin̄ əngen̄ dɔ nang yādə́ dɔ dáńsí tə́ alé.

PĀ GƏ̄ 32:11

Sḭḭ̄ de kə́ gōtə́ gə̄ ḭ́ḭī bal walya najə̄ yā Kɔ́ɔ̄ɓē tə́ ō, ī-rāāī rɔ̄nel̄ ō. Sḭḭ̄ malang ń kemsí i súmūú ní, ə́gaī kɔŕ rɔ̄nel̄!

PĀ GƏ̄ 37:20

Ngé kem ndul gə̄ a oyn̄. Madə̄ ba̰ā̰ Kɔ́ɔ̄ɓē gə̄ a oyn̄ kɔ̄ɔ́ tītə̄ hútə̄ mu kə́ bembeé beē. Nin̄ a aw̄n̄ kɔ̄ɔ́, a aw̄n̄ tītə̄ sa hor beé.

PĀ GƏ̄ 75:4

Dɔ nang asə ndebə kə de gə̄ malang kə́ tū tə́. I mā Nə́ɓā n m-údə bir̄ njan m-ādə̄ ra ngan̄g ní aĺ a?