PĀ GƏ̄ 68:2 - Bibəl ta Sar̄

² Nə́ɓā ḭḭ dɔɔ́ anī madə̄ ba̰ā̰n gə̄ tḭ̄ḭ̄n̄ naā kə̄ loo gə̄ tə́ ō, madə̄ kɔ̄lən gə̄ a̰ȳn̄ naā kɔ̄ɔ́ non tə́ ō.

Bible sar

² Nə́ɓā ḭḭ dɔɔ́ anī madə̄ ba̰ā̰n gə̄ tḭ̄ḭ̄n̄ naā kə̄ loo gə̄ tə́ ō, madə̄ kɔ̄lən gə̄ a̰ȳn̄ naā kɔ̄ɔ́ non tə́ ō.

PĀ GƏ̄ 68:2 Referans Kwoze

MISE 1:4

Mbal̄ bo gə̄ yḛḛ̄n̄ gír njan tə́ ō, wól loo gə̄ njarən̄ ō, tītə̄ tībə̄ tejə kə́ deē əndā kadə hor tə́ anī, yḛḛ̄ kɔ̄ɔ́ beē ō, tītə̄ man̄ kə́ ḭḭ loo kə́ kḭḭ kə̄ dɔɔ́ tə́ a nūgə̄ kum kə̄ nang tə́ beē ō.

PĀ GƏ̄ 37:20

Ngé kem ndul gə̄ a oyn̄. Madə̄ ba̰ā̰ Kɔ́ɔ̄ɓē gə̄ a oyn̄ kɔ̄ɔ́ tītə̄ hútə̄ mu kə́ bembeé beē. Nin̄ a aw̄n̄ kɔ̄ɔ́, a aw̄n̄ tītə̄ sa hor beé.

OJEE 13:3

I tām̄ najə̄ noō tə́ n nin̄ a ton̄ tītə̄ kil̄ man̄ kə́ dəloí ní. A ton̄ tītə̄ man̄ kə́ tə́sō kok kok kə́ iī láẃ kɔ̄ɔ́ beē. A ton̄ tītə̄ mu kə́ nél un loo kənda kōō gémē tə́ aw̄ń sa̰y kɔ̄ɔ́ beē. A ton̄ tītə̄ sa hor kə́ teē ta bəlo kógə̄ḿ tə́ beē.

IJAI 9:18

Hor o̰o̰ ɓē sɔɔ̄ ń wōn̄g yā Kɔ́ɔ̄ɓē kə́ bo kə́ tɔ́gən i ngá̰ý. To tītə̄ kə́ hor a o̰o̰ i gír de gə̄ beé. De kə́ kumən o̰o̰n tām̄ yā ngōkó̰o̰n tə́ gətóo.

PĀ GƏ̄ 97:5

Mbal̄ bo gə̄ yḛḛ̄n̄ kɔ̄ɔ́ no Kɔ́ɔ̄ɓē tə́ tītə̄ tībə̄ tejə beé, yḛḛ̄n̄ kɔ̄ɔ́ no kɔ́ɔ̄ dɔ nang malang tə́.

PĀ GƏ̄ 80:16

Ī-ngɔ̄m̄ kāgə̄ ń īkɔ́ ə́hɔ́ ní, ngōn̄ ń toō ń i ḭ̄ n i nge kadə̄n tɔ́gə́ ní.

IJAI 64:2

dan ń ī-rāā yá̰á̰ kə́ to ɓōĺ gə̄ kə́ deē əndā kemən dɔ tə́ aĺ ní. A̰á̰ā̰, nə́ngētə́ ī-risə i mbée anī, mbal̄ bo gə̄ a ndewn̄ noí tə́.

PĀ GƏ̄ 76:7

Nə́ɓā yā Jakob, dan ń ī-ndán̄gdə́ ní, sə́nda gə̄ gə̄gē, ngé kaldə́ gə̄ gə̄gē, rɔ̄də́ oy yélélé.

PĀ GƏ̄ 22:14

Ton̄ tītə̄ ɓɔl kɔ̄r̄ gə̄ kə́ a nōōn̄ ō, teēn̄ nga ngá̰də́ taḿ tə́ ō.

TƏ́DA 10:35

Ré sandúkə madə̄ naā a ɔr̄ dɔɔ́ anī Moijə əda na: Kɔ́ɔ̄ɓē, ḭ́ḭ dɔɔ́ ādə̄ madə̄ ba̰ā̰í gə̄ tə̄ndān̄ naā tḭ̄ḭ̄n̄ kɔ̄ɔ́ ō, ādə̄ ngé rɔ̄ɔ̄í gə̄ a̰ȳn̄ naā kɔ̄ɔ́ noí tə́ ō.

2 SAMUEL 10:13

Loo ń noō tə́ Joab nin̄ kə ɓūtə̄ de gə̄ ń seneé ní njə̄rān̄ kum kə̄ rɔ̄ Aram gə̄ tə́ yā rɔ̄ɔ̄də́. Anī Aram gə̄ a̰ȳn̄ naā kɔ̄ɔ́.

2 SAMUEL 10:18

Banī Aram gə̄ a̰ȳn̄ naā no Israel gə̄ tə́. Adə̄ Dabid tɔ̄l̄ sə́nda gə̄ ń a ndɔ́rə̄n̄ púsə rɔ̄ɔ̄ kə́ ɓú sīrí gə̄ ní ō, ngé kal̄ sə́nda gə̄ dūbú kutə sɔ́ ō. Ni-ɔsə Sobak ń i ngol ngé rɔ̄ɔ̄ gə̄ kə́ Aram ní adə̄ oy kə̄ loo nəkɔ́ ń noō tə́.

IJAI 33:3

Dan ń gír de gə̄ oōn̄ ndūí anī, a̰ȳn̄ naā. Dan nəkɔ́ ń ḭ̄ ḭ́ḭ dɔɔ́ anī, nápar de gə̄ aw̄n̄ kə̄ loo gə̄ tə́.

JEREMI 46:15

I rí kə́ beē, Apis a̰ȳ kɔ̄ɔ́, bəra man̄g yāí ra gotoó alé. Kɔ́ɔ̄ɓē mbəren kə̄ gogə́,