PĀ GƏ̄ 67:4 - Bibəl ta Sar̄

⁴ Nə́ɓā, ādə̄ de gə̄ ɓōkə́nī tɔ̄ȳ! Ādə̄ gír de gə̄ ɓōkə́nī tɔ̄ȳ naā tə́ malang!

Bible sar

⁴ Nə́ɓā, ādə̄ de gə̄ ɓōkə́nī tɔ̄ȳ! Ādə̄ gír de gə̄ ɓōkə́nī tɔ̄ȳ naā tə́ malang!

PĀ GƏ̄ 67:4 Referans Kwoze

PĀ GƏ̄ 98:9

kété no Kɔ́ɔ̄ɓē tə́, tɔdɔ̄ ni a reē i mbée. A reē i kə̄ ko̰o̰ ɓēé dɔ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

PĀ GƏ̄ 9:8

Kɔ́ɔ̄ɓē o̰o̰ ɓē ngándáńg! Ni-rāā adə̄ kōr̄ kāgə̄ mbang yān ndi ngan̄g yā rāań sarya.

PĀ GƏ̄ 82:6

M-ə́dá wáńg na sḭ́ḭ̄ i nə́ɓā gə̄, sḭḭ̄ malang i ngáń kem Nə́ɓā kə́ dɔɔ́ sa̰y ngá̰ý,

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

IJAI 55:4

Kété ní, m̄-rāā adə̄ ni i de kə́ kum tə́ yā tɔ́gə́ḿ tām̄ yā gír de gə̄ tə́, ni i ngār kə́ nge kəda kósə de kə́ kem ɓēé gə̄ yá̰á̰ kə́ yā rāā gə̄.

PĀ GƏ̄ 96:10

Ə́daī nápar de gə̄ malang na Kɔ́ɔ̄ɓē i mban̄g, adə̄ dɔ nang a ndi ngan̄g, yá̰a̰ a yéȳn alé. Ni-gān̄g sarya yā gír de gə̄ i kə gōó.

PĀ GƏ̄ 2:8

Ré ī-dəjem̄ nápar de gə̄ malang anī m-ā m-ādī sedə́ kadə̄ nin̄ i yá̰a̰ yāí gə̄ ō, dɔ nang yāí a laa bátə́ yā kugə̄ ta ngóy dɔ nang tə́ ō.

NDŪ NAJƏ̄ 32:43

Ādə̄ nápar de gə̄ malang tɔ̄ȳn̄ gír de gə̄ yā Kɔ́ɔ̄ɓē. Tɔdɔ̄ Kɔ́ɔ̄ɓē a dal ba̰ā̰ mósə́ ngé rāā kəla yān gə̄. Ni a rāā kadə̄ ba̰ā̰ əsō dɔ madə̄ kɔ̄lən gə̄ tə́. I beé n a utə̄ń dɔ majaĺ yā dɔ nang yān ō, dɔ majaĺ yā gír deē yān gə̄ ō ní.

TA KƏLA 18:25

Tɔ̄l̄ de kə́ súmūú naā tə́ kə nge kem nduluú, kadə̄ yá̰a̰ yā de kə́ súmūú to tītə̄ yā nge kem ndul ní i yá̰a̰ rāāí ḭ̄ alé. Yá̰á̰ kə́ rāā tītə̄ ń noō i yá̰a̰ rāāí ḭ̄ alé. Nge gān̄g sarya dɔ de gə̄ malang kə́ dɔ nang tə́ tə́ a rāā yá̰á̰ kə́ gōtə́ aĺ alé.

GALATƏ 4:27

Tɔdɔ̄ ndangən̄ kem makətūbə̄ yā Nə́ɓā tə́ na: Dəyá̰ kə́ kujə, ḭ̄ ń ójə ngōn̄ aĺ ní, ī-rāā rɔ̄nel̄. Ḭ̄ ń ī-ger̄ tápə̄ yā kojə ngōn̄ aĺ ní, ə́la ndīĺ rɔ̄nel̄. Tɔdɔ̄ ngán kem dəyá̰ kə́ kəya̰ kɔ̄ɔ́ i ngá̰ý tɔȳ ngán kem dəyá̰ kə́ ndi jī ngaan tə́.

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

IJAI 54:1

Jerusalem, ḭ̄ ń kété ə́nge ngōn̄ aĺ ní, ī-rāā rɔ̄nel̄! Ḭ̄ ń kété ī-ger̄ rɔ̄tōr̄ yā kojə ngōn̄ aĺ ní, úr kɔĺ rɔ̄nel̄ ō, ādə̄ rɔ̄í nelī ō. Kɔ́ɔ̄ɓē ədaī na: Ḭ̄ dəyá̰ ń əya̰īn̄ kɔ̄ɔ́ ní, ngɔlaā ngání gə̄ i ngá̰ý tɔȳ yā dəyá̰ ń ngaan i noó ní.

IJAI 60:6

Ɓūtə̄ jámbal kə́ ngá̰ý gə̄ a taān̄ loo dɔ nang yāí tə́, i ngáń jámbal kə́ Madian ō kə́ Epa ō. Nin̄ malang a ḭḭn̄ i Saba n a reēn̄ ní. A reēn̄ kə lɔ́r ō, kə kajaja ō, a ənīn̄ pā tɔ̄ȳ Kɔ́ɔ̄ɓē ta kum de gə̄ tə́ malang ō.