PĀ GƏ̄ 67:2 - Bibəl ta Sar̄

² Nə́ɓā, á̰a̰ kum tō ndoō yājí ba ī-rāā majə sejí! Á̰á̰jí kə kumií kə́ majaá.

Bible sar

² Nə́ɓā, á̰a̰ kum tō ndoō yājí ba ī-rāā majə sejí! Á̰á̰jí kə kumií kə́ majaá.

PĀ GƏ̄ 67:2 Referans Kwoze

TITƏ 2:11

Tɔdɔ̄ rajə deē ń i ta róbə́ kə́ kadə̄ de gə̄ malang ajən̄neé ní, Nə́ɓā ɔjə kə̄ ndágá.

KƏLA RĀĀ 18:25

Ɔjənən̄ gō róbə yā Kɔ́ɔ̄ɓē kété, adə̄ ni-tḭ̄ḭ̄ rɔ̄n ɔjəń de gə̄ najə̄ yā Nə́ɓā ō, ni-ndóō de gə̄ yá̰á̰ kə́ dɔ Jeju tə́ i kə gōó ō.

Najə̄ kə́ Majə yā Jeju ń Luk ndang ní 3:6

Loo ń noō tə́ de gə̄ malang a a̰a̰n̄ loo kajə ń Nə́ɓā a ajə deē ní.

IJAI 52:10

Ni ɔjə tɔ́gən kə́ táĺ ta kum nápar de gə̄ tə́ malang ō, de gə̄ a̰a̰n̄ loo kajə ń Nə́ɓā yājí a ajəjí ní bátə́ ta ngóy dɔ nang tə́ ō.

PĀ GƏ̄ 43:5

Kə m̄-rāā rɔ̄ḿ ndoō i najə̄ rí tə́? kə m̄-nōō rɔ̄ḿ i tām̄ rí tə́? Kəndā kem dɔ Nə́ɓā tə́, ba tél ɓōkə́n tɔ̄ȳ gogə́ rang i só tə́. Ni i nge kajəḿ ō Nə́ɓā yāḿ ō,

KƏLA RĀĀ 13:10

ba ədan na: Ḭ̄ i de kə́ kum kedə̄ gól̄ loo rosə kemií ō, de kə́ ger̄ tūr̄ gíŕ yá̰á̰ ngá̰ý ō, ḭ̄ i ngōn̄ diabəl ō, ḭ̄ i madə̄ kɔ̄l̄ yá̰a̰ malang kə́ gōtə́ ō, a asiī rāā gō róbə yā Kɔ́ɔ̄ɓē kə́ ra súmūú kadə̄ rúgə̄ kə̄ loo gə̄ tə́ i rə́ngáý tə́?

IJAI 49:6

Ni ədam̄ na: Ḭ̄ ī-rāā kəla yāḿ, i yā kunəń gír ɓē gə̄ yā Israel dɔɔ́ ō, i yā tél reēń kə ngé gə̄ ń teēn̄ ta yo tə́ ní dan gír de gə̄ yā Jakob tə́ ō. Ba nge ń noō asə aĺ ɓáý. M-ā m̄-rāāī loo kə́ unjə̄ kow yā gotə nápar de gə̄ tə́, yā kadə̄ kajə kə́ mā m-ájə deē aw̄ bátə́ ugə̄ ta ngóy dɔ nang tə́.

PĀ GƏ̄ 117:2

Tɔdɔ̄ ni-rāā kem majə sejí ngá̰ý ō, Kɔ́ɔ̄ɓē ra dɔ ndūn tə́ ngándáńg ō. Aleluya!

KƏLA RĀĀ 22:4

Ngé gə̄ ń unən̄ gō róbə yā Kɔ́ɔ̄ɓē ń toō ní, m̄-rāādə́ ndoō tə́ ngá̰ý bátə́ adə̄ oyn̄. M-ə́hɔ dəngam gə̄ ō, dəyá̰ gə̄ ō m̄-ɓōkə́də́ dəngáyá.

KƏLA RĀĀ 9:31

Adə̄ Egəlijə ndi lɔm gō nang malang kə́ Jude tə́ ō, Galile tə́ ō, Samari tə́ ō. Nin̄-əngen̄ tɔ́gə ō, ɓōlə́n̄ Ndíĺ Kɔ́ɔ̄ɓē ō, kutədə́ reē kə̄ dɔ madə̄ tə́ kə ta kūl̄ Ndíĺ kə́ Táĺ ń i nge rāā sedə́ ní ō.

MATIYE 28:19

Ní, āwī kə̄ dan nápar de gə̄ tə́ malang, ī-rāāī ādə̄ de gə̄ télən̄ ngé ndóō yá̰a̰ yāḿ gə̄. Ī-rāāīdə́ batém kə rī Bɔbə̄ Ngōn̄ ō, Ngōn̄ ō, Ndíĺ kə́ Táĺ ō.

PĀ GƏ̄ 4:7

Ngá̰ý gə̄ ədan̄ na, i náā n a rāā sejí kadə̄ jə-ndiī majə ní? Kɔ́ɔ̄ɓē, á̰á̰jí kə kumií kə́ majaá!

PĀ GƏ̄ 41:5

Mā m-ə́da na: Kɔ́ɔ̄ɓē, m̄-rāā majaĺ seí rɔ̄kum, ba á̰a̰ kum tō ndoō yāḿ, ī-rāā ādə̄ rɔ̄ḿ ngan̄g.

DANIEL 9:17

Ngɔlaā ní Nə́ɓā yājí, ɓɔ́ ōō ndɔ̄ȳ yā nge kəla yāí ō, ōō rāā ń rāāī ɓɔ́ ní ō. Á̰a̰ loo kə́ táĺ yāí ń nujə sák sák kɔ̄ɔ́ ní kə kumií kə́ majaá sɔɔ̄ń tár yāí Kɔ́ɔ̄ɓē.