PĀ GƏ̄ 64:9 - Bibəl ta Sar̄

⁹ Tadə́ nin̄ kɔ́ gə̄ tél əhɔdə́. Adə̄ de gə̄ ń a̰a̰n̄də́ ní tə́gān̄ dɔdə́ nek nek.

Bible sar

⁹ Tadə́ nin̄ kɔ́ gə̄ tél əhɔdə́. Adə̄ de gə̄ ń a̰a̰n̄də́ ní tə́gān̄ dɔdə́ nek nek.

PĀ GƏ̄ 64:9 Referans Kwoze

JEREMI 51:10

Kɔ́ɔ̄ɓē rāā adə̄ kajə yājí to kə̄ ndágá wáńg. Ī-reēī, j-ənī gotə kəla ń Kɔ́ɔ̄ɓē Nə́ɓā yājí rāā ní Siyo̰ tə́.

JEREMI 50:28

Kōō yá̰á̰ kógə̄ḿ ɓār̄, i ngé ka̰ȳ naā gə̄ ō, ngé teē ta yo tə́ Babilon gə̄ ō n reē ədan̄ najə̄ dal ba̰ā̰ yā Kɔ́ɔ̄ɓē Nə́ɓā yājí kem ɓē kə́ Siyo̰ tə́ ní, i dal ba̰ā̰ kə́ dɔ rā̰ tə́.

PĀ GƏ̄ 40:3

Ni ɔrə̄m̄ kem bəlo kə́ majaĺ ngá̰ý tə́ ō, kum bɔr kə́ loo kə́ lú ngá̰ý tə́ ō, teē seḿ ndágá. Un udəm̄ dɔɔ́ dɔ mbal̄ tə́ ō, rāā adə̄ njaḿ əhɔ dɔ nang majə ō.

OJEE 14:9

Epəraim, yá̰á̰ kə́ ɓoojí naā tə́, mā ō, nə́ɓā kə́ rɔ̄kum aĺ gə̄ ō to nuú ɓáý a? Mā m̄-tūrī najə̄ tə́ ō, m-ə̄ndā kumḿ gōí tə́ ō. Mā m̄-to tītə̄ kāgə̄ sipəres beé, ni i kāgə̄ kə́ mbīn to mbōl̄ nduju ngándáńg. Kōō yāí gə̄ ń ī-sāādə́ kɔ̄ɔ́ ní, i mā n m-ādī ní.

IJAI 5:12

Nin̄ əsan̄ yá̰a̰ ō, a̰ȳn̄ yá̰a̰ ō, adə̄ mān̄ dɔ majən. Dānə̄n̄ gō yá̰a̰ gə̄ ní i kə kənde kə́ laa kə́ kugə ō, i kə kənde kə́ karī kə́ kugə ō, i kə kɔdɔɔ́ ō, i kə nalaá ō. Banī yá̰á̰ ń Kɔ́ɔ̄ɓē rāā ní, nin̄ a̰a̰n̄ alé. Nin̄ a̰a̰n̄ kəla rāān alé.

PĀ GƏ̄ 58:11

De kə́ súmūú a rāā rɔ̄nel̄ dan ń ni-a̰a̰ Nə́ɓā loo rāā ba̰ā̰ tə́ ní ō, a tə́go njan kum mósə́ ngé kem ndul gə̄ tə́ ō.

JEJU TEĒ KUM JA̰A̰ 11:13

Kum mbang ngeé ń noō tə́ ní, dɔ nang ndew ngá̰ý. Adə̄ ré gángə̄n̄ ɓē naā tə́ gír loo kutə anī, gírən kə́ kógə̄ḿ tétə̄ nang tə́ kɔ̄ɔ́ malang. Adə̄ de gə̄ dūbú sīrí oyn̄ dan ń dɔ nang ndewń tə́ ní. Gotə de gə̄ ń na̰yn̄ ní ɓōĺ rāādə́, adə̄ ɔsən̄ gɔn Nə́ɓā kə́ dɔ rā̰ tə́.

EJEKIEL 14:23

Dan ń ā á̰a̰īdə́ anī kemsí a sɔl̄. Tām̄ ā ī-gerī kadə̄ yá̰á̰ ń m̄-rāā kə ɓē ń toō ní najə̄ i yāḿ. Yá̰á̰ Kɔ́ɔ̄ɓē Nə́ɓā əda ní n noó.

PĀ GƏ̄ 119:20

Ndūí gə̄ ń ḭ̄ ī-ra dɔ tə́ kə kum mbang gə̄ malang ní, nelə̄m̄ sedə́ ngá̰ý.

PĀ GƏ̄ 53:5

Nə́ɓā əda na ngé rāā majaĺ gə̄ ń noō gerə̄n̄ yá̰a̰ aĺ i mbée a? Nin̄ əsan̄ deē yāḿ gə̄, rāān̄də́ i yá̰a̰ kəsa yá̰a̰ yādə́ tə́ ba ndɔ̄ȳmə̄n̄ alé!

PĀ GƏ̄ 59:13

Ré ɔrə̄n̄ najə̄ anī majaĺ i tadə́ tə́. Ādə̄ gūmbə̄ kɔjə rɔ̄ yādə́ əhɔdə́, tɔdɔ̄ nin̄ ndɔ̄lə́n̄ madə̄də́ ō, sorə̄n̄ ō.

PĀ GƏ̄ 140:10

Ngé gə̄ ń gīrə̄n̄ gidəḿ yā rɔ̄ɔ̄m̄ ní, ādə̄ yá̰á̰ ń sāān̄ rāā seḿ ní rāādə́ nin̄ kɔ́ gə̄.