PĀ GƏ̄ 64:5 - Bibəl ta Sar̄

⁵ yā túrəń de kə́ nge rāā yá̰á̰ kə́ gōtə́ loo ɓɔ̄ɔ̄ rɔ̄ tə́. Nin̄ urnən̄ rétə́ gēé kanjə̄ ɓōĺ yá̰á̰ kógə̄ḿ.

Bible sar

⁵ yā túrəń de kə́ nge rāā yá̰á̰ kə́ gōtə́ loo ɓɔ̄ɔ̄ rɔ̄ tə́. Nin̄ urnən̄ rétə́ gēé kanjə̄ ɓōĺ yá̰á̰ kógə̄ḿ.

PĀ GƏ̄ 64:5 Referans Kwoze

PĀ GƏ̄ 140:5

Kɔ́ɔ̄ɓē, ī-ngɔ̄mə̄m̄ ādə̄ m-ə̄sō kem jī de kə́ nge kem ndul tə́ alé. Ādə̄ m-ə̄sō kem jī de kə́ nge rāā yá̰a̰ kə dɔ́nɔ́ tə́ alé. Nin̄ gírə̄n̄ i rāām̄ kadə̄ m-ə̄sō ngóy.

PĀ GƏ̄ 10:11

Nge kem ndul gír̄ kemən tə́ na usə Nə́ɓā dɔ yá̰a̰ rāān tə́ alé. Nə́ɓā na ɓɔ̄ɔ̄ ta kumən kɔ̄ɔ́, Nə́ɓā na a̰a̰ yá̰á̰ kógə̄ḿ yḛtə aĺ bátə́.

EJEKIEL 8:12

Nə́ɓā ədam̄ na: Ḭ̄ ngōn̄ deē, yá̰á̰ ń kum kɔɔ̄ gə̄ yā ngán Israel gə̄ ndi a rāān̄ loo ɓɔ̄ɔ̄ rɔ̄ tə́, nin̄ kógə̄ḿ kógə̄ḿ kə̄ loo yādə́ gə̄ tə́ kə̄ no ɓesə̄ yādə́ gə̄ tə́ ní á̰a̰ā̰ a? Nin̄ ədan̄ na Kɔ́ɔ̄ɓē na asə ka̰a̰də́ alé, Kɔ́ɔ̄ɓē na mbātə́ ɓē kɔ̄ɔ́.

PĀ GƏ̄ 94:7

Ba ədan̄ na Kɔ́ɔ̄ɓē na a̰a̰ yá̰á̰ ń noō alé, Nə́ɓā yā Jakob na ger̄ gō alé.

PĀ GƏ̄ 59:7

Nin̄ tél reēn̄ loo sɔlí ɓáý ba ndōgə̄n̄ tītə̄ bísə gə̄ ō, dáȳn̄ kem ɓēé ō.

Makətūbə̄ yā Job 22:13

Loo ń noō tə́ ɓáa, ə́da na ké i rí n Nə́ɓā asə ger̄ wa, ké ni asə ka̰a̰ loo kum kil̄ man̄ kə́ risə til nding tə́ yā rāań sarya sejí wa.

IJAI 41:6

Nin̄ kógə̄ḿ kógə̄ḿ ní náā nəkɔ́ ɓáa rāā kə madə̄neé, ni kógə̄ḿ əda madə̄n na: Ə́hɔ rɔ̄í tɔgə!

PĀ GƏ̄ 124:7

Jə-teē jīdə́ tə́ kɔ̄ɔ́ tītə̄ ń yel̄ teēń kum réng yā nge ndo̰ tə́ ní: Réng gān̄g adə̄ jə-teē kum tə́.

TƏ́DA 22:6

Ní, m̄-rāāī ɓɔ́, ī-reē ī-ndɔ̄ldə́ ādə̄m̄ tām̄ tɔ́gə́də́ tɔȳ yāḿ. Majanī m-ā m̄-tetədə́ rɔ̄ɔ̄ ō, m-ā m̄-tə̄ɓādə́ kɔ̄ɔ́ dɔ nang ń ndin̄ tū tə́ ní ō. Tɔdɔ̄ m̄-gēr̄ kadə̄ deē ń ā ī-tɔ́r̄ taí dɔn tə́ ní, a ənge tɔ́r̄ ta ō, deē ń ā ī-ndɔ̄lə́n ní, ndɔ̄ĺ a əsō dɔn tə́ ō.

Teē Ngán Israel gə̄ 15:9

Madə̄ ba̰ā̰jí gə̄ ədan̄ na n-a n-ngɔ̄də̄n̄jí yā kəhɔjí, na n-a n-kēgə̄n̄ naā yá̰a̰ kənge yājí gə̄, na n-a n-ɔyn̄ kadə̄ mān̄ dɔ ɓōn kə́ kemdə́ tə́, na n-a n-ró̰ȳn̄ kaskar yādə́ gə̄ kem hɔ̄pə̄n tə́, na n-a n-tetən̄ jīdə́ dɔjí tə́.

JEJU TEĒ KUM JA̰A̰ 11:10

De kə́ dɔ nang tə́ gə̄ a rāān̄ rɔ̄nel̄ najə̄ yādə́ tə́ ō, a əlan̄ kə yá̰a̰ gēé yā kadə̄ naā karī ō. Tɔdɔ̄ ngé koō ta kə́ jōó gə̄ ngeé ń toō ní, rāān̄ de kə́ dɔ nang tə́ gə̄ yá̰á̰ kə́ tōr̄ gə̄ ngá̰ý.

MATIYE 23:15

Sḭḭ̄ ngé ndóō de gə̄ ndū najə̄ gə̄ ō, Parijiyḛ gə̄ ō, sḭḭ̄ ń i ngé gól̄ kum de gə̄ ní, yāsí i rɔ̄ ndoō! Tɔdɔ̄ sḭḭ̄ ī-njə̄rāī mbā āwī kə̄ loo gə̄ tə́ malang dɔ nang tə́ ō, kə̄ loo gə̄ tə́ malang dɔ bā bo gə̄ tə́ ō, yā sāań de kə́ kal kógə̄ḿ beē kə́ yā kadə̄ tél Jipə. Ba loo ń deē ní tél Jipə ɓá ní a, ī-rāāniī ādə̄ tél nge kudə kum hor Gehen tə́ tɔȳ yāsí sḭḭ̄ kɔ́ gə̄ nja jōó.

TA KƏLA 20:13

Dan ń Nə́ɓā ɓārə́m̄ adə̄ m̄-teē kɔ̄ɔ́ ɓē yā bɔbə́ḿ tə́ ní, m-ə́da nə̄yá̰ḿ na ré tárəm̄ anī, loo malang ń j-a j-aw̄ tū tə́ ní, kə əda na mā na i ngōkó̰o̰n kə́ dəngam.

NGÉ SARYA 20:22

Ngán Israel gə̄ aw̄ nōōn̄ dɔ Kɔ́ɔ̄ɓē tə́ bátə́ loo tíbə dɔdə́ tə́. Aw̄ koō ta Kɔ́ɔ̄ɓēé yā gerə̄ń ké kə n-aw̄ kə n-rɔ̄ɔ̄n̄ ngán Benjamḛ gə̄ ń i ngákó̰ó̰də́ gə̄ ní ɓáý wa. Kɔ́ɔ̄ɓē tél ədadə́ na kə aw̄ kə rɔ̄ɔ̄n̄də́. Loo ń noō tə́ ngán Israel gə̄ tél əhɔn̄ rɔ̄də́ tɔgə ba aw̄ tə́nīn̄ rɔ̄də́ gotədə́ kə́ kété ń ran̄ tū tə́ rɔ̄ɔ̄nəń ní.