PĀ GƏ̄ 61:8 - Bibəl ta Sar̄

⁸ Ɓɔ́ Nə́ɓā, ādə̄ mban̄g o̰o̰ ɓē ta kumií tə́ ngándáńg! Ī-rāā ādə̄ kem majə yāí ō ra dɔ ndūí tə́ yāí ō ngɔ̄m̄nən̄.

Bible sar

⁸ Ɓɔ́ Nə́ɓā, ādə̄ mban̄g o̰o̰ ɓē ta kumií tə́ ngándáńg! Ī-rāā ādə̄ kem majə yāí ō ra dɔ ndūí tə́ yāí ō ngɔ̄m̄nən̄.

PĀ GƏ̄ 61:8 Referans Kwoze

PĀ GƏ̄ 65:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. Pā.

PĀ GƏ̄ 79:13

Loo ń noō tə́ jḭḭ ń i gír deē yāí gə̄ á i yá̰a̰ kul̄ gə̄ kə́ i ḭ̄ n i nge kaw̄ sedə́ dɔ mu tə́ ní, j-a j-asə kɔsə gɔnií ngándáńg ō, ɓōkíī tɔ̄ȳ kə dɔ ɓāl̄ gə̄ ō.

PĀ GƏ̄ 71:22

Loo ń noō tə́ m-ā m̄-ɓōkíī tɔ̄ȳ kə kəndeé. Nə́ɓā yāḿ, m-ā m-ə̄nī pā seí najə̄ ra kə̄ ī-ra dɔ ndūí tə́. M-ā m-úgə kənde yā kɔsəń gɔnií, ḭ̄ Nə́ɓā kə́ táĺ yā Israel.

PĀ GƏ̄ 146:2

M-ā m̄-tɔ̄ȳ Kɔ́ɔ̄ɓē kə dɔ ndɔ̄ gə̄ malang ń m-ā m̄-ndiń kə kumḿ ní. Gotə ndɔ̄ gə̄ malang ń m-ā m̄-ndiń kə kumḿ ní, m-ā m-ə̄nī pā tām̄ yā Nə́ɓā yāḿ tə́.

PĀ GƏ̄ 30:12

Ḭ̄ ī-rāā ādə̄ kəhɔ ndoō yāḿ tél ndām̄ rɔ̄nel̄. Ḭ̄ ɔ̄r̄ kūbə̄ ndoō rɔ̄ḿ tə́ kɔ̄ɔ́ ba ə́la kūbə̄ rāā nāā gətóo.

2 SAMUEL 15:20

Ḭ̄ ī-reē gōḿ tə́ i kə̄ tagə́bēé laā anī ɓōólaā kə m-āw̄ seí loo ɓá a? Loo nəkɔ́ ń kadə̄ m-āw̄ tū tə́ ní gə̄gē m̄-ger̄ aĺ kə̄ laā anī, kə m-úniī kadə̄ āw̄ sejí a? I beé alé, ī-tél āw̄ gogə́ kem ɓēé kə ngákó̰ó̰í gēé, ba ādə̄ Kɔ́ɔ̄ɓē rāā kem majə seí ō, rāā yá̰á̰ kə́ gōtə́ seí ō.

PĀ GƏ̄ 40:12

Ḭ̄ Kɔ́ɔ̄ɓē, kumií a o̰o̰ī tām̄ yāḿ tə́. Kem majə yāí ō, najə̄ kə́ rɔ̄kum yāí ō, a ngɔ̄mə̄mə̄n̄ kə ndɔ̄ gə̄.

PĀ GƏ̄ 89:5

M-ā m-ādə̄ gír kojə yāí a o̰o̰ ɓē ngándáńg. I beé n m-ā m̄-rāań kadə̄ de kə́ gír kojə yāí tə́ gə̄ a o̰o̰n̄neé ɓē kə dɔ ɓāl̄ gə̄ dɔ ɓāl̄ gə̄ ní.