PĀ GƏ̄ 60:2 - Bibəl ta Sar̄

² I dan ń Dabid rɔ̄ɔń Aram gə̄ kə́ Mesopotami tə́ ō kə́ Soba tə́ ō ní. Ta téĺdə́ anī Joab tetə deē yā Edom gə̄ dūbú kutə gidə i jōó rɔ̄ɔ̄, wól loo ń a ɓārə́n̄ na i wól loo yā katə̄ ní tə́.

Bible sar

² I dan ń Dabid rɔ̄ɔń Aram gə̄ kə́ Mesopotami tə́ ō kə́ Soba tə́ ō ní. Ta téĺdə́ anī Joab tetə deē yā Edom gə̄ dūbú kutə gidə i jōó rɔ̄ɔ̄, wól loo ń a ɓārə́n̄ na i wól loo yā katə̄ ní tə́.

PĀ GƏ̄ 60:2 Referans Kwoze

2 YÁ̰A̰ GƏ̄ 7:14

ba ré gír deē yāḿ gə̄ ń m-ə̄ndā rīḿ dɔdə́ tə́ ní télən̄ kə rɔ̄də́ kə̄ nang tə́ ō, ndɔ̄ȳmə̄n̄ ō, sāāmə̄n̄ ō, lōōn̄ gíŕ háĺdə́ kə́ majaĺ gə̄ tə́ ō anī, mā m-ā m̄-nēl̄ mbīḿ dɔ rā̰ tə́ yā koōń ndūdə́. M-ā m̄-mā̰ȳ rɔ̄ḿ dɔ majaĺ yādə́ tə́ ō, m-ā m̄-rāā kadə̄ ɓē yādə́ ndi kə lápə́yaá ō.

OJEE 6:1

Tā anī, sḭḭ̄ ə́daī na: Ādə̄ jə-tél jə-reēī gogə́ rɔ̄ Kɔ́ɔ̄ɓē tə́. I ni n adə̄jí do ní, ni a rāā do yājí kadə̄ a edə̄.

IJAI 30:26

Ndɔ̄ ń Kɔ́ɔ̄ɓē a ndem̄ ta do yā gír deē yān gə̄ anī, dan ń ni a rāā do yā gír deē yān gə̄ kadə̄ idə̄ ní, nāā a ndə́lē tītə̄ mbang ō, mbang kə́ ndɔ̄ kógə̄ḿ a ɔsə, loo kə́ unjə̄ kow yā mbang kə́ ɔsə ndɔ̄ kógə̄ḿ a asən̄ naā kə loo kə́ unjə̄ kow yā mbang kə́ ɔsə ndɔ̄ sīrí.

EJEKIEL 34:16

Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.

JEREMI 48:38

Deē a oō i nōō rɔ̄ dɔ kújə gə̄ kə́ Moab tə́ ō, ndágə loo gə̄ tə́ ō. m̄-tetə Moab naā tə́ tītə̄ yá̰á̰ kə́ nelə̄m̄ aĺ beē. Najə̄ ń Kɔ́ɔ̄ɓē əda ní n noó.

JEREMI 10:10

Banī Kɔ́ɔ̄ɓē Nə́ɓā i Nə́ɓā rɔ̄kum, i Nə́ɓā kə́ ndi kə kumneé ō, i mban̄g kə́ ndi ngándáńg ō. Dan ń wōn̄g rāān anī, dɔ nang ndebə. Nápar de gə̄ asən̄ yá̰á̰ sḛ́ý ta wōn̄g yān kə́ ngá̰ý tə́ alé.

JEREMI 4:24

M-á̰a̰ mbal̄ gə̄ anī, m-á̰a̰ kadə̄ a ndewn̄ ō, kadə̄ ngán mbal̄ gə̄ malang a yéȳn̄ ō.

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

PĀ GƏ̄ 18:7

Dan ń wur kɔl əsō dɔḿ tə́ ní m̄-ɓāŕ Kɔ́ɔ̄ɓē, m̄-nōō kə̄ dɔ Nə́ɓā yāḿ tə́ kadə̄ dḭḭ̄m̄. Ni-ndi kem kújə yān tə́ oō ndūḿ. Nōō yāḿ əsō mbīn tə́.

MATIYE 27:51

Anī kūbə̄ ń gāngə̄n̄neé kem kújə́ yā Kɔ́ɔ̄ɓē ní rə̄yā̰ naā tə́ jōó, dɔɔ́ bátə́ ugə̄ nang tə́. Dɔ nang ndebə ō, mbal̄ gə̄ njárə̄n̄ naā tə́ ō.

HABAKUK 3:10

Mbal̄ bo gə̄ a̰a̰īn̄ anī, ɓōĺ rāādə́ adə̄ ndewn̄. Man̄ edə kə tɔ́gɔ́ ō, bā bo nōō tītə̄ ɓɔl beé ō. Ni-rāā adə̄ bəngálən gə̄ ḭḭn̄ bátə́ aw̄ ugə̄n̄ dɔ rā̰ tə́.

AMOS 8:8

I tām̄ najə̄ ń toō tə́ n dɔ nang a ndew ní. De kə́ kem ɓēé gə̄ malang a əhɔn̄ ndoō. Tītə̄ bā Nil kə́ Ejiptə kə́ rosə kem kārə̄n ba rə̄ɓā kə̄ ndágá ní, nin̄ malang a ḭḭn̄, ba gō tə́ anī, a əsōn̄.

JEREMI 30:17

M-ā m̄-rāā kadə̄ rɔ̄í əsō naā tə́ majə ō, kadə̄ doí gə̄ edə̄n̄ ō. Tɔdɔ̄ de gə̄ ɓāríīn̄ na i yá̰á̰ kə́ ɓōkə́ kɔ̄ɔ́ ō, Siyo̰ ń de kə́ usən dɔ tə́ gətóo ō ní. Najə̄ ń Kɔ́ɔ̄ɓē əda ní n noó.

JEREMI 14:17

Ḭ̄ ā ə́dádə́ najə̄ ń toō: m̄-ndi i kə man̄ nōó kumḿ tə́ ndɔ̄ɔ́ ō, kadaá ō, kanjə̄ dəba. Tɔdɔ̄ yá̰á̰ kə́ to kum ko̰ ngá̰ý nujə kə ngōmandə ń i gír deē yāḿ gə̄ ní.

PĀ GƏ̄ 114:7

Dɔ nang, ī-ndebə ta kum Kɔ́ɔ̄ɓē tə́, ta kum Nə́ɓā yā Jakob tə́.

Makətūbə̄ yā Job 9:6

ni-rāā adə̄ dɔ nang yéȳ ō, bir̄ njan gə̄ ń dɔ nang ndi tadə́ tə́ ní yéȳn̄ ō.

IJAI 7:8

Tām̄ Damas i ɓē bo kə́ Aram ō, Resin ni i ngār kə́ Damas ngóy ō. Samari i ɓē bo kə́ Epəraim ō, Peka ni i ngār kə́ Samari ngóy ō. Kem ɓāl̄ kutə mehḛ́ gidə i mí anī, gír deē yā Epəraim gə̄ a gətóon̄ kɔ̄ɔ́. Ré ə̄nī kemsí mámák ādī Kɔ́ɔ̄ɓē aĺ anī, ā ásiī ra gotoó alé.

PĀ GƏ̄ 104:32

Ḭ̄ á̰a̰ dɔ nang anī ni ndebə. Ɔ́də mbal̄ bo gə̄ kə ta ngōn̄ jīí anī, əɓan̄ sa luk luk.

PĀ GƏ̄ 89:40

Ḭ̄ ī-tūr̄ ndūí ń ə̄nī ādə̄ nge kəla yāí ní kɔ̄ɔ́, ə̄nī jākā mbang yān nang tə́, ī-rāā ādə̄ téĺ yá̰á̰ kə́ yḛr.

Makətūbə̄ yā Job 5:18

I ni n i nge kadə̄ do ō, nge ndem̄ ta do ō ní. Ni-adə̄ deē do ō, jīn rāā do ní adə̄ idə̄ ō.

NŌŌ RƆ̄ 2:13

Jerusalem ngōmandə yāḿ, kə m-ə́daī na i rí ɓáý to̰? I náā n to tītīí ta kumḿ mā tə́ ní? ngōn̄ kə́ madə̄ yāḿ, ngōmandə kə́ Siyo̰, i rí n kə m̄-sɔlə̄ń kemií ní? Tɔdɔ̄ ī-nujə i nujə kə́ to ɓōĺ ngá̰ý tītə̄ man̄ bā bo ń i yá̰á̰ kə́ laa to ɓōĺ ngá̰ý ní beē. I náā n a ajiī ní?

2 SAMUEL 22:8

Loo ń noō tə́ dɔ nang ndebə ō, dɔ rā̰ yéȳ ō. Dan ń wōn̄g rāā Kɔ́ɔ̄ɓē ní, dɔ rā̰ ō, dɔ nang ō ndewn̄.

Teē Ngán Israel gə̄ 15:11

Kɔ́ɔ̄ɓē, i nə́ɓā kə́ rá n to tītīí ní? I náā n hálən i kə́ táĺ ngá̰ý tītə̄ yāí ō, to ɓōĺ tītīí ō, asə kadə̄ ɓōkə́nən̄ tɔ̄ȳ tītīí ō, asə rāā yá̰á̰ kə́ to ɓōĺ gə̄ tītə̄ yāí ō ní?

2 SAMUEL 8:1

Gō tə́ anī Dabid tetə Pilistin gə̄ rɔ̄ɔ̄. Ni-taā ko̰o̰ ɓē jīdə́ tə́ kɔ̄ɔ́ əlań rɔ̄sɔl̄ dɔdə́ tə́.

1 YÁ̰A̰ GƏ̄ 18:3

Ni-tetə Hadadejer rɔ̄ɔ̄ ō. Hadadejer i mban̄g kə́ Soba. Ɓē ko̰o̰ yān to ta kaw̄ kə̄ Hamat. I dan ń Hadadejer sāā ko̰o̰ ɓē dɔ bā Opəratə tə́ ní n ni tetən rɔ̄ɔ̄ ní.

1 YÁ̰A̰ GƏ̄ 18:5

Aram gə̄ kə́ Damas reē dḭḭ̄n̄ Hadadejer mban̄g kə́ Soba, banī Dabid tetədə́ rɔ̄ɔ̄ ō, tɔ̄l̄ de kə́ dəngam gə̄ dūbú kutə jōó gidə i jōó dandə́ tə́ ō.

1 YÁ̰A̰ GƏ̄ 18:12

Abisai kə́ ngōn̄ Seruya tetə Edom gə̄ rɔ̄ɔ̄ wól loo ń katə̄ i tū tə́ ní. Ni-tɔ̄l̄də́ dūbú kutə gidə i sɔ́sɔ́.