PĀ GƏ̄ 6:9 - Bibəl ta Sar̄

⁹ Sḭḭ̄ ngé rāā yá̰á̰ kə́ majaĺ gə̄ malang, ɔ̄rī rɔ̄sí rɔ̄ḿ tə́ kɔ̄ɔ́, tɔdɔ̄ Kɔ́ɔ̄ɓē oō kōō síkə̄ nōō yāḿ.

Bible sar

⁹ Sḭḭ̄ ngé rāā yá̰á̰ kə́ majaĺ gə̄ malang, ɔ̄rī rɔ̄sí rɔ̄ḿ tə́ kɔ̄ɔ́, tɔdɔ̄ Kɔ́ɔ̄ɓē oō kōō síkə̄ nōō yāḿ.

PĀ GƏ̄ 6:9 Referans Kwoze

PĀ GƏ̄ 120:1

Pā kə́ yā kaw̄ń kə̄ loo kə́ táĺ tə́. Dan ń wur kɔl əsō dɔḿ tə́ ní, m̄-ɓāŕ Kɔ́ɔ̄ɓē, anī ni ndigə ɓār̄ yāḿ.

JONAS 2:7

m̄-risə bátə́ m-ūgə̄ nja mbal̄ bo gə̄ tə́ nang tə́. Mā i ɓádá, dan de kə́ koy gə̄ tə́. Utə̄n̄ ta róbə gə̄ kə lakélé gāngə̄n̄neé gírə́ḿ, kə́ njɔ́ḿ gə̄ tə́. Banī ḭ̄ Kɔ́ɔ̄ɓē Nə́ɓā yāḿ ī-teē seḿ kɔ̄ɔ́ bəlo kə́ lú ngá̰ý ń toō tə́ kə kumḿ.

PĀ GƏ̄ 138:3

Ndɔ̄ ń m̄-ɓāríī á ī-ndigə ní, ḭ̄ ə́la go̰ kemḿ tə́ ō, ādə̄m̄ tɔ́gə ō.

PĀ GƏ̄ 118:5

Dan ń yá̰a̰ tɔȳ dɔḿ ní m̄-ɓāŕ Kɔ́ɔ̄ɓē, anī ni ndigəm̄, ni-taā əya̰m̄ dɔɔ́.

JONAS 2:2

Jonas to kem kānjə̄ tə́ ndɔ̄yń Kɔ́ɔ̄ɓē Nə́ɓā yān.

PĀ GƏ̄ 3:4

Banī Kɔ́ɔ̄ɓē, ḭ̄ i der yāḿ. Ḭ̄ i kɔsə gɔn yāḿ, nge kun dɔḿ dɔɔ́.

PĀ GƏ̄ 31:22

Kɔ́ɔ̄ɓē, m̄-tɔ̄yī tɔdɔ̄ m̄-to tītə̄ ɓē kə́ ngé rɔ̄ɔ̄ gə̄ gīrə̄n̄ yā taā, ba ḭ̄ ī-ra dɔ ndūí tə́ seḿ adə̄ ɔr kumḿ ngá̰ý.

2 YÁ̰A̰ GƏ̄ 34:27

Najə̄ kə́ dɔ Jerusalem tə́ ō, dɔ de kə́ kemeé gə̄ tə́ ō ń m-ɔ̄r̄ kemeé ní ḭ̄ ī-nēl̄ mbīí majə ōoń, tɔdɔ̄ najə̄ ní tōr̄ kemií adə̄ ī-tél kə rɔ̄í kə̄ nang tə́ ta kumḿ tə́ ō, ī-*rə́yā̰ kūbə̄ gə̄ kə́ rɔ̄í tə́ ō, ī-nōō kə man̄ kumií ō. Ní mā Kɔ́ɔ̄ɓē m-ə́daī na m-ōō ndūí.

IJAI 38:5

aw̄ kə əda Ejekias najə̄ ń toō kə ədan na: Mā Kɔ́ɔ̄ɓē Nə́ɓā yā kaaí Dabid, m-ōō ndɔ̄ȳ yāí ō, m-á̰a̰ man̄ kumií ō. M-ā m-ə̄nī ndɔ̄í ta madə̄ tə́ kadə̄ asə ɓāl̄ kutə gidə i mí!

NŌŌ RƆ̄ 3:56

Ōō ndūḿ, ī-lōō kutə̄ mbīí ta koō ń m-ɔ́sə pḭ pḭ tə́ ní ō, ta ɓāŕ ń m̄-ɓāríī kadə̄ ī-dḭḭ̄m̄ tə́ ní ō.