PĀ GƏ̄ 6:6 - Bibəl ta Sar̄

⁶ Tɔdɔ̄ deē ń oy ní a əga kemən dɔí tə́ to̰ alé. De gə̄ ń oyn̄ ní asən̄ ɓōkíī tɔ̄ȳ to̰ alé.

Bible sar

⁶ Tɔdɔ̄ deē ń oy ní a əga kemən dɔí tə́ to̰ alé. De gə̄ ń oyn̄ ní asən̄ ɓōkíī tɔ̄ȳ to̰ alé.

PĀ GƏ̄ 6:6 Referans Kwoze

PĀ GƏ̄ 69:3

M-údə kum bɔr kə́ lú ngá̰ý tə́ kə́ loo kə́ ngan̄g gətóó gírí ō, yá̰á̰ kə́ yā kəhɔm̄ kə̄ dɔɔ́ gətóo tū tə́ ō. Mā i dan ɓūlūú. Katə man̄ əjam̄ aw̄ seḿ.

PĀ GƏ̄ 42:3

Kəndā Nə́ɓā rāām̄, kəndā Nə́ɓā kə́ ndi kə kumneé rāām̄. I rə́ngáý tə́ n m-ā m-údə kem kújə yān tə́ yā ra ta kumən tə́ ní?

PĀ GƏ̄ 38:9

Rɔ̄ḿ aȳm̄ yaw, tɔ́gə́ḿ yḛtə gətóo. Kemḿ ɓār̄ ɓururu adə̄ m̄-to̰ō̰. Wurəḿ tōrə̄m̄, adə̄ m-ə́ya̰ taḿ dɔɔ́ m-ə́ga kɔŕ.

NŌŌ RƆ̄ 2:11

Man̄ nōō utə̄ kumḿ ō, kemḿ təngām̄ ngá̰ý ō. Tɔ́gə́ḿ gətóo kɔ̄ɔ́ adə̄ m-ə̄sō m-ɔ́də nang. Tɔdɔ̄ ngōmandə yā gír deē yāḿ gə̄ nujə kɔ̄ɔ́ ō. ngán kə́ dūú gə̄ ō, kə́ ta mba tə́ gə̄ ō, ton̄ kə́ yo tə́ ndágə loo gə̄ kə́ kem ɓēé tə́.

NŌŌ RƆ̄ 1:16

Yá̰á̰ ń m̄-nōō najə̄n tə́ ní, rāā adə̄ kumḿ tetə man̄ jōó mbak. Tɔdɔ̄ nge sɔl̄ kemḿ ō, nge kadə̄m̄ tɔ́gə kadə̄ m̄-ndiń kə kumḿ ō, ɔr̄ rɔ̄n kɔ̄ɔ́ sa̰y rɔ̄ḿ tə́. Ngánə́ḿ gə̄ nujən̄ kɔ̄ɔ́, tɔdɔ̄ tɔ́gə madə̄ ba̰ā̰ḿ tɔȳ yādə́.

NŌŌ RƆ̄ 1:2

Ni nōō ba tél nōō dan ndɔ̄ɔ́, man̄ nōō nɔ̄l̄ kumən malang. Dan ngé sāān gə̄ tə́ malang ní, nge kə́ asə sɔl̄ kemən gətóo. Dɔ madə̄ njə̄rān gə̄ malang ndigə̄nal dɔn tə́ kɔ̄ɔ́. Nin̄ télən̄ madə̄ ba̰ā̰n gə̄.

Makətūbə̄ yā Job 23:2

M-ə́hɔ rɔ̄ḿ tɔgə kadə̄ m̄-nōō rɔ̄ḿ alé, banī ɓōólaā gə̄gē ní, tṵ́ṵ̄ tɔȳ tɔ́gə́ḿ.

Makətūbə̄ yā Job 16:20

Madə̄ taḿ gə̄ mbóon̄ seḿ, banī m-á̰a̰ loo kə̄ rɔ̄ Nə́ɓā tə́ i kə man̄ nōó kumḿ tə́.

Makətūbə̄ yā Job 7:3

Yāḿ mā i tītə̄ ń noō ō: Kəndā kem dɔ tə́ yāḿ gotə to i karī asə nāā ngá̰ý, m̄-tə́gā taḿ gíŕ yá̰á̰ kə́ tōr̄ rɔ̄ḿ tə́ ndɔ̄ɔ́ kə dɔ ndɔ̄ gə̄.

Najə̄ kə́ Majə yā Jeju ń Luk ndang ní 7:38

Ni-reē ra gidə Jeju tə́ kə̄ nja tə́. Dəyá̰ ní ra i kə nōó kumən tə́, adə̄ man̄ kumən nɔ̄l̄ gidə nja Jeju. Gō tə́ anī ɔl̄ gidə nja Jeju ní kə nənga dɔneé ō, əhɔ njan ní kə̄ rɔ̄n tə́ ba rāā ítər tū tə́ ō.

JEREMI 14:17

Ḭ̄ ā ə́dádə́ najə̄ ń toō: m̄-ndi i kə man̄ nōó kumḿ tə́ ndɔ̄ɔ́ ō, kadaá ō, kanjə̄ dəba. Tɔdɔ̄ yá̰á̰ kə́ to kum ko̰ ngá̰ý nujə kə ngōmandə ń i gír deē yāḿ gə̄ ní.

PĀ GƏ̄ 88:9

Ḭ̄ ī-rāā adə̄ ngé gə̄ ń j-ənī kemjí j-adə̄ naā ní əya̰mə̄n̄ kɔ̄ɔ́. Ī-rāā ādə̄ m̄-téĺ yá̰á̰ kə́ to yḛr kum ta kumdə́ tə́. Gāngə̄n̄ gírə́ḿ kum yá̰á̰ kə́ tōr̄ tə́, ta róbə́ kə́ yā kadə̄ m̄-teēń gətóo.

PĀ GƏ̄ 39:12

Ḭ̄ ɔ́jə deē yá̰a̰ kə ndéy jīí tām̄ yá̰a̰ rāān kə́ gōtə́ aĺ tə́. Yá̰á̰ ń kemən gḛy ngá̰ý ní ī-nujəń kɔ̄ɔ́ tītə̄ yā kur̄ beé. Rɔ̄kum deē ndul i nél karī.

Makətūbə̄ yā Job 10:1

Ndi kə kumuú ɔr̄ wurəḿ adə̄ m-ā m-ə́ya̰ taḿ dɔɔ́ yā nōoń banī m-ā m-ə́hɔ rɔ̄ḿ to̰ alé. M-ā m-ɔ̄r̄ najə̄ kə wur katāá.

PĀ GƏ̄ 30:10

Mósə́ḿ a teē i rí tām̄ yāí tə́? Ā ə́nge i rí gotə yoḿ mā tə́? Deē ń tél bumbə́ru kɔ̄ɔ́ ní a ɓōkíī tɔ̄ȳ ɓáý a? A ənī gotə ra kə́ ī-ra dɔ ndūí tə́ i ba̰ý?

PĀ GƏ̄ 88:11

Ā ī-rāā yá̰á̰ kə́ yáā tām̄ yā de kə́ koy kɔ̄ɔ́ gə̄ tə́ a? Nin̄ a ḭḭn̄ yā kɔsə gɔnií a?

PĀ GƏ̄ 115:17

I de kə́ koy kɔ̄ɔ́ gə̄ n a tɔ̄ȳn̄ Kɔ́ɔ̄ɓē ní alé, nin̄ malang ń risə aw̄n̄ loo kə́ loo to kúkúkú tū tə́ tə́ ní alé.

IJAI 38:18

Deē ɔsə gɔnií ɓádá dan de kə́ koy gə̄ tə́ aĺ ō, de kə́ koy gə̄ ənīn̄ pā ɓōkíīn̄neé tɔ̄ȳ aĺ ō. Ra ń ī-ra dɔ ndūí tə́ ní, ngé kaw̄ ɓádá gə̄ əndān̄ kemdə́ dɔ tə́ to̰ alé.