PĀ GƏ̄ 59:5 - Bibəl ta Sar̄

⁵ Najə̄ gətóo dɔḿ tə́, ba nin̄ a̰ȳ reē tə́nīn̄ rɔ̄də́ ra a ngóōn̄ taḿ. Ḭ́ḭ dɔ ɓīī tə́, ī-reē kə̄ laā ba á̰a̰ā̰!

Bible sar

⁵ Najə̄ gətóo dɔḿ tə́, ba nin̄ a̰ȳ reē tə́nīn̄ rɔ̄də́ ra a ngóōn̄ taḿ. Ḭ́ḭ dɔ ɓīī tə́, ī-reē kə̄ laā ba á̰a̰ā̰!

PĀ GƏ̄ 59:5 Referans Kwoze

PĀ GƏ̄ 84:8

Nin̄ əngen̄ tɔ́gə dan ń a njə̄rā aw̄n̄ yā ra ta kum Nə́ɓā tə́ Siyo̰ ní.

PĀ GƏ̄ 55:15

Kété ní j-ɔr̄ najə̄ kə́ kemjí gə̄ tə́ kə naá kə míndə́ kə́ majaá ō, j-un njají i kə gō naá majə kem kújə yā Nə́ɓā tə́ ō.

PĀ GƏ̄ 9:15

Loo ń noō tə́ m-ā m̄-tə́dá yá̰a̰ malang ń ndḛḛ̄ kadə̄ m̄-ɓōkíī tɔ̄ȳ ní dan ngé kán naā gə̄ kə́ Siyo̰ tə́ rang ɓáý ō, m-ā m̄-rāā rɔ̄nelí ḭ̄ nge kajəḿ ō.

JAKƏ 2:13

Tɔdɔ̄ deē ń a̰a̰ kum tō ndoō yā madə̄n gə̄ aĺ ní, Nə́ɓā a a̰a̰ kum tō ndoō yān loo sarya tə́ aĺ ō, banī ka̰a̰ kum tō ndoō i yá̰á̰ kə́ tetə sarya rɔ̄ɔ̄.

Makətūbə̄ ń Pol ndang adə̄ Rom gə̄ ní 9:6

Adə̄ yá̰á̰ ń Nə́ɓā ənī míndən yā rāā ní, ni-rāā aĺ i mbée a? Najə̄ m̄-sāā kəda ní n noó alé. Tɔdɔ̄ de gə̄ malang ń nin̄ i gír yā Israel tə́ ní, nin̄ i Israel kə́ rɔ̄kum gə̄ malang alé.

AMOS 9:7

Kɔ́ɔ̄ɓē əda na: Israel gə̄, gātə̄sí i ngá̰ý tām̄ yāḿ tə́ tɔȳ yā de kə́ Etiopi gə̄ a? m̄-teē sesí kɔ̄ɔ́ kem ɓē kə́ Ejiptə tə́, ba m̄-teē kə Pilistin gēé kɔ̄ɔ́ Kapətor ō, m̄-teē kə Aram gə̄ kɔ̄ɔ́ Kir ō. Ní, ī-gerī nge ń noō aĺ á?

JEREMI 18:23

Ḭ̄ Kɔ́ɔ̄ɓē ḭ̄ ī-ger̄ najə̄ kə́ asə yoḿ gə̄ malang ń tétə̄n̄ dɔḿ tə́ ní majə. Ɔ̄r̄ yá̰á̰ kə́ gōtə́ aĺ yādə́ ń rāān̄ ní kɔ̄ɔ́ alé. Ādə̄ majaĺ yādə́ gə̄ ń rāān̄ ta kumií tə́ ní gotə to karī alé. Ādə̄ tə́sōn̄ nang tə́ ta kumií tə́. Dan ń wōn̄g yāí a ḭḭ seí ní ɔ́jə́də́ kum.

IJAI 27:11

Dan ń ta jī kāgə̄ gə̄ a tutən̄ anī, nin̄ tétə̄n̄ ō, dəyá̰ gə̄ reē əlan̄ hor dɔ tə́ kɔ̄ɔ́ ō. Gír de gə̄ ń toō gerə̄n̄ kum yá̰a̰ alé. I tām̄ najə̄ ń toō tə́ n kum nge kəndān o̰o̰n tām̄ yān tə́ aĺ ní, nge rāān mā̰ȳ rɔ̄n dɔn tə́ alé.

IJAI 1:10

Sḭḭ̄ ngār gə̄ kə́ Sodom, ōōī najə̄ yā Kɔ́ɔ̄ɓē. Sḭḭ̄ gír de kə́ Gomor gə̄, ī-nēlī mbīsí ōōiń yá̰á̰ ndóō yā Nə́ɓā yājí.

PĀ GƏ̄ 80:4

Nə́ɓā, ī-tél ī-reē sejí gogə́, á̰á̰jí kə kumií kə́ majaá anī j-a j-ajə.

PĀ GƏ̄ 54:3

Nə́ɓā, ájəm̄ kə ta kūl̄ rīí ō, ī-gān̄g sarya yāḿ kə ta kūl̄ tɔ́gí ō.

Teē Ngán Israel gə̄ 20:5

Ā ɔ́sə noí nang tə́ nodə́ tə́ aĺ ō, ā ī-rāā kəla ādə̄də́ aĺ ō. Tɔdɔ̄ mā i Kɔ́ɔ̄ɓē Nə́ɓā yāí ō, mā i Nə́ɓā kə́ nge rāā jang ō. Ré de kə́rēý mbātə́ najə̄ taḿ tə́ anī, m-ā m-ādə̄ yá̰á̰ kə́ tōr̄ a reē dɔ kɔ́ɔ̄ tə́ ō, dɔ ngánən gə̄ tə́ ō, dɔ ngán kaan gə̄ tə́ ō, dɔ ngán kaa gugūn gə̄ tə́ ō, dɔ ngán kaa dɔgən gə̄ tə́ ō.

Teē Ngán Israel gə̄ 3:15

Ə́dádə́ na i Kɔ́ɔ̄ɓē Nə́ɓā yā kaadə́ gə̄, adə̄ i Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō n əlaī rɔ̄də́ tə́ ní. Rīḿ ń a to ngándáńg kadə̄ de gə̄ a ɓāŕmə̄n̄neé kə dɔ ɓāl̄ gə̄ ní n noó.

TA KƏLA 33:20

Jakob rāā loo tun̄ yá̰a̰ loo ngeé ń noō tə́ ba əndā rīn na i Nə́ɓā i Nə́ɓā yā Israel.

PĀ GƏ̄ 7:7

Kɔ́ɔ̄ɓē, ḭ́ḭ dɔɔ́ kə wōngōó! Ngé rɔ̄ḿ gə̄ ń wōn̄g rāādə́ ngá̰ý ní ī-ta̰də́ rɔ̄. Ḭ̄ nge kəda yá̰á̰ kə́ gōtə́, ī-ra já̰já̰ kadəḿ tə́!

DANIEL 6:7

Tā anī de kə́ bo kə́ jōó gə̄ ō, ngé kɔsə kum gotə mban̄g dɔ ɓē tə́ gə̄ ō, aw̄ ədan̄ mban̄g na: Mban̄g Darius, ādə̄ dɔí ngan̄g májə́ májə́!