PĀ GƏ̄ 59:11 - Bibəl ta Sar̄

¹¹ Nə́ɓā kə́ nge ra dɔ ndūn tə́ tə́nī taḿ. Ni-rāā adə̄ m-ídə taḿ gíŕ ngé kumə̄ḿ gə̄ tə́.

Bible sar

¹¹ Nə́ɓā kə́ nge ra dɔ ndūn tə́ tə́nī taḿ. Ni-rāā adə̄ m-ídə taḿ gíŕ ngé kumə̄ḿ gə̄ tə́.

PĀ GƏ̄ 59:11 Referans Kwoze

PĀ GƏ̄ 3:3

Ngé tə́da najə̄ dɔḿ tə́ gə̄ i ngá̰ý, nin̄ ədan̄ na: Nə́ɓā a ajən alé!

JEJU TEĒ KUM JA̰A̰ 9:6

Kem ndɔ̄ gə̄ ngeé ń noō tə́ ní, de gə̄ a sāān̄ yo, ba a əngen̄ aĺ ō, a gḛyn̄ yo, ba yo a a̰ȳdə́ kɔ̄ɔ́ ō.

Najə̄ kə́ Majə yā Jeju ń Luk ndang ní 21:21

Ndɔ̄ ń noō tə́ ní, kadə̄ ngé gə̄ ń nin̄ i gō nang kə́ Jude tə́ ní a̰ȳn̄ naā kə̄ dɔ mbal̄ gə̄ tə́ ō, ngé gə̄ ń nin̄ i kem ɓēé ní, teē aw̄n̄ sa̰y kɔ̄ɔ́ ō, kadə̄ ngé gə̄ ń nin̄ i kem ndɔr̄ gə̄ tə́ ní tél aw̄n̄ kem ɓēé aĺ ō.

PĀ GƏ̄ 52:5

Ī-gḛy yá̰á̰ kə́ majaĺ tɔȳ yá̰á̰ kə́ majə ō, ī-gḛy najə̄ kə́ sor̄ tɔȳ najə̄ kə́ rɔ̄kum ō.

Makətūbə̄ yā Job 40:12

A̰á̰ā̰, ādə̄ kumií kə́ á̰a̰ńdə́ ta kógə̄ḿ rāā adə̄ nin̄ malang əlan̄ dɔdə́ nang tə́. Ī-rējə̄ ngé kem ndul gə̄ kə̄ loo nəkɔ́ ń noō tə́.

NDŪ NAJƏ̄ 28:64

Kɔ́ɔ̄ɓē a tə̄ndā yā tḭ̄ḭ̄sí kə̄ dan gír de gə̄ tə́ malang. A əla gír i ta ngóy dɔ nang kə́rēý tə́ bátə́ ta ngóy dɔ nang kə́ noō tə́. Loo ń noō tə́ ā ī-rāā kəla yā kadə̄ ɓesə̄ kāgə̄ gə̄, kə ɓesə̄ mbal̄ gə̄ ń i nə́ɓā gə̄ ń ḭ̄ gə̄gē kaaí gə̄ gə̄gē ī-gerīdə́ aĺ ní.

NDŪ NAJƏ̄ 4:27

Kɔ́ɔ̄ɓē a tə̄ndā yā tḭ̄ḭ̄sí kə̄ dan nápar de kə́ rang gə̄ tə́ kɔ̄ɔ́. Ā ī-na̰yiī i sḛ́ý beē ngóy dan nápar de gə̄ ń a aw̄ sesí kə̄ dandə́ tə́ ní.

PĀ GƏ̄ 106:27

yā tə̄ndā tḭ̄ḭ̄ ngáńdə́ gə̄gē, ngán kaadə́ gə̄gē kə̄ loo gə̄ tə́ ō, yā kəya̰də́ kadə̄ oyn̄ ɓē nápar de kə́ rang gēé ō.

PĀ GƏ̄ 84:11

Rāā ndɔ̄ kógə̄ḿ ndágə loo kə́ gīr̄ gidə kújə yāí tə́ majə tɔȳ rāā ndɔ̄ dūbú loo kə́ rang tə́. Nə́ɓā yāḿ, ndi ta róbə́ kújə yāí tə́ i só tə́ tɔȳ ndi kə de kə́ sew aĺ gēé!

PĀ GƏ̄ 84:9

Kɔ́ɔ̄ɓē, Nə́ɓā kə́ bo kə́ tɔ́gí i ngá̰ý, ōō ndɔ̄ȳ yāḿ, Nə́ɓā yā Jakob, ī-nēl̄ mbīí ōoń ndūḿ.

PĀ GƏ̄ 44:11

Ḭ̄ ī-rāā ādə̄ jə-tél kə gidəjí ta kum ngé rɔ̄ɔ̄jí gə̄ tə́. adə̄ madə̄ ba̰ā̰jí gə̄ ɔyn̄ yá̰a̰ kənge yājí gə̄ aw̄n̄neé.

NDŪ NAJƏ̄ 4:9

Banī yá̰á̰ ń kadə̄ ə̄ndāī kumsí gírí majə ní, i kadə̄ dɔsí ndígə̄nal yá̰a̰ gə̄ ń á̰a̰ī kə kumsí ní alé. Bátə́ gēé ādī dɔsí ndígə̄nal alé, ba ɔ́jiī ngáńsí gə̄ ō, ngán kaasí gə̄ ō, ādə̄ gerə̄n̄.

LEBI GƏ̄ 26:33

M-ā m̄-tə̄ndā yā tḭ̄ḭ̄sí kɔ̄ɔ́ kadə̄ āwī kə̄ dan nápar de gə̄ tə́ ō, m-ā m-ɔ̄r̄ njár̄ kaskar kem hɔ̄pə̄n tə́ yā ngɔ̄dəńsí ō, ɓē yāsí a nujə sák sák kɔ̄ɔ́ ō, ɓē bo yāsí gə̄ a telən̄ ndeba ɓē ō.

KOHELET 9:5

Tɔdɔ̄ de gə̄ ń ndin̄ kə kumdə́ ní nin̄ gerə̄n̄ kadə̄ a oyn̄. Banī de kə́ koy kɔ̄ɔ́ gə̄ ní gerə̄n̄ yá̰á̰ kógə̄ḿ alé. Deē a əndā njadə́ nin̄ to̰ alé, tām̄ dɔ deē ndígə̄naldə́ kɔ̄ɔ́.

1 SAMUEL 24:5

Deē yā Dabid gə̄ ədanən̄ na: Ndɔ̄ ń Kɔ́ɔ̄ɓē ədaī najə̄n ní n toó. Ni-ədaī kété na ndɔ̄ kə́rēý tə́ anī n-a n-əla madə̄ ba̰ā̰í jīí tə́ kadə̄ ī-rāā yá̰á̰ ń kemií ndigə ní seneé. Anī Dabid ḭḭ dɔɔ́ ba gān̄g ta kūbə̄ yā Saul jəke.

PĀ GƏ̄ 118:7

Kɔ́ɔ̄ɓē i dām̄ yāḿ tə́, ni dḭḭ̄m̄, adə̄ m̄-kídə̄ madə̄ ba̰ā̰ḿ gə̄.