PĀ GƏ̄ 59:10 - Bibəl ta Sar̄

¹⁰ M-ā m-á̰a̰ loo i kə̄ rɔ̄í tə́, ḭ̄ ń i tɔ́gə́ḿ ní. Loo yāḿ kə́ ngan̄g kə́ kem ɓēé i Nə́ɓā.

Bible sar

¹⁰ M-ā m-á̰a̰ loo i kə̄ rɔ̄í tə́, ḭ̄ ń i tɔ́gə́ḿ ní. Loo yāḿ kə́ ngan̄g kə́ kem ɓēé i Nə́ɓā.

PĀ GƏ̄ 59:10 Referans Kwoze

1 PIYER 5:10

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū kɔsə gɔn yān kə́ a to ngándáńg tə́, kə gō ɓoo naā yāsí kə Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

PĀ GƏ̄ 54:7

Ādə̄ ni-rāā adə̄ yá̰á̰ kə́ majaĺ tél əsō dɔ ngé rɔ̄ɔ̄ḿ gə̄ tə́! Ī-rāā ādə̄ nin̄ gətóon̄ kɔ̄ɔ́ malang, sɔɔ̄ń yá̰a̰ rāāí kə́ gōtə́.

PĀ GƏ̄ 59:17

Banī mā m-ā m-ə̄nī pā yā kɔsəń gɔn tɔ́gí ō, m-úr kɔĺ rɔ̄nel̄ dɔ kem majə yāí tə́ dəloí ɓatə ō. Tɔdɔ̄ ḭ̄ i loo kə́ ngan̄g yāḿ kə́ kem ɓēé ō, ḭ̄ i loo ɓɔ̄ɔ̄ rɔ̄ yāḿ ndɔ̄ ń wur kɔl əsōń dɔḿ tə́ ní ō.

PĀ GƏ̄ 21:3

Ḭ̄ ādə̄n yá̰á̰ ń kemən gḛy ní, ḭ̄ ɔ̄gən yá̰á̰ ń dəjeī ní alé.

PĀ GƏ̄ 92:11

Ḭ̄ ī-tél ādə̄m̄ tɔ́gə gogə́ rang adə̄ m̄-ngan̄g tītə̄ dɔgə beé ō, úr yibə̄ kə́ kijə dɔḿ tə́ ō.

PĀ GƏ̄ 54:5

Tɔdɔ̄ tə̄rā gə̄ ənīmə̄n̄ rɔ̄ɔ̄ ō, de kə́ ngé dɔ́nɔ gə̄ sāān̄ tɔ̄lə̄m̄ ō. Nin̄ usədə́ dɔ Nə́ɓā tə́ alé.

2 KORḚNTƏ 1:3

Jə-tɔ̄yī Nə́ɓā, Bɔbə̄ Kɔ́ɔ̄ɓē yājí Jeju Kərist, ni ń i Bɔbə̄jí kə́ kumən o̰o̰n ngá̰ý ō, i Nə́ɓā kə́ nge sɔl̄ kem deē dan yá̰a̰ gə̄ tə́ malang ō ní.

JEREMI 17:16

Mā tā anī, m̄-mbātə́ kadə̄ mā i nge kul̄ yá̰a̰ yāí alé. Ḭ̄ ī-ger̄ majə kadə̄ m̄-ndə̄ngā ndɔ̄ kə́ majaĺ alé. Najə̄ ń teē taḿ tə́ ní m-ə́da i ta kumií tə́.

IJAI 65:24

Kété pá tá kadə̄ nin̄ ɓāŕmə̄n̄ ní, mā m-ā m̄-daldə́. Nin̄ a ɔrə̄n̄ najə̄ təgā aĺ ɓáý anī mā m-ā m-ōō najə̄ yādə́ ní kɔ̄ɔ́.

PĀ GƏ̄ 112:8

Ni-əhɔ wurən ngan̄g, ɓōĺ yá̰á̰ kógə̄ḿ aĺ ō, asə kídə̄ madə̄ ba̰ā̰n gə̄ ō.

PĀ GƏ̄ 91:8

Yāí i kadə̄ ī-teē kumií ngóy, anī ā á̰a̰ loo kəndā ń Nə́ɓā a əndā nja de kə́ sew aĺ gə̄ ní.

PĀ GƏ̄ 79:8

Yá̰á̰ kə́ majaĺ gə̄ ń kaají gə̄ rāān̄ ní, ī-lōō kəndā najə̄n dɔjí tə́, banī ādə̄ kumií o̰o̰ī sejí, ī-reē láẃ ī-tə́nā tají, tɔdɔ̄ j-əsō adə̄ jḭḭ i gírí nang tə́ sa̰y ngá̰ý.

PĀ GƏ̄ 56:6

Nin̄ rāāmə̄n̄ adə̄ m-á̰á̰ tápə̄ ō, gírə̄n̄ i rāā yá̰á̰ kə́ majaĺ seḿ ō, kə dɔ ndɔ̄ gə̄.

PĀ GƏ̄ 56:2

Nə́ɓā, á̰a̰ kum tō ndoō yāḿ, tām̄ aw̄n̄ seḿ gadə gadə! A rɔ̄ɔ̄mə̄n̄ ō, a rāān̄ kumḿ ndoō tə́ ō, kə dɔ ndɔ̄ gə̄.

PĀ GƏ̄ 5:8

Banī i ndūí ń ī-ra dɔ tə́ tām̄ yāḿ tə́ ní n ndḛḛ̄ kadə̄ mā m-údəń kújə yāí tə́ ní. M-ə̄sō kə̄ nang tə́ noí tə́ i kə ɓōló kemḿ tə́, kumḿ sɔɔ̄ loo kə́ táĺ yāí.

2 SAMUEL 1:17

Loo ń noō tə́ Dabid un pā yo nōoń Saul nin̄ kə ngōnən Jonatan.

1 TESALONIK 4:15

Najə̄ ń j-a j-ɔjəsí kə gō najə̄ yā Kɔ́ɔ̄ɓēé ní n toó: Jḭḭ̄ ń j-a jə-ndiī kə kumjí ɓáý ndɔ̄ reē Kɔ́ɔ̄ɓē tə́ ní, j-a jə-mānī kété no ngé gə̄ ń oyn̄ tə́ ní alé.

1 SAMUEL 26:10

Tītə̄ ń Kɔ́ɔ̄ɓē ndiń kə kumneé noō ní, m-ə́daī najə̄ kə́ rɔ̄kum, Kɔ́ɔ̄ɓē nəkɔ́ a tɔ̄lən. Majanī a oy i yo kə́ karī, aláa a oy i ta rɔ̄ɔ̄ tə́.

PĀ GƏ̄ 46:8

Kɔ́ɔ̄ɓē kə́ bo kə́ tɔ́gən i ngá̰ý ní i naā tə́ sejí. Nə́ɓā yā Jakob i loo kə́ ngan̄g yājí kə́ kem ɓēé.