PĀ GƏ̄ 57:1 - Bibəl ta Sar̄

¹ Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā ī-lōō nujəń beé. I pā yā Dabid kə́ yā ndóoń deē yá̰a̰. I dan ń Dabid a̰ȳ Saul aw̄ ɓɔ̄ɔ̄ rɔ̄n bəlo mbalá ní.

Bible sar

¹ Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā ī-lōō nujəń beé. I pā yā Dabid kə́ yā ndóoń deē yá̰a̰. I dan ń Dabid a̰ȳ Saul aw̄ ɓɔ̄ɔ̄ rɔ̄n bəlo mbalá ní.

PĀ GƏ̄ 57:1 Referans Kwoze

PĀ GƏ̄ 91:4

Ni a ngɔ̄mī. Ā ə́nge loo ɓēé looneé kadə̄ ī-ɓɔ̄ɔń rɔ̄í, tītə̄ ngōn̄ kə̄njá kə́ ɓɔ̄ɔ̄ rɔ̄n gír bɔ̄gə̄ kó̰o̰n tə́ beē. Kem majə yān rāā rɔ̄n i der tə́ ō, kūbə̄ gində̄ tə́ ō.

PĀ GƏ̄ 36:7

Háĺ kə́ gōtə́ yāí asən̄ naā kə mbal̄ gə̄ kə́ ngālə̄n̄ ngá̰ý. Yá̰a̰ gə̄ ń ə́dá ní kumdə́ rúú ngá̰ý tītə̄ gír bā bo beé. Kɔ́ɔ̄ɓē, ḭ̄ ájə de gə̄ ō, dā̰ gə̄ ō.

PĀ GƏ̄ 61:4

Tɔdɔ̄ ḭ̄ i loo ɓɔ̄ɔ̄ rɔ̄ yāḿ, kújə yāḿ kə́ ngan̄g ta kum madə̄ ba̰ā̰ḿ tə́.

PĀ GƏ̄ 63:7

Dan ń m̄-to dɔ tə̄rá ɓīīḿ tə́ á m̄-gír̄ dɔí tə́ ní, m̄-ndɔ̄yī m-ādə̄ dan oy tām̄.

PĀ GƏ̄ 9:10

Kɔ́ɔ̄ɓē i loo ɓɔ̄ɔ̄ rɔ̄ yā deē ń rāān̄ kumən ndoō tə́ ní, i loo ɓɔ̄ɔ̄ rɔ̄ yā de kə́ wur kɔl əsō dɔn tə́.

PĀ GƏ̄ 91:1

Deē ń ndi loo ń Nə́ɓā kə́ dɔɔ́ a ɓɔ̄ɔ̄ rɔ̄n tū tə́ tə́ ní to i ndíĺ Nə́ɓā kə́ bo kə́ tɔ́gən i ngá̰ý tə́.

JEJU TEĒ KUM JA̰A̰ 21:4

Ni a ɔl̄ man̄ nōō kə́ kumdə́ tə́ kɔ̄ɔ́ ō, deē a oy to̰ aĺ ō. Kəhɔ ndoō a gətóo ō, kɔŕ a gətóo ō, rɔ̄ tōr̄ a gətóo ō, tɔdɔ̄ yá̰á̰ kə́ jóo gə̄ mānə̄n̄ kɔ̄ɔ́.

RUTƏ 2:12

Ndə̄ngā yāḿ i kadə̄ Kɔ́ɔ̄ɓē əndā njaí tām̄ yā yá̰a̰ gə̄ ń noō tə́ malang. Kadə̄ Kɔ́ɔ̄ɓē Nə́ɓā yā Israel əndā njaí ngá̰ý kadə̄ tɔȳ dɔ. Tɔdɔ̄ ī-reē ī-ɓɔ̄ɔ̄ rɔ̄í i gír bɔ̄gə̄n tə́.

IJAI 26:20

Gír deē yāḿ gə̄, údiī kújú ɓēé loosí ba ūtī ta róbə ī-gāngīneé gíŕsí kɔ̄ɔ́. Ī-ɓɔ̄ɔ̄ rɔ̄í kum ngán mbang gə̄ sḛý ādə̄ wōn̄g yā Kɔ́ɔ̄ɓē mānəń.

PĀ GƏ̄ 56:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā déŕ kə́ dɔ kāgə̄ kə́ bo gə̄ kə́ loo kə́ sa̰y ngá̰ý tə́. I pā yā Dabid kə́ yā ndóoń deē yá̰a̰. Ɔr̄ i najə̄ yā Dabid ń Pilistin gə̄ əhɔnən̄ kem ɓē kə́ Gat tə́ ní.

PĀ GƏ̄ 91:9

Rɔ̄kum Kɔ́ɔ̄ɓē, i ḭ̄ n i loo ɓɔ̄ɔ̄ rɔ̄ yāḿ ní! Ḭ̄ ī-rāā Nə́ɓā kə́ dɔɔ́ sa̰y ngá̰ý i loo ndi yāí tə́,

PĀ GƏ̄ 13:5

na sōgə́ madə̄ ba̰ā̰ḿ əda na n-tetəm̄ rɔ̄ɔ̄ ō, ngé rɔ̄ɔ̄ḿ gə̄ tɔ̄ȳn̄ jīdə́ dɔḿ mā ń m̄-to nang tə́ ní ō.

PĀ GƏ̄ 2:12

Ī-rɔyī ngōn̄, na sōgə́ wōn̄g rāān anī ā óyiī róbó. Yá̰á̰ kə́ sḛ́ý beē gə̄gē anī wōn̄g rāān kɔ̄ɔ́. De gə̄ malang ń ni i loo ɓɔ̄ɔ̄ rɔ̄ yādə́ ní rɔ̄də́ nel̄də́.

JEJU TEĒ KUM JA̰A̰ 7:14

Anī m̄-téĺ m-ə́dan na: Kɔ́ɔ̄ḿ, īkɔ́ ī-ger̄ mbak aĺ a. Loo ń noō tə́ ni ədam̄ na: I de gə̄ ń teēn̄ kum yá̰a̰ nāā kə́ bo ngá̰ý tə́ ní. Nin̄-tə́gon̄ kūbə̄ ngāl̄ yādə́ gə̄ adə̄ unjə̄ i kum mósə Ngōn̄ batə̄ tə́.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

PĀ GƏ̄ 142:1

Pā kə́ kəda. I pā yā Dabid. I ndɔ̄ȳ kə́ əda dan ń ni toń kem bəlo mbalá ní.

JA̰A̰ 16:20

Ādə̄ m-ə́dásí najə̄ kə́ bo ngá̰ý, ā ī-nōōī ō, ā ī-sō̰míī ō, ba de kə́ dɔ nang tə́ gə̄ a rāān̄ rɔ̄nel̄. Rɔ̄sí a nel̄sí alé, banī rɔ̄nelāĺ yāsí ní a tél rɔ̄nel̄.

MATIYE 24:22

Ré gāngə̄n̄ ta ndɔ̄ gə̄ ní kɔ̄ɔ́ aĺ anī, de kə́ yā kajə a gətóo. Banī a gāngə̄n̄ ta kɔ̄ɔ́ sɔɔ̄ń ngé gə̄ ń Nə́ɓā gə̄rādə́ ní.

PĀ GƏ̄ 125:1

Pā kə́ yā kaw̄ń kə̄ loo kə́ táĺ tə́. Ngé kəndā kemdə́ dɔ Kɔ́ɔ̄ɓē tə́ gə̄ ton̄ tītə̄ mbal̄ Siyo̰ beé. Ni yéȳ aĺ ō, ra ngándáńg ō.

PĀ GƏ̄ 59:1

Pā kə́ kem makətūbə̄ yā ngār yā gōsə̄ pā gə̄ tə́. A ə̄nīn̄ i tītə̄ loo kənī pā ī-lōō kadə̄ nujən̄neé. I pā yā Dabid kə́ yā ndóoń deē yá̰a̰. I dan ń Saul əla de gə̄ kadə̄ gāngə̄n̄ gír Dabid kújú yā tɔ̄lən ní.

PĀ GƏ̄ 58:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā ī-lōō kadə̄ nujən̄neé. I pā yā Dabid kə́ yā ndóoń deē yá̰a̰.

IJAI 10:25

Ba na̰y kum mbang i ngá̰ý aĺ yā kadə̄ wōn̄g ń rāām̄ seí ní dəba, gír wōn̄g ní a gān̄g kɔ̄ɔ́.

1 SAMUEL 24:3

Anī Saul gə̄rā go̰ rɔ̄ɔ̄ gə̄ dūbú mətá dan ngán Israel gə̄ tə́ malang, ba aw̄ sedə́ ndəle Dabid nin̄ kə deē yān gēé tə́, loo ń ra sɔɔ̄n̄ ta naā kə mbal̄ ń bə̄yā̰ kɔ̄r̄ gə̄ ran̄ tū tə́ ní tə́.

1 SAMUEL 22:1

Dabid ḭḭ noó a̰ȳ aw̄ ɓɔ̄ɔ̄ rɔ̄n bəlo mbal̄ kə́ Adulam tə́. Ngákó̰o̰n gə̄ ō de kə́ ta kújə yā bɔbə̄n tə́ gə̄ malang ō oōn̄ kōōn adə̄ aw̄n̄ gōn tə́ loo ní tə́.

Najə̄ kə́ Majə yā Jeju ń Luk ndang ní 13:34

Jerusalem, Jerusalem, ḭ̄ nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ ní kə mbalá ō, nja ngá̰ý m̄-gḛy kán̄ ngání gə̄ kə̄ naā tə́ tītə̄ kó̰o̰ kə̄njá kə́ kán̄ ngánən gə̄ gír bɔ̄gə̄n tə́, ba sḭḭ̄ ī-gḛyiī alé.

1 SAMUEL 24:8

Dabid ɔgə̄ deē yān gə̄ rɔ̄ Saul i kə najə̄ gə̄ ń noō. Saul ḭḭ dɔɔ́, ni teē kɔ̄ɔ́ kem bəlo mbalá ba un ta róbə yān.

NDŪ NAJƏ̄ 9:26

m̄-rāān ɓɔ́ m-ə́da na: Kɔ́ɔ̄ɓē Nə́ɓā, ī-lōō nujə kə gír deē yāí gə̄ ń ī-gān̄g dɔdə́ loo de kə́ bo tə́ ō, ī-teē sedə́ kɔ̄ɔ́ Ejiptə kə tɔ́gí kə́ ngá̰ý ō ní.

1 SAMUEL 24:4

Nin̄ ugə̄n̄ loo ń gong batə̄ gə̄ i tū tə́ kə gō kadə róbó ní tə́, anī Saul aw̄ ta wa tə́ kem bəlo mbal̄ kógə̄ḿ kə́ ra loo ní tə́ tə́. Ba Dabid nin̄ kə deē yān gēé ndin̄ gə́le bəlo mbal̄ ní tə́.

1 SAMUEL 26:9

Dabid əda Abisai na: Ī-lōō tɔ̄lən. Ɔ́jəń na deē a tɔ̄l̄ mban̄g kə́ Kɔ́ɔ̄ɓē ur yibə̄ ngār dɔn tə́ kanjə̄ kənge najə̄ a?

PĀ GƏ̄ 75:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā: Ī-lōō kəya̰n kadə̄ nujəń. I pā yā Asap. Pā.