PĀ GƏ̄ 54:3 - Bibəl ta Sar̄

³ Nə́ɓā, ájəm̄ kə ta kūl̄ rīí ō, ī-gān̄g sarya yāḿ kə ta kūl̄ tɔ́gí ō.

Bible sar

³ Nə́ɓā, ájəm̄ kə ta kūl̄ rīí ō, ī-gān̄g sarya yāḿ kə ta kūl̄ tɔ́gí ō.

PĀ GƏ̄ 54:3 Referans Kwoze

PĀ GƏ̄ 86:14

Nə́ɓā, de kə́ ngé gán̄g rɔ̄də́ gə̄ ənīmə̄n̄ rɔ̄ɔ̄, ɓūtə̄ de kə́ ngé rāā yá̰a̰ kə dɔ́nɔ́ gə̄ sāān̄ tɔ̄lə̄m̄, usədə́ dɔí tə́ alé.

PĀ GƏ̄ 36:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid kə́ nge kəla yā Kɔ́ɔ̄ɓē.

JA̰A̰ 16:3

A rāān̄ yá̰a̰ beé, i tɔdɔ̄ nin̄-gerə̄n̄ Bɔbə́ḿ aĺ ō, ger̄mə̄n̄ mā aĺ ō.

PĀ GƏ̄ 53:4

Nin̄ malang ndúmə̄n̄ kɔ̄ɔ́, nin̄ malang nujən̄ kɔ̄ɔ́. De kógə̄ḿ sḛ́ý dandə́ tə́ kə́ rāā yá̰a̰ kə gōó gətóo, kal kógə̄ḿ lélék gə̄gē gətóo.

PĀ GƏ̄ 40:14

Kɔ́ɔ̄ɓē, ɓɔ́ ī-gān̄g dɔḿ! Kɔ́ɔ̄ɓē, ī-reē láẃ ī-dḭḭ̄m̄!

PĀ GƏ̄ 22:16

Kem kɔ́ɔ́ḿ tutə ká kákə́rá ō, Ndo̰ḿ tə́ya̰ kem nga̰ā̰ḿ tə́ ō. Ḭ̄ ə̄nīm̄ ta bāá yo tə́.

PĀ GƏ̄ 16:8

M-á̰á̰ Kɔ́ɔ̄ɓē ta kumḿ tə́ ngándáńg. Ni i dɔ jī ko̰ḿ tə́ adə̄ m-ā m̄-ndi ngan̄g.

PĀ GƏ̄ 69:8

Tɔdɔ̄ tájə̄mə̄n̄ ō, əlan̄ rɔ̄sɔl̄ kə́ ngá̰ý dɔḿ tə́ ō. m̄-tél tə̄rā ta kum ngákó̰ó̰ḿ gə̄ tə́ ō, de kə́ deē gerə̄n alé ta kum kem kó̰o̰ madə́ḿ gə̄ tə́ ō, i najə̄ yāí ḭ̄ tə́.

PĀ GƏ̄ 20:2

Ādə̄ Kɔ́ɔ̄ɓē oō ndūí ndɔ̄ ń wur kɔl əsōń dɔí tə́ ní! Ādə̄ Nə́ɓā yā Jakob ngɔ̄mī!

PĀ GƏ̄ 43:1

Nə́ɓā, ī-gān̄g sarya yāḿ, ī-rɔ̄ɔ̄ dɔḿ tə́ ta ngé ra dɔ ndūdə́ tə́ aĺ gə̄ tə́. Ī-taām̄ jī nge gól̄ loo tə́ ō, nge rāā yá̰a̰ majaĺ tə́ ō, ə́ya̰m̄ dɔɔ́!