PĀ GƏ̄ 53:6 - Bibəl ta Sar̄

⁶ Loo ń yá̰á̰ kə́ to ɓōĺ gətóo tū tə́ anī, nin̄ a ɓōlə́n̄ i mbéé kə́ ndewn̄ yakə yakə. Tɔdɔ̄ ngé kənīī rɔ̄ɔ̄ gə̄ ní, Nə́ɓā tə́nī kə̄ngādə́ kógə̄ḿ kógə̄ḿ kə̄ loo gə̄ tə́. Ī-mbóo sedə́ tɔdɔ̄ Nə́ɓā tə̄ɓādə́ kɔ̄ɔ́.

Bible sar

⁶ Loo ń yá̰á̰ kə́ to ɓōĺ gətóo tū tə́ anī, nin̄ a ɓōlə́n̄ i mbéé kə́ ndewn̄ yakə yakə. Tɔdɔ̄ ngé kənīī rɔ̄ɔ̄ gə̄ ní, Nə́ɓā tə́nī kə̄ngādə́ kógə̄ḿ kógə̄ḿ kə̄ loo gə̄ tə́. Ī-mbóo sedə́ tɔdɔ̄ Nə́ɓā tə̄ɓādə́ kɔ̄ɔ́.

PĀ GƏ̄ 53:6 Referans Kwoze

PĀ GƏ̄ 14:7

I náā n ndi Siyo̰ nú yā tetəń rɔ̄ɔ̄ kadə̄ Israel ní? Dan ń Kɔ́ɔ̄ɓē a tél kə ngé gə̄ ń rɔ̄ gān̄gdə́ ní yā reē sedə́ dan gír deē yān gə̄ tə́ anī, Jakob a rāā walya, Israel a ndi i kə rɔ̄nelēé.

JEREMI 30:18

Najə̄ ń Kɔ́ɔ̄ɓē əda ní n toó: M-ā m̄-tél yā rāā kújə tandā gə̄ yā Jakob gogə́ rang. Kumḿ a o̰o̰m̄ kə kújə yān gēé. A télən̄ yā kəndā ɓē gə̄ kógə̄ḿ kógə̄ḿ gotədə́ kə́ kété gə̄ tə́. A télən̄ yā kəndā kújə́ kə́ majə ngá̰ý gə̄ loo radə́ gə̄ tə́.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

IJAI 14:32

De gə̄ ń Pilistin gə̄ əlan̄də́ ní, i yā tūr̄ kədadə́ na i rí? I najə̄ ń toō: I Kɔ́ɔ̄ɓē nəkɔ́ n əndā ɓē kə́ Siyo̰ ní. Yá̰á̰ kógə̄ḿ a ɔdə rɔ̄ ngé ndoō gə̄ kə́ dan gír deē yān gə̄ tə́ alé i loo ń noō tə́.

PĀ GƏ̄ 85:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā ngán Kore gə̄.

NEHEMI 12:43

Ndējə̄n̄ Kɔ́ɔ̄ɓē yá̰á̰ kə́ tun̄ gə̄ ngá̰ý ndɔ̄ ń noō tə́ ō, rɔ̄ de gə̄ nel̄də́ ō, tɔdɔ̄ Nə́ɓā rāā adə̄ rɔ̄də́ nel̄də́ ngá̰ý. Dəyá̰ gə̄ kə ngán gə̄ rāān̄ rɔ̄nel̄ ō, adə̄ de gə̄ ń ran̄ sa̰y gə̄gē ní oōn̄ kōō kɔŕ rɔ̄nel̄ kə́ kem ɓē kə́ Jerusalem tə́.

AMOS 9:14

Israel gə̄ ń i gír deē yāḿ gə̄ ní, m-ā m̄-rāādə́ kadə̄ a tél a ndin̄ tītə̄ kə́ kété. Ɓē bo kə́ nujə kɔ̄ɔ́ gə̄ ní, nin̄ a télən̄ yā rāā gogə́ ō, a télən̄ yā ndi kem ɓē bo gə̄ ní tə́ gogə́ ō. Nin̄ a əhɔn̄ kāgə̄ nduú gə̄ ō, a a̰ȳn̄ kasə nduú ō. Nin̄ a ndɔrə̄n̄ ō, a əsan̄ yá̰á̰ kə́ ndɔrɔ́ ō.

JOEL 3:1

Gō tə́ anī, m-ā m-ādə̄ Ndílə́ḿ risə dɔ de gə̄ tə́ malang. Ngáńsí kə́ dəngam gə̄ ō, ngáńsí kə́ dəyá̰ gə̄ ō, a ədan̄ najə̄ kə́ Nə́ɓā əndā tadə́ tə́ ō, nī a rāā de kə́ tɔgə ɓə́ga yāsí gə̄, ngósaa yāsí gə̄ a a̰a̰n̄ yá̰a̰.

JEREMI 31:23

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda ní n toó: Ré m̄-tél m-ə̄ndā gír deē yāḿ gə̄ kijə anī, de gə̄ a ənīn̄ pā ń toō kem ɓē gə̄ kə́ gō nang kə́ Juda tə́, a ədan̄ na: Mbal̄ kə́ táĺ ō, loo yā yá̰á̰ kə́ gōtə́ ō, ādə̄ Nə́ɓā tɔ́r̄ tan dɔí tə́.

PĀ GƏ̄ 50:2

Siyo̰ ń i ɓē kə́ majə ngá̰ý ní, Nə́ɓā ndi kemeé ndə́lē pipir.

Makətūbə̄ yā Job 42:10

Dan ń Job ndɔ̄ȳ Nə́ɓā tām̄ yā madə̄n gə̄ tə́ oy anī, Kɔ́ɔ̄ɓē rāā adə̄ ni-tél ndi majə gogə́. Yá̰á̰ ń Job ənge kété ní, Kɔ́ɔ̄ɓē rāā adə̄ ni-tél ənge gogə́ loo nja tə́ jōó.

ESDRAS 3:11

Nin̄ unən̄ pā tə́da ɔsən̄neé gɔn Kɔ́ɔ̄ɓē ō, ɓōkə́nən̄neé tɔ̄y ō ədan̄ na: Kɔ́ɔ̄ɓē i de kə́ majə, tár yān kə́ tām̄ yā Israel tə́ i táŕ kə́ ta ngóyn gətóo! Ngán Israel gə̄ urən̄ kɔĺ ngá̰ý ɔsən̄neé gɔn Kɔ́ɔ̄ɓē ō, tām̄ kəndā kə́ əndān̄ ngəra kújə yān ní tə́.

LEBI GƏ̄ 26:17

M-ā m̄-tūr̄ rɔ̄ḿ yā rɔ̄ɔ̄sí kadə̄ madə̄ ba̰ā̰sí gə̄ tetən̄sí rɔ̄ɔ̄ ō, ngé kim̄sí gə̄ a ndin̄ dɔsí tə́ ō, ā ā̰yī naā kanjə̄ kadə̄ deē ngɔ̄də̄sí ō.

LEBI GƏ̄ 26:36

Ngé kə́ dansí tə́ gə̄ ń a ndin̄ kə kumdə́ kem ɓē yā madə̄ ba̰ā̰sí gə̄ tə́ ní, m-ā m-ə́la ɓōĺ kemdə́ tə́ kadə̄ ré oōn̄ i kōō mbī kāgə̄ kə́ néĺ yéȳn gə̄gē anī, a a̰ȳn̄ i naā. Nin̄ a a̰ȳn̄ naā tītə̄ ń deē a a̰ȳń kɔ̄ɔ́ ta kaskar tə́ ní ō, a tə́sōn̄ kanjə̄ deē ngɔ̄də̄də́ ō.

Gōsə̄ najə̄ gə̄ 28:1

Deē ń rāā yá̰á̰ kə́ majaĺ ní, ká ré deē ngɔ̄dən aĺ gə̄gē anī ni a a̰ȳ i mbée. Banī de kə́ súmūú taā kem rɔ̄n mámák tītə̄ balsáa ɓɔl beé.