PĀ GƏ̄ 53:3 - Bibəl ta Sar̄

³ Nə́ɓā ndi dɔ rā̰ tə́ ba əga kumən kə̄ nang tə́ əndāń ma̰ȳ de gə̄, yā ka̰a̰ ké nge kə́rēý kumən edə̄ sḛ́ý, adə̄ a sāā Nə́ɓā wa.

Bible sar

³ Nə́ɓā ndi dɔ rā̰ tə́ ba əga kumən kə̄ nang tə́ əndāń ma̰ȳ de gə̄, yā ka̰a̰ ké nge kə́rēý kumən edə̄ sḛ́ý, adə̄ a sāā Nə́ɓā wa.

PĀ GƏ̄ 53:3 Referans Kwoze

Makətūbə̄ ń Pol ndang adə̄ Rom gə̄ ní 3:12

Nin̄ malang əya̰n̄ róbə́ kə́ gō tə́ kɔ̄ɔ́, nin̄ malang télən̄ de kə́ rim gə̄. Nge kógə̄ḿ kə́ rāā yá̰á̰ kə́ majə gətóo, kal kógə̄ḿ lélék gə̄gē gətóo.

IJAI 64:6

Deē ɓāríī to̰ alé, deē ndól̄ dɔ ɓīī tə́ yā tə́ya̰ gōí tə́ to̰ alé. Tām̄ ī-ndigə ka̰a̰jí to̰ aĺ ō, ə́yá̰jí kem jī yá̰a̰ rāājí kə́ gōtə́ aĺ gə̄ tə́ ō.

PĀ GƏ̄ 14:3

Nin̄ malang əya̰n̄ róbə́ kə́ majə kɔ̄ɔ́. Nin̄ malang i de kə́ nujə kɔ̄ɔ́ gə̄. De kógə̄ḿ dandə́ tə́ kə́ rāā yá̰a̰ kə gōó beē gətóo.

IJAI 53:6

Kété ní jḭḭ̄ malang jə-toī i tītə̄ batə̄ gə̄ kə́ tadə́ tḭ̄ḭ̄ kɔ̄ɔ́ beē, náā nəkɔ́ ɓáa un i róbə yān nəkɔ́. Ba Kɔ́ɔ̄ɓē tél kə yá̰a̰ rāājí jḭḭ̄ malang kə́ gōtə́ aĺ gə̄ əndā i dɔn ni tə́.

3 JA̰A̰ 1:11

Kó tár yāḿ, ī-lōō ndájə̄ yá̰á̰ kə́ majaĺ, ba ī-ndájə̄ yá̰á̰ kə́ majə. Deē ń rāā yá̰á̰ kə́ majə ní, ni i deē yā Nə́ɓā. Banī deē ń rāā yá̰á̰ kə́ majaĺ ní, a̰a̰ Nə́ɓā alé.

JEJU TEĒ KUM JA̰A̰ 22:11

Adə̄ de kə́ nge rāā yá̰a̰ gōtə́ aĺ kə na̰y kə̄ loo rāā yá̰á̰ kə́ gōtə́ aĺ tə́ kə̄ non tə́ ō, de kə́ yḛr kə na̰y kə̄ loo rāā yá̰á̰ kə́ yḛr tə́ kə̄ non tə́ ō, de kə́ nge rāā yá̰á̰ kə́ gōtə́ kə na̰y kə̄ loo rāā yá̰á̰ kə́ gōtə́ tə́ kə̄ non tə́ ō, deē ń ɔr̄ rɔ̄n tayā tām̄ yā Nə́ɓā tə́ ní, kə na̰y kə̄ loo kɔr̄ rɔ̄n tayā tə́ tām̄ yā Nə́ɓā tə́ kə̄ non tə́ ō.

1 JA̰A̰ 2:29

Ré ī-gerī kadə̄ ni i de kə́ gōtə́ anī, náā nəkɔ́ ń rāā yá̰á̰ kə́ gōtə́ ní, i de kə́ Nə́ɓā ojən.

2 KORḚNTƏ 7:1

Kó tár yāḿ gə̄, dan ń Nə́ɓā ənī míndən beé adə̄jí ní, ādə̄ jə-tə́goī yá̰a̰ malang ń rāā dā̰ rɔ̄jí ō, ndíĺjí ō, adə̄ télən̄ yá̰á̰ kə́ yḛr gə̄ ní kɔ̄ɔ́, kadə̄ j-unjīneé njáý njáý. Adə̄ jə-tɔ̄lī ta kɔr̄ kam̄ rɔ̄ yājí kə ɓōĺ ndíĺ Nə́ɓāá.

SOPONI 1:6

Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰

Makətūbə̄ yā Job 15:16

Anī deē ndul ń i yá̰á̰ kə́ to yēńg ō, nujə kɔ̄ɔ́ ō, rāā yá̰á̰ kə́ gōtə́ aĺ láẃ ngá̰ý tītə̄ loo ka̰ȳ man̄ beé ō ní, yān i kə́ to ráá aĺ a?

2 SAMUEL 20:2

Loo ń noō tə́ Israel gə̄ malang mbātə́n̄ Dabid ba ndigən̄ Seba ngōn̄ Bikri. Banī Juda gə̄ əhɔn̄ gō mban̄g yādə́. Nin̄ ḭḭn̄ seneé bā Jurdḛ tə́ bátə́ ugə̄n̄ seneé Jerusalem.