PĀ GƏ̄ 51:9 - Bibəl ta Sar̄

⁹ Ɔ̄r̄ yá̰á̰ kə́ majaĺ ń m̄-rāā ní kɔ̄ɔ́, anī m-ā m-ūnjə̄ njáý njáý. Ī-tə́gom̄, anī m-ā m̄-ndaa yā tɔȳ búy kūbə̄.

Bible sar

⁹ Ɔ̄r̄ yá̰á̰ kə́ majaĺ ń m̄-rāā ní kɔ̄ɔ́, anī m-ā m-ūnjə̄ njáý njáý. Ī-tə́gom̄, anī m-ā m̄-ndaa yā tɔȳ búy kūbə̄.

PĀ GƏ̄ 51:9 Referans Kwoze

JEREMI 16:17

Tɔdɔ̄ m-ə̄ndā kumḿ dɔ róbə njə̄rādə́ gə̄ tə́ malang. Nin̄ ton̄ loo ɓɔ̄ɔ̄ rɔ̄ tə́ ta kumḿ tə́ aĺ ō, yá̰á̰ kə́ gōtə́ aĺ yādə́ a to ta kumḿ tə́ ngándáńg ō.

KOLOSƏ 2:14

Makətūbə̄ ń ndangən̄ dɔjí tə́ sɔɔ̄ń rāā kə́ jə-rāāī gō míndə gə̄ aĺ ní, ni-nujə makətūbə̄ ní kɔ̄ɔ́ tū kāgə̄ kə́ dēsə́ tə́.

IJAI 38:17

Rɔ̄nel̄ aĺ yāḿ kə́ ngá̰ý tél i rɔ̄nel̄. A̰á̰ā̰, ḭ̄ ī-rāā adə̄ m̄-teē ta yo tə́ sɔɔ̄ń tár yāí. Majaĺ yāḿ gə̄ malang ní, ḭ̄ ī-ɓōkə́də́ gidií tə́ sa̰y kɔ̄ɔ́.

PĀ GƏ̄ 51:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

TƏ́DA 19:18

De kə́ yḛr alé a un kámbə isopə yā kəla kum man̄ ní tə́, ba a sə̄kā dɔ kújə tandā ń deē oy kemeé tə́ ní ō, dɔ yá̰a̰ malang kə́ kemeé tə́ ō, dɔ de gə̄ kə́ kemeé tə́ ō, aĺ anī a sə̄kā dɔ deē ń ɔdə kə̄ngā de kə́ koy, aké nīń de kə́ tɔ̄l̄nən̄, aké nīń de kə́ oy yo kə́ karī, aké dɔ ɓádə deē tə́ ní.

Makətūbə̄ yā Job 9:30

Ká ré m̄-ndogə̄ń i man̄ kə́ unjə̄ njáý njáý gə̄gē, aláa m̄-tə́goń jīḿ i kə sabūn̄ katāá gə̄gē anī,

IJAI 1:18

Kɔ́ɔ̄ɓē əda na: Ī-reēī ādə̄ jə-tɔ́tī naā dɔ najə̄ tə́. Ká ré majaĺ yāsí gə̄ kərēnəń i tītə̄ mósə gə̄gē anī, a télə́n̄ yā ndaa tītə̄ néjə beé ō, ré kərēn̄ i tītə̄ hor anī, a télən̄ yā ndaa tītə̄ búy kūbə̄ beé.

EJEKIEL 36:25

M-ā m̄-ɓōkə́ man̄ kə́ unjə̄ njáý njáý dɔsí tə́, adə̄ sḭḭ̄ ā ūnjī njáý njáý. M-ā m̄-tə́gó yá̰á̰ kə́ yḛr gə̄ ń sḭḭ̄ ī-rāāī tām̄ yā nə́ɓā kə́ rɔ̄kum aĺ gə̄ tə́ ní kɔ̄ɔ́ rɔ̄sí tə́ kadə̄ ā ūnjī njáý njáý. M-ā m-ādə̄sí ngarā̰ kem kə́ kijə. M-ā m-ə̄ndā ndíĺ kə́ kijə kemsí tə́. M-ā m-ɔ̄r̄ kemsí kə́ ngan̄g tītə̄ mbal̄ kɔ̄ɔ́, ba m-ā m-ādə̄sí kem kə́ to dā̰