PĀ GƏ̄ 51:4 - Bibəl ta Sar̄

⁴ Yá̰á̰ kə́ gōtə́ aĺ n m̄-rāā ní ī-tə́go kɔ̄ɔ́ malang. Ɔ̄r̄ majaĺ yāḿ kɔ̄ɔ́ ādə̄ m-ūnjə̄ njáý njáý.

Bible sar

⁴ Yá̰á̰ kə́ gōtə́ aĺ n m̄-rāā ní ī-tə́go kɔ̄ɔ́ malang. Ɔ̄r̄ majaĺ yāḿ kɔ̄ɔ́ ādə̄ m-ūnjə̄ njáý njáý.

PĀ GƏ̄ 51:4 Referans Kwoze

Najə̄ kə́ Majə yā Jeju ń Luk ndang ní 15:21

Loo ń noō tə́ ngōn̄ ní əda bɔbə̄n na: Bɔbə́ḿ, m̄-rāā yá̰á̰ kə́ majaĺ kə Nə́ɓāá ō, seí ḭ̄ḭ́ ō. Adə̄ m̄-ndetə kadə̄ ā ī-ɓārə́m̄ ngōn̄ kemií to̰ alé.

Makətūbə̄ ń Pol ndang adə̄ Rom gə̄ ní 3:4

I tītə̄ ń noō alé. Tɔdɔ̄ ká ré de gə̄ malang i ngé sor̄ gə̄ gə̄gē anī, Nə́ɓā i nge kəda najə̄ kə́ rɔ̄kum ngándáńg, tītə̄ ń makətūbə̄ yān ədań ní. Ndangən̄ na: Ḭ̄ Nə́ɓā ḭ̄ i de kə́ súmūú kem najə̄ kɔrīí gə̄ tə́, adə̄ ré de gə̄ ɔsənī rāā yá̰á̰ kə́ gō tə́ aĺ gə̄gē anī, najə̄ a əhɔdə́.

TA KƏLA 39:9

Ni na i de kə́ bo tɔȳn kem kújə́ ń toō tə́ aĺ ō, na ɔgə̄n rāā yá̰á̰ kógə̄ḿ aĺ ō, ngá̰ý a na i ni kə́ nə̄yá̰n nəkɔ́ n na adə̄n aĺ noō ngóý tá. Ní, kə n-rāā yá̰á̰ kə́ to yḛr beé yā rāań majaĺ ta kum Nə́ɓā yān tə́ ké i ba̰ý wa.

TA KƏLA 20:6

Kem nī nəkɔ́ kə́ kógə̄ḿ beē ń noō tə́, Nə́ɓā tél əda Abimelek na: Mə̄kɔ́ m̄-ger̄ kadə̄ yá̰á̰ ń ī-rāā ní i kə kem kə́ unjə̄ njáý njáý ō, i mə̄kɔ́ n m-ə́hɔī gotoó m-ɔ̄gī rāā yá̰á̰ kə́ majaĺ seḿ ní ō. I tām̄ ń noō tə́ n m-ə́ya̰ī adə̄ ɔ́dəń rɔ̄n aĺ ní.

JEJU TEĒ KUM JA̰A̰ 16:5

Anī de kə́ dɔ rā̰ tə́ ń əndānən̄ dɔ man̄ gə̄ tə́ ní ɔr̄ najə̄ adə̄ m-ōō, əda na: Ḭ̄ ń ī-ndi ngɔlaā ō, ī-ndi kété ō, ī-to kadə̄ deē ɓōĺ ndílí ō rɔyī ō ní, ḭ̄ i de kə́ gōtə́, tām̄ ī-gān̄g sarya dɔ yá̰a̰ gə̄ ń toō tə́.

JAKƏ 2:9

Banī ré ī-rāāī yá̰a̰ kə gō ger̄ ta kum de gēé anī, ī-rāāī i majaĺ ō, ī-mānī i dɔ ndū najə̄ adə̄ ni-gān̄g sarya dɔsí tə́ ō.

Makətūbə̄ ń Pol ndang adə̄ Rom gə̄ ní 2:5

Ba dɔ ngan̄g yāí ń noō ō, kem ngan̄g yāí ń ā ī-tūrəń hálí aĺ noō ō, a bə̄gān̄ wōn̄g dɔí tə́ ndɔ̄ wōn̄g ń Nə́ɓā nəkɔ́ a ɔjəń sarya yān kə́ gō tə́ kə̄ ndágá wáńg tə́ ní.

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

Najə̄ kə́ Majə yā Jeju ń Luk ndang ní 7:29

De gə̄ malang ō, ngé taā lambóo gə̄ ō, oōn̄ najə̄ yān, ba ədan̄ na najə̄ i yā Nə́ɓā, adə̄ nin̄-dəjen̄ kadə̄ Ja̰a̰ rāādə́ batém.

PĀ GƏ̄ 50:6

Ādə̄ dɔ rā̰ ənī mbēr̄ əda na: Kɔ́ɔ̄ɓē i de kə́ gōtə́, i ni n i Nə́ɓā kə́ nge gān̄g sarya ní.

PĀ GƏ̄ 50:4

Nə́ɓā ɓāŕ dɔ rā̰ dɔɔ́ nú ō dɔ nang ō kadə̄ reēn̄ kum sarya yā gír deē yān gə̄ tə́.

2 MBAN̄G 21:6

Róō ngōnən kə́ dəngam horoó adə̄ ɓesə̄ ō, rāā kəga kə́ tayā tayā gə̄ ō, aw̄ ndḛḛ̄ sāá rɔ̄ kɔdə̄ sāā gə̄ tə́ ō. To dan rāā yá̰á̰ kə́ majaĺ ta kum Kɔ́ɔ̄ɓē tə́ kə̄ non tə́ adə̄ń Kɔ́ɔ̄ɓē wōn̄g.

2 MBAN̄G 17:17

Ngáńdə́ kə́ dəngam gə̄ ō, kə́ dəyá̰ gə̄ ō ní, nin̄ róōn̄də́ horoó. Ndḛḛ̄n̄ sāā ō, ōōn̄ ta kɔdə̄ sāā gə̄ ō, rāān̄ yá̰á̰ kə́ majaĺ ta kum Kɔ́ɔ̄ɓē tə́ bátə́ adə̄ wōn̄g rāān ō.

LEBI GƏ̄ 5:19

Nge ń noō i yá̰á̰ kə́ tun̄ yā kəgāń kə̄rā yá̰á̰ kə́ gōtə́ aĺ, tɔdɔ̄ najə̄ i mbo̰ō̰ deē ní tə́ kə Kɔ́ɔ̄ɓē rɔ̄kum.

TA KƏLA 9:6

Deē ń ɓōkə́ mósə deē nang tə́ ní, gáŕ kadə̄ i deē n a ɓōkə́ mósə deē ń noō nang tə́ ō ní, tɔdɔ̄ Nə́ɓā əndā deē adə̄ teēn.

JEJU TEĒ KUM JA̰A̰ 19:11

Gō tə́ anī m-á̰a̰ dɔ rā̰ ra kə wōyōó, anī sə́ndá kə́ ndaa teē. Ba deē ń ndi gidən tə́ ní, rīn na i nge ra dɔ ndūn tə́ ō, kə́ rɔ̄kum ō. Ni a gān̄g sarya ō, a rɔ̄ɔ̄ ō, i kə gō róbə́ kə́ gōtə́.

JAKƏ 2:11

Tɔdɔ̄ nge ń əda na kə ī-rāȳ aĺ ní əda to̰ na kə ī-tɔ̄l̄ deē aĺ ō. Adə̄ ré ī-rāȳ aĺ ba ī-tɔ̄l̄ deē anī, ī-tél i nge mān̄ dɔ ndū najə̄ gə̄ tə́.

TA KƏLA 38:7

Nel̄ Kɔ́ɔ̄ɓē kə Er alé, tɔdɔ̄ ni i de kə́ nge kem ndul, adə̄ Kɔ́ɔ̄ɓē rāā adə̄ oy.

IJAI 43:25

Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.