PĀ GƏ̄ 51:3 - Bibəl ta Sar̄

³ Nə́ɓā, á̰a̰ kum to ndoō yāḿ sɔɔ̄ń ndūí ń ə̄nī ní! Ḭ̄ nge ka̰a̰ kum tō ndoō yā de gə̄, ɔ̄r̄ yá̰á̰ kə́ gōtə́ aĺ yāḿ gə̄ ń m̄-rāā ní kɔ̄ɔ́.

Bible sar

³ Nə́ɓā, á̰a̰ kum to ndoō yāḿ sɔɔ̄ń ndūí ń ə̄nī ní! Ḭ̄ nge ka̰a̰ kum tō ndoō yā de gə̄, ɔ̄r̄ yá̰á̰ kə́ gōtə́ aĺ yāḿ gə̄ ń m̄-rāā ní kɔ̄ɔ́.

PĀ GƏ̄ 51:3 Referans Kwoze

IJAI 59:12

A̰á̰ā̰, Kɔ́ɔ̄ɓē, jə-mbātə́ taí ngándáńg. Majaĺ yājí gə̄ sekə́n̄jí. Jə-gír̄ dɔ kəsō wōn̄g yājí gə̄ tə́ kanjə̄ dəba, yá̰a̰ rāājí kə́ gōtə́ aĺ gə̄ ní jə-ger̄ majə.

Gōsə̄ najə̄ gə̄ 28:13

De kə́ nge ɓɔ̄ɔ̄ dɔ yá̰a̰ rāān kə́ gōtə́ aĺ gə̄ i de kə́ a teē deē alé, banī deē ń ɔjə yá̰a̰ rāān kə́ gōtə́ aĺ gə̄ kə́ ndágá wáńg ō, lōō gír rāā tə́ ō ní, a a̰a̰n̄ kum tō ndoō yān.

PĀ GƏ̄ 38:18

Na̰y i ngɔr kadə̄ m̄-ūr̄ wak ō, rɔ̄ḿ tōrə̄m̄ tōr̄ kə́ dan gān̄g aĺ ō.

PĀ GƏ̄ 32:5

Yá̰á̰ kə́ majaĺ ń m̄-rāā ní m-ə́daī wáńg. Yá̰á̰ kə́ gōtə́ aĺ ń m̄-rāā ní m̄-mundī alé. M-ə́da na: M-ā m-ɔ́jə́ Kɔ́ɔ̄ɓē yá̰á̰ kə́ majaĺ gə̄ ń m̄-rāā ní. Anī ḭ̄ ún majaĺ yāḿ ń oym̄ ní dɔḿ tə́ kɔ̄ɔ́.

JEREMI 3:25

Ādə̄ jə-laaī kemjí nang tə́ kə rɔ̄sɔlɔ̄ɔ́, ādə̄ yá̰á̰ kə́ to rɔ̄sɔl̄ yājí taā loo dɔjí tə́, tɔdɔ̄ jə-rāāī yá̰á̰ kə́ gōtə́ aĺ kə Kɔ́ɔ̄ɓē Nə́ɓā yājí, jḭḭ̄ ō, bɔbə̄jí gə̄ ō, i kə ngōn̄ dūújí nú bátə́ ɓōólaā. Jə-mbātíī koō ndū Kɔ́ɔ̄ɓē Nə́ɓā yājí kɔ̄ɔ́.

PĀ GƏ̄ 40:12

Ḭ̄ Kɔ́ɔ̄ɓē, kumií a o̰o̰ī tām̄ yāḿ tə́. Kem majə yāí ō, najə̄ kə́ rɔ̄kum yāí ō, a ngɔ̄mə̄mə̄n̄ kə ndɔ̄ gə̄.

Makətūbə̄ yā Job 33:27

Ni-ənī pā ta kum de gə̄ tə́ malang əda na: Kété ní m̄-rāā yá̰a̰ gōtə́ alé, m̄-ɓōĺ ndū najə̄ gə̄ alé. Banī Nə́ɓā rāā háĺ kə́ tītə̄ yāḿ mā alé.

NEHEMI 9:2

Nin̄ ɔrə̄n̄ rɔ̄də́ kɔ̄ɔ́ rɔ̄ tə̄rā gə̄ tə́ ba ndin̄ kə kérdə́ ō, ɔrə̄n̄ gír majaĺ yādə́ gə̄ ō, gíŕ yá̰á̰ kə́ gōtə́ aĺ gə̄ ń kaadə́ gə̄ rāān̄ ní ō.

PĀ GƏ̄ 41:5

Mā m-ə́da na: Kɔ́ɔ̄ɓē, m̄-rāā majaĺ seí rɔ̄kum, ba á̰a̰ kum tō ndoō yāḿ, ī-rāā ādə̄ rɔ̄ḿ ngan̄g.

IJAI 43:25

Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.