Biblia Todo Logo
Bib sou entènèt

- Piblisite -




PĀ GƏ̄ 51:1 - Bibəl ta Sar̄

1 Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

Gade chapit la Kopi

Bible sar

1 Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid.

Gade chapit la Kopi




PĀ GƏ̄ 51:1
31 Referans Kwoze  

I beé ní ī-tūrī háĺsí ō, ī-tūrī rɔ̄sí kə̄ rɔ̄ Nə́ɓā tə́ ō, ādə̄ ni-ɔr̄ yá̰á̰ kə́ majaĺ gə̄ ń ī-rāāī ní kɔ̄ɔ́.


m̄-rāā adə̄ yá̰a̰ rāāí kə́ gōtə́ aĺ gə̄ gətóon̄ kɔ̄ɔ́ tītə̄ loo rāā kadə̄ kil̄ man̄ gətóo kɔ̄ɔ́ beē. m̄-rāā adə̄ majaĺ yāí gə̄ gətóon̄ kɔ̄ɔ́ tītə̄ kə́ tuútu kə́ dəloí beē. Ī-tél ī-reē kə̄ rɔ̄ḿ tə́, na mā i nge gān̄g dɔí.


Tá i mā, a̰á̰ā̰, i mā n i nge mā̰ȳ rɔ̄ḿ dɔ yá̰a̰ rāāí gə̄ kə́ gōtə́ aĺ tə́ ní, i tɔdɔ̄ i mə̄kɔ́ n m̄-ndigə ō, a əga kemḿ dɔ tə́ to̰ aĺ ō.


Ɔ̄r̄ yá̰á̰ kə́ majaĺ ń m̄-rāā ní kɔ̄ɔ́, anī m-ā m-ūnjə̄ njáý njáý. Ī-tə́gom̄, anī m-ā m̄-ndaa yā tɔȳ búy kūbə̄.


Makətūbə̄ ń ndangən̄ dɔjí tə́ sɔɔ̄ń rāā kə́ jə-rāāī gō míndə gə̄ aĺ ní, ni-nujə makətūbə̄ ní kɔ̄ɔ́ tū kāgə̄ kə́ dēsə́ tə́.


Ādə̄ katə man̄ aw̄ seḿ alé, ādə̄ bəlo kə́ lú ngá̰ý urəm̄ kemən tə́ alé, ādə̄ bāá ɓádə ɔr tan dɔḿ tə́ alé!


Ndɔ̄ kógə̄ḿ tə́ loo sɔlí dan ń Dabid ɔr̄ koō oy anī, ḭḭ dɔ tə̄rá yān tə́ ba aw̄ njə̄rā dɔ kújə́ dúŕ dur yā mban̄g tə́. Ni-ra dɔ kújə́ ní tə́, anī a̰a̰ dəyá̰ kógə̄ḿ loo ndogə̄ man̄ tə́. Dəyá̰ ní mandə ngá̰ý.


Əga kemən dɔ madə̄ naā ń ni-əhɔ sedə́ ní tə́, anī lōō gíŕ yá̰á̰ ń sāā rāā ní tə́, sɔɔ̄ń kem majə yān kə́ ngá̰ý.


Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. A dānə̄n̄ gō i kə kəndeé.


Ká ré ni-rāā deē adə̄ rɔ̄n tōrə̄n gə̄gē anī, kumən o̰o̰n seneé sɔɔ̄ń kem majə yān kə́ ngá̰ý.


Ī-rāā majə seḿ sɔɔ̄ń kem majə yāí ō, ī-ndóōm̄ yá̰a̰ gə̄ ń ī-ndang kadə̄ yā rāā ní ō.


Banī ḭ̄ Kɔ́ɔ̄ɓē Nə́ɓā yāḿ, ī-rāā yá̰a̰ tām̄ yāḿ tə́, najə̄ yā rīí tə́, tām̄ kem majə yāí i ngá̰ý. Ī-gān̄g dɔḿ!


m̄-ɓɔ̄ɔ̄ dɔ yá̰a̰ rāāí kə́ gōtə́ kemḿ tə́ alé. M-ə́da na: Ḭ̄ i de kə́ rɔ̄kum ō nge kajə deē ō. m̄-ɓɔ̄ɔ̄ dɔ kem majə yāí ō najə̄ kə́ rɔ̄kum yāí ō, dan ngé kán̄ naā kə́ ngá̰ý gə̄ tə́ alé.


Ḭ̄ i nge rāā kadə̄ ngé kɔr̄ najə̄ kə́ sor̄ gə̄ oyn̄. De kə́ nge gól̄ de gə̄ ō, ɓōkə́ mósə de gə̄ nang tə́ ō ní nel̄ Kɔ́ɔ̄ɓē seneé aĺ bátə́.


Kété dan ń kaají gə̄ ndin̄ Ejiptə tə́ ní, nin̄ gerə̄n̄ kum yá̰á̰ kə́ yáā gə̄ yā Kɔ́ɔ̄ɓē alé. Kem majə ń ni-rāā sedə́ nja ngá̰ý ní dɔdə́ ndígə̄nal kɔ̄ɔ́. Nin̄ mbātə́n̄ najə̄ taí tə́ kadə bā bo tə́, bā tə̄ɓā gə̄ tə́.


De kə́ ndágə loo kə́ kem ɓēé tə́ gə̄ a ɔrə̄n̄ i najə̄ yāḿ mā ō, ngé kasə rāā gə̄ a ənīn̄ pā i seḿ māá ō.


Kum ko̰o̰ ō, mā̰ȳ rɔ̄ ō, i yá̰a̰ yā Kɔ́ɔ̄ɓē Nə́ɓā yājí tām̄ jə-mbātə́ tan ō,


Kɔ́ɔ̄ɓē, ī-ndi dɔɔ́ dɔ rā̰ tə́ a̰a̰ń loo. Ī-ndi loo kə́ táĺ tə́ ō, kə́ majə ngá̰ý tə́ ō á̰a̰ń yá̰á̰ ń rāājí ní. Tár yāí ń a o̰ō̰ī kə́ hor tə́ tām̄ yājí tə́ ní n to rá? Tɔ́gí n to rá? J-a̰a̰ rāā kə́ ī-rāā tɔdɔ̄jí to̰ aĺ ō, kem majə yāí kə́ tām̄ yājí tə́ to̰ aĺ ō.


m̄-ndigə ter̄ kem de gə̄ dɔ rāā majə gə̄ yā Kɔ́ɔ̄ɓē tə́, dɔ kum kənī pā tɔ̄ȳ yān tə́: Yá̰a̰ malang ń Kɔ́ɔ̄ɓē rāā tām̄ yājí tə́ ní, kem majə yān kə́ ngá̰ý kə́ tām̄ yā gír de gə̄ yā Israel tə́, yá̰a̰ malang ń ni-rāā kə ta kūl̄ táŕ ní ō, rāā majə yān gə̄ ń gír i ngá̰ý ní ō.


Kɔ́ɔ̄ɓē i nge rāā majə kə de gēé malang. Ni tár de gə̄ malang ń ni rāādə́ ní.


A rāā kem majə sejí to̰ aĺ i kə́ bátə́ gə̄ tə́ a? A ədají najə to̰ aĺ i kə́ njɔ́ḿ gə̄ tə́ a?


Ɓɔ́ Nə́ɓā yāḿ, ī-nēl̄ mbīí ōoń! Ī-teē kumií ba á̰a̰ loo yājí kə́ nujə sák sák gə̄ ō, á̰a̰ ɓē ń rīí ɓār̄ dɔ tə́ ní ō! tɔdɔ̄ jə-rāāī ɓɔ́ i kə ta kūl̄ yá̰a̰ rāājí kə́ gōtə́ gə̄ alé, ba i tām̄ kum ko̰ yāí kə́ ngá̰ý tə́.


Madə̄ ba̰ā̰jí gə̄ ədan̄ yādə́ na: A gerə̄n̄ gōjí aĺ ō, a a̰a̰n̄jí aĺ ō, bátə́ kadə̄ j-ugīīneé dandə́ tə́. Loo ń noō tə́ j-a jə-tɔ̄līdə́ ō, j-a jə-bāāī ta kəla ō.


Ḭ̄ Kɔ́ɔ̄ɓē ḭ̄ ī-ger̄ najə̄ kə́ asə yoḿ gə̄ malang ń tétə̄n̄ dɔḿ tə́ ní majə. Ɔ̄r̄ yá̰á̰ kə́ gōtə́ aĺ yādə́ ń rāān̄ ní kɔ̄ɔ́ alé. Ādə̄ majaĺ yādə́ gə̄ ń rāān̄ ta kumií tə́ ní gotə to karī alé. Ādə̄ tə́sōn̄ nang tə́ ta kumií tə́. Dan ń wōn̄g yāí a ḭḭ seí ní ɔ́jə́də́ kum.


Swiv nou:

Piblisite


Piblisite