PĀ GƏ̄ 50:3 - Bibəl ta Sar̄

³ Ādə̄ Nə́ɓā yājí reē ba ndi tan mbóo alé! Hor kógə̄ḿ a o̰o̰ loo kété non tə́ ō, néĺ kə́ ngan̄g ngá̰ý əla kə gō gidəneé ō.

Bible sar

³ Ādə̄ Nə́ɓā yājí reē ba ndi tan mbóo alé! Hor kógə̄ḿ a o̰o̰ loo kété non tə́ ō, néĺ kə́ ngan̄g ngá̰ý əla kə gō gidəneé ō.

PĀ GƏ̄ 50:3 Referans Kwoze

DANIEL 7:10

Hor kógə̄ḿ kə́ to tītə̄ bā beé a əɓa non tə́ ō, a nūgə́ non tə́ ō. De gə̄ dūbú nja dūbú ra a rāān̄ kəla yān. De gə̄ dūbú kutə nja dūbú kutə ran̄ non tə́. Sarya əla gír adə̄ teēn̄ makətūbə̄ gə̄.

TƏ́DA 16:35

De kə́ ɓú jōó kə kutə mí gə̄ ń ra a ndējə̄n̄ kajaja ní, Kɔ́ɔ̄ɓē adə̄ hor kógə̄ḿ teē róōdə́ malang.

LEBI GƏ̄ 10:2

Ta anī hor teē rɔ̄ Kɔ́ɔ̄ɓē tə́ o̰o̰də́ adə̄ oyn̄ ta kum Kɔ́ɔ̄ɓē tə́.

MATIYE 3:12

Yá̰á̰ tóó yá̰a̰ i jīn tə́. Ni a ɔr̄ njár̄ kōō tayā ō, a ɔr̄ təsá kōō tayā ō. Ni a ɔy njár̄ kōō yān kə́ kem gárāá kə̄ mō̰yō̰ó̰, ba təsán tá a róō kum hor kə́ a oy aĺ bátə́ tə́.

JEJU TEĒ KUM JA̰A̰ 22:20

Deē ń əda na yá̰a̰ malang ń noō i rɔ̄kum ní əda na: A̰á̰ā̰, m-ā m̄-reē ngɔr. Adə̄ i tītə̄ ń noō! Kɔ́ɔ̄ɓē Jeju, ī-reē!

HEBƏRO 12:29

Tɔdɔ̄ Nə́ɓā yājí i hor kə́ a o̰o̰ yá̰a̰.

HABAKUK 3:5

Mo̰y ngāl̄bɔ̄gīí kógə̄ḿ njə̄rā kété non tə́ ō, moy gajə kógə̄ḿ kə́ a əla hor dɔ deē tə́, njə̄rā gōn tə́ ō.

PĀ GƏ̄ 96:13

ta kum Kɔ́ɔ̄ɓē tə́ tā, tɔdɔ̄ ni a reē i mbée, a reē i kə̄ ko̰o̰ ɓē tə́ dɔ nang tə́. Ni a o̰o̰ ɓē dɔ de kə́ dɔ nang tə́ gə̄ tə́ i kə gōó ō, dɔ gír de gə̄ tə́ i kə hálən kə́ súmūú ō.

PĀ GƏ̄ 83:1

Pā yā Asap.

PĀ GƏ̄ 68:20

Ādə̄ de gə̄ tɔ̄ȳn̄ Kɔ́ɔ̄ɓē kə ndɔ̄ gə̄! Nə́ɓā ngeé ń toō tetə rɔ̄ɔ̄ adə̄jí.

PĀ GƏ̄ 50:21

Yá̰á̰ ń ī-rāā ní n noó ō, kə m-ə́da najə̄ aĺ ō a? Ɔ́jəń na mā m̄-to tītīí a? m-ə̄ndā najə̄ dɔí tə́! Yá̰a̰ malang ń ī-rāā ní m-ā m̄-ɓōkə́də́ ndágá ta kumií tə́.

PĀ GƏ̄ 48:14

Á̰a̰ī ndogə̄ mbal̄ kə́ gidə tə́ gə̄ majə. Ī-tə́daī kutə loo kə́ ngan̄g ngan̄g kə́ tū tə́ gə̄ majə ī-gerī, kadə̄ ə́daīneé ngé kə́ ndɔ̄ń tə́ gə̄ gotə.

NDŪ NAJƏ̄ 9:3

Ɓōólaā ā ī-gerī kadə̄ i Kɔ́ɔ̄ɓē Nə́ɓā yāsí n i nge njə̄rā nosí tə́ tītə̄ hor kə́ a o̰o̰ loo ní. I ni n i nge tə̄ɓā ngán Anak gə̄ kɔ̄ɔ́ nosí tə́ ō, nge kəla dɔdə́ gíŕ tɔ́gə́sí tə́ ō ní. Ā ī-táāī ɓē yādə́ gə̄ ō, ā ī-nujiī sedə́ kɔ̄ɔ́ malang kanjə̄ kɔr bā̰ā̰ tītə̄ ń Kɔ́ɔ̄ɓē ənīń míndən adə̄sí ní ō.

Teē Ngán Israel gə̄ 19:18

Dɔ mbal̄ Sinai i sa hor malang, tɔdɔ̄ Kɔ́ɔ̄ɓē risə reē dɔ tə́ kum hor tə́. Sa hor ní əɓa luk luk tītə̄ sa hor nə́ngā katə̄ beé ō, mbal̄ ndebə ngin ngin ō.

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

IJAI 35:4

Ngé gə̄ ń tɔ́gə́də́ ur̄ wak kɔ̄ɔ́ ní, ə́daīdə́ na: Ādī tɔ́gə́sí to! Ī-lōōī ɓōĺ! Nə́ɓā yāsí n toó. Ni-reē i dal ba̰ā̰sí tə́ ō, i rāā madə̄ ba̰ā̰sí gə̄ yá̰á̰ kə́ majaĺ ń nin̄ rāān̄ sesí ní tə́ ō, nəkɔ́ reē i kajəsí tə́ ō.

EJEKIEL 1:4

Yá̰á̰ ń m-á̰a̰ā̰ ní n toó: Néĺ kógə̄ḿ kə́ bo ḭḭ dām̄ mbɔ́r ɓē kə́ ko̰ó̰ tə́ a reē kə kil̄ man̄ kə́ il̄ ngá̰ý ō, tel̄ man̄ gə̄ teēn̄ tū kil̄ man̄ ní tə́ ō. Loo kə́ unjə̄ kow gīr̄ gidə kil̄ man̄ ní. Banī ngaadan kil̄ man̄ ní i hor kə́ a o̰o̰ ō, ndə́lē tītə̄ lɔ́ŕ kə́ kəla horoó adə̄ kərē beé ō.