PĀ GƏ̄ 50:2 - Bibəl ta Sar̄

² Siyo̰ ń i ɓē kə́ majə ngá̰ý ní, Nə́ɓā ndi kemeé ndə́lē pipir.

Bible sar

² *Siyo̰ ń i ɓē kə́ majə ngá̰ý ní, Nə́ɓā ndi kemeé ndə́lē pipir.

PĀ GƏ̄ 50:2 Referans Kwoze

PĀ GƏ̄ 80:1

Pā kə́ kem makətūbə̄ yā ngār yā gōsə̄ pā gə̄ tə́. A dānə̄n̄ gō i kə kəndeé. I pā kə́ kadə̄ əgań kem deē dɔ yá̰á̰ kə́ rāā yá̰á̰ tə́. I pā yā Asap.

PĀ GƏ̄ 48:2

Kɔ́ɔ̄ɓē i de kə́ bo, ɓōkə́nən̄ tɔ̄ȳ asə ta tə́ kem ɓē yā Nə́ɓā yājí tə́, dɔ mbal̄ yān kə́ táĺ tə́.

JEJU TEĒ KUM JA̰A̰ 21:23

Ɓē ní sāā i mbang ō nāā ō tá kadə̄ loo unjə̄ń kemeé alé. Tɔdɔ̄ kɔsə gɔn yā Nə́ɓā rāā adə̄ loo unjə̄ kow kemeé ō, lámbá kə́ kemeé i Ngōn̄ Batə̄ ō.

JEJU TEĒ KUM JA̰A̰ 1:16

Tə́yō̰ gə̄ sīrí i jī ko̰n tə́ ō, kəyā kə́ tan lēmbə́ ba atə dām̄ jōó teē tan tə́ ō, ta kumən ndə́lē tītə̄ mbang kə́ dan kadə ndaá beē ō.

NDŪ NAJƏ̄ 33:2

Kɔ́ɔ̄ɓē ḭḭ i mbal̄ kə́ Sinai tə́ n reē ní. Ni-əɓa tītə̄ mbang beé dām̄ kə́ Seir tə́. Ni-ra i mbal̄ kə́ Paran tə́ n unjə̄ń kow dɔ gír deē yān gə̄ tə́ ní. Ni-reē rɔ̄ ngéén gə̄ tə́ kə dūbə̄ ngé kəla kə́ dɔ rā̰ tə́ gēé gōn tə́. Ni-əhɔ ndū najə̄ yān ń unjə̄ tītə̄ hor ní jīn tə́.

HABAKUK 2:20

Kɔ́ɔ̄ɓē ni-ndi i kem kújə́ yān kə́ táĺ tə́. Ādə̄ de gə̄ malang kə́ dɔ nang tə́ ndin̄ kə tadə́ kə́ mbóó non tə́!

OJEE 5:15

Mā Kɔ́ɔ̄ɓē m-ɔ́tə m-āw̄, m-ā m̄-tél yā kaw̄ gogə́ ɓēé, bátə́ kadə̄ nin̄ gerə̄n̄ yá̰a̰ rāādə́ kə́ gōtə́ aĺ ba tūrə̄n̄ rɔ̄də́ kə̄ rɔ̄ḿ tə́. Dan ń nin̄ a ndin̄ dan wur kɔl tə́ anī, a sāāmə̄n̄.

NŌŌ RƆ̄ 2:15

Ngé mān̄ róbə gə̄ malang əndan̄ jīdə́ gírí tə́ mbóon̄neé seí. Nin̄ kɔ̄rə́n̄ ngél ō, tə́gān̄ dɔdə́ nek nek ō, mbóōon̄neé kə ngōmandə kə́ Jerusalem. I ɓē ń de gə̄ ɓārə́n̄ na i yá̰á̰ kə́ majə ɔtə̄ kə taá ō, na i rɔ̄nel̄ yā dɔ nang kə taá malang ō ní n toó a?

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

PĀ KƏ́ MAJƏ 5:16

Kem tan sɔl̄ lum ō, m̄-gḛy rɔ̄n malang ō. Ngáń kə́ dəyá̰ kə́ Jerusalem gə̄, kó tár yāḿ n noó, madə́ḿ n noó!

PĀ GƏ̄ 94:1

Kɔ́ɔ̄ɓē, Nə́ɓā kə́ nge rāā ba̰ā̰, Nə́ɓā kə́ nge rāā ba̰ā̰, ɔ́jə kə̄ ndágá kadə̄ ī-ndi noó.

JAKARI 9:17

Rɔ̄də́ a nel̄də́ rɔ̄kum ō, nin̄ a majən̄ deē rɔ̄kum ō! Kōō gémē a adə̄ balsáa gə̄ tɔ́gə ō, kasə nduú kə́ kijə a adə̄ ngámandə gə̄ tɔ́gə ō.

IJAI 26:21

Kɔ́ɔ̄ɓē a teē i mbée kɔ̄ɔ́ kem kújə yān tə́ kə̄ ndágá. Ni a ənda de kə́ dɔ nang tə́ gə̄ tām̄ yá̰a̰ rāādə́ kə́ gōtə́ aĺ gə̄ tə́. Dɔ nang a əya̰ mósə́ kə́ a̰ȳ nang tə́ yā kadə̄ de gə̄ a̰a̰n̄, de gə̄ ń tɔ̄lə̄n̄də́ ní, ni a ɓɔ̄ɔ̄də́ to̰ alé.

PĀ GƏ̄ 80:17

Á̰a̰ā̰ əlan̄ hor dɔn tə́ ō, tə́gānən̄ kɔ̄ɔ́ ō. Dan ń a̰a̰n̄ kadə̄ dɔ kumií nelī aĺ anī, gān̄g oyn̄ kété kɔ̄ɔ́.

PĀ GƏ̄ 68:24

yā kadə̄ ī-tə́ɓādə́ kə njaí kum mósə tə́ ō, kadə̄ madə̄ ba̰ā̰í kə́rēý gə̄ télən̄ dā̰ yā bísə yāí gə̄ ō.

PĀ GƏ̄ 48:3

Mbal̄ ní majə ō, ngāl̄ kə̄ dɔɔ́ ɓururu ō, rāā adə̄ rɔ̄ dɔ nang malang nelə̄n ō. Ɓē bo kə́ dɔ ɓē gə̄ kə́ dɔ nang tə́ laā malang, i mbal̄ Siyo̰. I ɓē yā mban̄g kə́ bo.

PĀ GƏ̄ 80:2

Nge ngɔ̄m̄ Israel, ī-nēl̄ mbīí ōō. Ḭ̄ ń ā ɔ́r no gír deē yāí gə̄ tītə̄ loo kɔr no ɓūtə̄ yá̰a̰ kul̄ gə̄ ní, ḭ̄ ń kōr̄ kāgə̄ mbang yāí ndi i dɔɔ́ dɔ de kə́ dɔ rā̰ tə́ gə̄ tə́ ní, ɔ́jə kə̄ ndágá kadə̄ ī-ndi noó.