PĀ GƏ̄ 5:9 - Bibəl ta Sar̄

⁹ Kɔ́ɔ̄ɓē, ḭ̄ ń i Nə́ɓā kə́ nge rāā yá̰á̰ kə́ gōtə́ ní, ɔ́r noḿ najə̄ yā madə̄ ba̰ā̰ḿ gə̄ tə́. Ī-rāā róbə yāí noḿ tə́ ādə̄ dɔ asə naā.

Bible sar

⁹ Kɔ́ɔ̄ɓē, ḭ̄ ń i Nə́ɓā kə́ nge rāā yá̰á̰ kə́ gōtə́ ní, ɔ́r noḿ najə̄ yā madə̄ ba̰ā̰ḿ gə̄ tə́. Ī-rāā róbə yāí noḿ tə́ ādə̄ dɔ asə naā.

PĀ GƏ̄ 5:9 Referans Kwoze

Makətūbə̄ ń Pol ndang adə̄ Rom gə̄ ní 3:13

Nga̰ā̰də́ i bāá ɓádə́ kə́ ta ra kə wōyōó. Nin̄ i ngé gól̄ loo kə tadə́ karī gə̄. Najə̄ kə́ tadə́ tə́ i tītə̄ kong lī beé.

PĀ GƏ̄ 62:4

Ā ī-ɓoī naā malang dɔ de kə́ kógə̄ḿ beē tə́ yā kəsō seneé tītə̄ ndogə̄ mbal̄ kə́ nōr̄ beé aláa tītə̄ ngísə ndogə̄ beé, i bátə́ ta kə̄ rá?

MISE 6:12

Ngé kənge yá̰á̰ kə́ kem ɓē bo ń toō tə́ gə̄ a əsan̄ i tətō ngé ndoō gə̄. De gə̄ ń ndin̄ kemeé ní, nin̄ i ngé sor̄ gə̄. Nin̄ teēn̄ tadə́ a ngól̄nəń i loo.

Gōsə̄ najə̄ gə̄ 29:5

De kə́ nge gól̄ kum madə̄n gə̄ i nge kəyā gūmbə̄ dɔ róbə yān nəkɔ́ tə́.

PĀ GƏ̄ 51:6

I īkɔ́ ngóy kal kógə̄ḿ beē n m̄-rāā yá̰á̰ kə́ majaĺ seí ní. Mā m̄-rāā yá̰á̰ ń i yá̰á̰ kə́ majaĺ ta kumií tə́ ní. Adə̄ ré ā ə̄ndā najə̄ dɔḿ tə́ anī najə̄ i yāí ō, ā ī-gān̄g sarya ɓáa yá̰á̰ kə́ kadə̄ deē əda dɔí tə́ a gətóo ō.

Najə̄ kə́ Majə yā Jeju ń Luk ndang ní 11:44

Rɔ̄ ndoō i yāsí! Tām̄ sḭḭ̄ ī-toī i tītə̄ dɔ ɓádə gə̄ ń deē a̰ā̰ alé ba njə̄rā dɔ tə́ ní!

PĀ GƏ̄ 52:2

Ɔr̄ i najə̄ yā Doeg kə́ Edom ń reē əda Saul na Dabid na aw̄ ɓē Abimelek ní.

JEREMI 17:9

Gír̄ kə́ kem de gə̄ tə́ tə́la naā ngá̰ý. Dum̄ kadə̄ ḭ̄ deē ɔ̄r̄də́ dɔ tə́.

JEREMI 4:14

Ī-tə́go kem ndul kə́ kemií tə́ kɔ̄ɔ́ malang yā kadə̄ ə́ngeń gān̄g dɔ. I rə́ngáý tə́ n gir̄ kə́ majaĺ gə̄ a teēn̄ kemií tə́ kɔ̄ɔ́ ní?

PĀ GƏ̄ 64:6

Nin̄ rɔ́tə̄n̄ najə̄ kə́ to kum kedə̄ gə̄ ta naā tə́. Nómə̄n̄ rɔ̄də́ yā kəyā gūmbə̄ loo mundə̄ tə́, ba ədan̄ na ké i náā n a a̰a̰də́ ní wa.

PĀ GƏ̄ 62:9

Sḭḭ̄ gír de gə̄ ə̄ndāī kemsí dɔn tə́ ngándáńg! Ə́daniī yá̰á̰ ń tōr̄ rɔ̄sí ní. Nə́ɓā i loo ɓɔ̄ɔ̄ rɔ̄ yājí.

1 TESALONIK 2:5

Tītə̄ ń ī-gerīiń ní, jə-gól̄ kum deē tū najə̄ kɔr̄jí tə́ aĺ ō, najə̄ kɔr̄jí ɔjə kadə̄ jə-sāā yá̰a̰ kənge tām̄ yājí tə́ aĺ ō, Nə́ɓā i de kə́ kum tə́ yājí.

Najə̄ kə́ Majə yā Jeju ń Luk ndang ní 11:39

Anī Kɔ́ɔ̄ɓē ədan na: Sḭḭ̄ Parijiyḛ gə̄, ī-tə́goī gidə kópə ō, gidə səmbē kə́ laa ō, banī ngur ɓogə i ngá̰ý kemsí tə́ ō, kemsí ndul ngá̰ý ō.

ESDRAS 8:21

m̄-ra kə̄ kadə man̄ kə́ Ahaba tə́ noō m-ə́dań de gə̄ malang kadə̄ jə-*ndi ɓō tām̄ yā Nə́ɓā tə́ j-ɔjəń sɔl̄ kə́ jə-sɔl̄ dɔjí kə̄ no Nə́ɓā yājí tə́ i kanjə̄ kɔjə rɔ̄, yā kadə̄ ni-rāā tá yá̰á̰ kə́ majaĺ rāānjí dɔ róbə mbā yājí tə́ alé. Kadə̄ yá̰a̰ rāānjí jḭḭ kɔ gə̄ aĺ ō, ngánjí gə̄ aĺ ō, yá̰a̰ kənge yājí gə̄ aĺ ō.

PĀ GƏ̄ 27:11

Kɔ́ɔ̄ɓē, ɔ́jəm̄ róbə yāí ō, ī-ndɔ́rə̄m̄ kə̄ dɔ róbə́ kə́ majə tə́ ō, najə̄ yā madə̄ ba̰ā̰ḿ gə̄ tə́.

PĀ GƏ̄ 69:19

Ī-reē ngɔr rɔ̄ḿ tə́, ī-rɔ̄ɔ̄ dɔḿ tə́. Ī-taām̄ jī madə̄ ba̰ā̰ḿ gə̄ tə́.

IJAI 26:7

Kɔ́ɔ̄ɓē, róbə yā nge koō taí i róbə́ kə́ súmūú. Ḭ̄ ī-rāā róbə́ kə́ ra súmūú tām̄ yān tə́.