PĀ GƏ̄ 5:5 - Bibəl ta Sar̄

⁵ Ḭ̄ i Nə́ɓā kə́ madə̄ majaĺ alé. Loo yā nge kem ndul gətóo looí.

Bible sar

⁵ Ḭ̄ i Nə́ɓā kə́ madə̄ majaĺ alé. Loo yā nge kem ndul gətóo looí.

PĀ GƏ̄ 5:5 Referans Kwoze

PĀ GƏ̄ 11:5

Kɔ́ɔ̄ɓē ndigə de kə́ súmūú. Banī nelə̄n kə nge kem nduluú aĺ ō, kə deē ń rāā yá̰a̰ i kə dɔ́nɔ́ ní aĺ ō.

OJEE 9:15

Kɔ́ɔ̄ɓē əda ɓáý to̰ na: Kem ndul yādə́ ɔjə rɔ̄n kə̄ ndágá malang i loo kə́ yā ɓōĺ gidən ń rīn na i Gilgal ní tə́. Əla gír kadə̄ a nelə̄m̄ sedə́ aĺ i loo ń noō tə́. M-ā m̄-tə̄ɓādə́ kɔ̄ɔ́ kem kújə yāḿ tə́, a nelə̄m̄ sedə́ to̰ alé, i najə̄ yá̰a̰ rāādə́ kə́ majaĺ tə́. Ngār yādə́ gə̄ malang mbātə́n̄ najə̄ yāḿ.

PĀ GƏ̄ 1:5

Adə̄ ndɔ̄ gān̄g sarya tə́ anī ngé kem ndul gə̄ a asən̄ ra dɔɔ́ aĺ ō, ngé rāā majaĺ gə̄ a asən̄ kudə loo kán̄ naā yā de kə́ súmūú gə̄ tə́ aĺ ō.

MATIYE 25:41

Gō tə́ anī, mban̄g a əda ngé gə̄ ń dɔ jī gelən tə́ ní na: Sḭḭ̄ ń Nə́ɓā ndɔ̄ĺsí ní, ɔ́tiī rɔ̄ḿ tə́ kɔ̄ɔ́, āwī kum hor kə́ a oy aĺ tə́ ń rāān̄ tām̄ yā diabəl tə́ ō, deē yān gə̄ kə́ dɔ rā̰ tə́ ō ní tə́.

LEBI GƏ̄ 20:23

Ī-ndájī yá̰a̰ rāā nápar de gə̄ ń m-ā m̄-tə̄ɓādə́ kɔ̄ɔ́ nosí tə́ ní alé. Tɔdɔ̄ i yá̰a̰ gə̄ ń noō malang n rāān̄ á nelə̄məń sedə́ aĺ ní.

Gōsə̄ najə̄ gə̄ 1:7

Ɓōĺ ndíĺ Kɔ́ɔ̄ɓē i ta kəla gír ger̄ yá̰a̰. I de kə́ ngáā aĺ gə̄ n a rāān̄ yá̰á̰ ndóō ō, kum kedə̄ ō mbóó tə́ ní.

HABAKUK 1:13

Kumií unjə̄ njáý njáý ngá̰ý, adə̄ ásə ka̰a̰ yá̰á̰ kə́ majaĺ alé. Ḭ̄ ī-ndigə ka̰a̰ yá̰á̰ kə́ to kum̄ kaȳ aĺ alé. Ɓá tā banī ngé gə̄ ń a gólə̄n̄ madə̄də́ gə̄ ní, ḭ̄ á̰á̰də́ kanjə̄ kəda yá̰á̰ kógə̄ḿ. Dan ń de kə́ majaĺ gə̄ a nujən̄ ngé rāā yá̰a̰ gōtə́ tɔȳdə́ gə̄ ní, ḭ̄ ə́dá yá̰á̰ kógə̄ḿ alé.

Gōsə̄ najə̄ gə̄ 8:5

Sḭḭ̄ de kə́ kum gān̄g aĺ gə̄, ī-ndóōī loo gōn̄g yá̰a̰, sḭḭ̄ mbóo gə̄, ī-ndóōī tél de kə́ ngáā!

MATIYE 7:23

Tā anī m-ā m-ə́dádə́ wáńg na: m̄-ger̄sí sḛ́ý aĺ bátə́! Ī-téliī kə̄ gogə́ nú, na sḭḭ̄ i ngé rāā majaĺ gə̄!

JAKARI 11:8

Kem nāā kógə̄ḿ ní, m-ɔ̄r̄ ngé kul̄də́ gə̄ mətá kem kəlaá kɔ̄ɔ́. Gō tə́ anī, m̄-tə́gā taḿ sétə́ dɔ batə̄ gə̄ tə́ ō, nin̄ batə̄ gə̄ asən̄ tə́gā tadə́ dɔḿ mā tə́ to̰ aĺ ō.

KOHELET 5:4

Ə̄nī ndūí aĺ i só tə́ tɔȳ kadə̄ ə̄nī Ndūí kanjə̄ rāā yá̰á̰ ní.

Gōsə̄ najə̄ gə̄ 1:22

Sḭḭ̄ de kə́ kum gān̄g aĺ gə̄, a nel̄sí kə kum gān̄g aĺ yāsí i bátə́ ta kə́ rá? Ngé lur loo gə̄ a nel̄də́ lur loo i bátə́ ta kə́ rá ō, de kə́ mbóo gə̄ a mbātə́n̄ yá̰a̰ ger̄ i bátə́ ta kə́ rá ō?

PĀ GƏ̄ 75:4

Dɔ nang asə ndebə kə de gə̄ malang kə́ tū tə́. I mā Nə́ɓā n m-údə bir̄ njan m-ādə̄ ra ngan̄g ní aĺ a?

PĀ GƏ̄ 130:3

Kɔ́ɔ̄ɓē, ré ə́hɔ i gíŕ yá̰á̰ kə́ gōtə́ aĺ gə̄ anī, i náā n a asə ndi kə kumneé ní?

PĀ GƏ̄ 94:8

Ōōī, sḭḭ̄ ń i mbóo de gə̄ dan madə̄sí gə̄ tə́ ní, sḭḭ̄ ń dɔsí un yá̰a̰ aĺ ní, ā ī-gerī kum najə̄ i ndɔ̄ kə́ rá tə́?

PĀ GƏ̄ 92:6

Kɔ́ɔ̄ɓē, kəla rāāī gə̄ boon̄ to ɓōĺ ngá̰ý ō, gír̄ yāí teē sa̰y ngá̰ý ō!

PĀ GƏ̄ 14:1

Pā kə́ kem makətūbə̄ yā ngār yā gōsə̄ pā gə̄ tə́. I pā yā Dabid. De kə́ mbóo gə̄ ədan̄ naā dɔ dandə́ tə́ na Nə́ɓā na gətóo! Nin̄ i de kə́ nujə kɔ̄ɔ́ gə̄. Yá̰a̰ rāādə́ to yḛr kum. De kógə̄ḿ sḛ́ý dandə́ tə́ kə́ rāā yá̰a̰ kə gōó gətóo.

PĀ GƏ̄ 73:3

Tɔdɔ̄ m-ə̄ndā ngé kənda gɔgərɔdə́ gə̄ nii, dan ń m-á̰a̰ kadə̄ yá̰a̰ malang ń ngé kem ndul gə̄ rāān̄ ní teēdə́ yá̰á̰ tə́ ní.

PĀ GƏ̄ 10:3

Nge kem ndul ənda kadən najə̄ kəla rāān kə́ udə gírí tə́. Dan ń ni-ənge yá̰á̰ ń kemən ndigə ní oy anī, lur Kɔ́ɔ̄ɓē kə tɔ̄yɔ̄ɔ́.

Gōsə̄ najə̄ gə̄ 15:9

Háĺ ngé kem ndul gə̄ i yá̰á̰ kə́ yḛr ta kum Kɔ́ɔ̄ɓē tə́, banī ni táŕ ngé ngɔ̄də̄ gō yá̰á̰ kə́ gōtə́ gə̄ tə́.