PĀ GƏ̄ 5:4 - Bibəl ta Sar̄

⁴ Kɔ́ɔ̄ɓē, dəloí anī ōō ndūḿ. Kə ndɔ̄í anī m-ə̄ndā dɔ yá̰a̰ malang danaá tām̄ yāí tə́, ba m̄-tél m̄-ndi m̄-ngóō!

Bible sar

⁴ Kɔ́ɔ̄ɓē, dəloí anī ōō ndūḿ. Kə ndɔ̄í anī m-ə̄ndā dɔ yá̰a̰ malang danaá tām̄ yāí tə́, ba m̄-tél m̄-ndi m̄-ngóō!

PĀ GƏ̄ 5:4 Referans Kwoze

PĀ GƏ̄ 11:5

Kɔ́ɔ̄ɓē ndigə de kə́ súmūú. Banī nelə̄n kə nge kem nduluú aĺ ō, kə deē ń rāā yá̰a̰ i kə dɔ́nɔ́ ní aĺ ō.

HEBƏRO 12:14

Ī-sāāī loo ndi lɔm kə de gēé malang ō, ī-sāāī loo tél de kə́ táĺ gə̄ ādə̄ i de kə́ kɔr̄ kam̄ tayā gə̄. Kanjə̄ nge ń noō anī, de kə́ yā ka̰a̰ Kɔ́ɔ̄ɓē a gətóo.

MALASI 2:17

Ī-rāāī Kɔ́ɔ̄ɓē kə najə̄ kɔr̄sí gēé adə̄ ni ɔr. Sḭḭ̄ ə́daī na ké ī-rāāī i ba̰ý n ni ɔrəń ní wa. Sḭḭ̄ ī-rāāin̄ adə̄ ni ɔr, i dan ń ə́daī na ni na a̰a̰ ngé rāā yá̰á̰ kə́ majaĺ gə̄ na i kə kemən kə́ majaá ní, ni na ndigə najə̄ gō de gə̄ ngeé gə̄ ń noō tə́ ní. Sḭḭ̄ ə́daī ɓáý to̰ na: Ké Nə́ɓā kə́ nge gān̄g sarya kə́ gōtə́ ndi a rāā i rí wa.

PĀ GƏ̄ 140:13

m̄-ger̄ kadə̄ Kɔ́ɔ̄ɓē a rāā sarya yā de kə́ nge rɔ̄ tō ndoō, ni a gān̄g sarya yā ngé ndoō gə̄ kə gōó majə.

PĀ GƏ̄ 50:21

Yá̰á̰ ń ī-rāā ní n noó ō, kə m-ə́da najə̄ aĺ ō a? Ɔ́jəń na mā m̄-to tītīí a? m-ə̄ndā najə̄ dɔí tə́! Yá̰a̰ malang ń ī-rāā ní m-ā m̄-ɓōkə́də́ ndágá ta kumií tə́.

JEJU TEĒ KUM JA̰A̰ 21:27

Yá̰á̰ kə́ yḛr a udə kem ɓē ní tə́ aĺ ō, de kə́ nge rāā yá̰á̰ kə́ majaĺ ngá̰ý ō, de kə́ nge sor̄ ō, a udən̄ kem ɓē ní tə́ aĺ ō. I ngé gə̄ ń ndangən̄ rīdə́ kem makətūbə̄ ndi kə kumuú yā Ngōn̄ Batə̄ tə́ ní ngóy n a udən̄ kem ɓē ní tə́ ní.

HABAKUK 1:13

Kumií unjə̄ njáý njáý ngá̰ý, adə̄ ásə ka̰a̰ yá̰á̰ kə́ majaĺ alé. Ḭ̄ ī-ndigə ka̰a̰ yá̰á̰ kə́ to kum̄ kaȳ aĺ alé. Ɓá tā banī ngé gə̄ ń a gólə̄n̄ madə̄də́ gə̄ ní, ḭ̄ á̰á̰də́ kanjə̄ kəda yá̰á̰ kógə̄ḿ. Dan ń de kə́ majaĺ gə̄ a nujən̄ ngé rāā yá̰a̰ gōtə́ tɔȳdə́ gə̄ ní, ḭ̄ ə́dá yá̰á̰ kógə̄ḿ alé.

PĀ GƏ̄ 92:15

Ká ré ni tɔgə ɓə́ga kɔ̄ɔ́ gə̄gē anī a a̰a̰n̄ ɓáý. Bəton i ngá̰ý ɓáý ō, rɔ̄n to mbōl̄ ō.

2 PIYER 3:13

Tá jə-ndi j-a jə-ngóōī i yá̰á̰ ń ni-ənī míndən najə̄n tə́ ní, adə̄ i dɔ rā̰ kə́ kijə ō, dɔ nang kə́ kijə ō ń yá̰á̰ kə́ gōtə́ a to tū tə́ ní.

PĀ GƏ̄ 101:7

De kə́ nge gól̄ loo kə kum kedēé ngá̰ý a ndi kem kújə yāḿ tə́ alé. De kə́ nge kɔr̄ najə̄ kə́ sor̄ gə̄ a ra ta kumḿ tə́ alé.

PĀ GƏ̄ 94:20

Yá̰á̰ kə́rēý ɓoosí naā tə́ kə ngé gān̄g sarya gōtə́ aĺ gə̄ ń noō a? Nin̄ əgan̄ rɔ̄də́ gidə ndū najə̄ tə́ a rāān̄neé de gə̄ yá̰á̰ kə́ tōr̄ gə̄.

JEJU TEĒ KUM JA̰A̰ 21:23

Ɓē ní sāā i mbang ō nāā ō tá kadə̄ loo unjə̄ń kemeé alé. Tɔdɔ̄ kɔsə gɔn yā Nə́ɓā rāā adə̄ loo unjə̄ kow kemeé ō, lámbá kə́ kemeé i Ngōn̄ Batə̄ ō.

JA̰A̰ 14:23

Jeju tél ədan na: Ré deē kógə̄ḿ tárəm̄ anī, a rāā yá̰a̰ gə̄ ń najə̄ yāḿ əda ní. Adə̄ Bɔbə́ḿ a tárən ō, j-a jə-reē rɔ̄n tə́ ō, j-a jə-ndi looneé ō.

1 YÁ̰A̰ GƏ̄ 29:17

Nə́ɓā yāḿ, m̄-ger̄ kadə̄ ḭ̄ i nge kəndā ma̰ȳ kem deē ō, nge ndigə háĺ kə́ súmūú ō. Adə̄ i kə kem kə́ súmūú n m̄-ndējīneé yá̰a̰ malang ń noō kə gō kem ndigə yāḿ ní. Ba ɓōólaā gír deē yāí gə̄ ń kánə̄n̄ naā á ran̄ laā ní, m-á̰á̰də́ loo rāā tə́ tītə̄ yāḿ kə rɔ̄nelēé ō.

PĀ GƏ̄ 63:2

Nə́ɓā, ḭ̄ i Nə́ɓā yāḿ, ngurií rāām̄ ta gír loo tə́, kəndāí rāām̄. Rɔ̄ḿ malang kə taá gḛyiī tītə̄ dɔ nang kə́ ɔr kɔ̄ɔ́ ō, tutə ō, man̄ gətóo tū tə́ ō.

PĀ GƏ̄ 88:14

Banī Kɔ́ɔ̄ɓē, mā m̄-nōō kə̄ dɔí tə́ kadə̄ ī-rāā seḿ! Kə ndɔ̄í anī, ndɔ̄ȳ yāḿ ugə̄ rɔ̄í tə́ kɔ̄ɔ́ ɓá.