PĀ GƏ̄ 5:10 - Bibəl ta Sar̄

¹⁰ Deē asə taā kem najə̄ kɔr̄də́ alé. Yá̰á̰ ń nin̄ a gírə̄n̄ ní i nujə kə deé ngóy. Najə̄ kə́ ta ndo̰də́ tə́ i najə̄ kə́ kadə̄ nel̄ de gə̄, ba nga ngá̰á̰də́ i bāá ɓádə́ kə́ ta ra kə wōyōó.

Bible sar

¹⁰ Deē asə taā kem najə̄ kɔr̄də́ alé. Yá̰á̰ ń nin̄ a gírə̄n̄ ní i nujə kə deé ngóy. Najə̄ kə́ ta ndo̰də́ tə́ i najə̄ kə́ kadə̄ nel̄ de gə̄, ba nga ngá̰á̰də́ i bāá ɓádə́ kə́ ta ra kə wōyōó.

PĀ GƏ̄ 5:10 Referans Kwoze

IJAI 63:10

Banī nin̄ mbātə́n̄ najə̄, rāān̄ Ndílən kə́ táĺ adə̄ rɔ̄n nelə̄n aĺ. Adə̄ Kɔ́ɔ̄ɓē tél i madə̄ ba̰ā̰də́ kógə̄ḿ ō, ni udə kə̄ loo rɔ̄ɔ̄də́ tə́ ō.

2 SAMUEL 17:14

Absalom ō, de kə́ dəngam gə̄ kə́ Israel tə́ ō, ədan̄ na: Kɔjə̄ ń Husai adə̄ ní majə tɔȳ yā Ahitopel. Tɔdɔ̄ Kɔ́ɔ̄ɓē ndigə rāā kadə̄ kɔjə̄ kə́ majə yā Ahitopel to karī kɔ̄ɔ́, yā rāań kadə̄ yá̰á̰ kə́ to kum kaȳ aĺ əsō dɔ Absalom tə́.

1 KORḚNTƏ 3:19

Tɔdɔ̄ kum kedə̄ yā de kə́ dɔ nang tə́ laā gə̄ i yá̰á̰ kə́ to mbóo ta kum Nə́ɓā tə́. Tām̄ ndangən̄ kem makətūbə̄ yā Nə́ɓā tə́ na: Nə́ɓā əhɔ ngé kum kedə̄ gə̄ kə ngam yādə́ nin̄ kɔ́ gɔ̄ɔ́.

PĀ GƏ̄ 71:13

Ngé gə̄ ń sāān̄ tɔ̄lə̄m̄ ní, ādə̄ rɔ̄də́ sɔl̄də́ ō, yá̰á̰ kə́ majaĺ teē dɔdə́ tə́ ō! ngé gə̄ ń sāān̄ kadə̄ yá̰á̰ kə́ majaĺ teē dɔḿ tə́ ní, ādə̄ kídə̄n̄də́ ō əlan̄ rɔ̄sɔl̄ dɔdə́ tə́ ō!

PĀ GƏ̄ 31:18

Kɔ́ɔ̄ɓē, m̄-ɓāríī kadə̄ ī-dḭḭ̄m̄ ní, ī-lōō rāā kadə̄ m̄-tél m̄-ndə̄ngā rɔ̄ḿ. Banī ādə̄ rɔ̄ ngé taā kem Nə́ɓā aĺ gə̄ sɔl̄də́ ō, ādə̄ yo utə̄ tadə́ ɔgə̄də́ kɔr̄ najə̄ ō!

2 SAMUEL 17:23

Dan ń Ahitopel a̰a̰ kadə̄ de gə̄ tetən̄ rɔ̄də́ gō kɔjə̄ yān tə́ aĺ anī, əndā síŕdí gidə kərō yān tə́ ba ḭḭ dɔ tə́ aw̄ ɓēé. Ni ɔjə de kə́ ta kújə yān tə́ gə̄ yá̰a̰ gə̄ kə́ kadə̄ rāān̄ rāān̄, ba gō tə́ anī ənī kəlā oy kɔ̄ɔ́. Dubə̄nən̄ i kem bəlo ɓádə́ ń dubə̄n bɔbə̄n tū tə́ kété ní tə́.

2 SAMUEL 15:31

Reē ədan̄ Dabid na Ahitopel i dan ngé koō naā gə̄ tə́, adə̄ ni na i gō Absalom tə́. Anī Dabid əda na: m̄-rāāī ɓɔ́ Kɔ́ɔ̄ɓē, ī-rāā ādə̄ kɔjə̄ yā Ahitopel tél kɔjə̄ kə́ to mbóo ro karī.

OJEE 9:7

Kum mbang ń Kɔ́ɔ̄ɓē a rɔ̄ɔ̄ńsí ní n toó. A̰á̰ā̰, i kum mbang kə́ yā kadə̄ deē ɔjəń gíŕ yá̰a̰ rāān gə̄, majə kadə̄ Israel ger̄ nge ń noō. Sḭḭ̄ ə́daī na nge koō ta ń toō dɔn na ndi gōtə́ alé, ə́daī na nge kəda yá̰á̰ kə́ reē dɔn tə́ toō na a ɔr̄ i najə̄ kə̄ noó. I beé ɓá ní, ré dɔḿ ndi gōtə́ aĺ anī, i najə̄ yá̰a̰ rāāsí kə́ majaĺ ngá̰ý gə̄ kə́ i ngá̰ý tə́, i najə̄ kənī kə́ ə̄nīmī rɔ̄ɔ̄ kə ngangá ngá̰ý tə́.

NŌŌ RƆ̄ 1:5

Ngé rɔ̄ɔ̄n gə̄ tetənə̄n̄ rɔ̄ɔ̄, madə̄ ba̰ā̰n gə̄ ndin̄ loo yādə́ majə, tɔdɔ̄ Kɔ́ɔ̄ɓē rāān adə̄ tɔ́gən gətóo najə̄ mbātə́ najə̄ yān kə́ ngá̰ý tə́. Ngé rɔ̄ɔ̄n gə̄ əhɔn̄ ngánən gə̄ adə̄ njə̄rān̄ kété nodə́ tə́ yā kaw̄ń sedə́ ɓəloó.

PĀ GƏ̄ 55:15

Kété ní j-ɔr̄ najə̄ kə́ kemjí gə̄ tə́ kə naá kə míndə́ kə́ majaá ō, j-un njají i kə gō naá majə kem kújə yā Nə́ɓā tə́ ō.

PĀ GƏ̄ 35:26

Ngé gə̄ ń rāān̄ rɔ̄nel̄ tām̄ yá̰á̰ kə́ to kum kaȳ aĺ kə́ teē dɔḿ tə́ ní, ādə̄ rɔ̄də́ sɔl̄də́ malang! Ngé gə̄ ń ɔjən̄ rɔ̄də́ dɔḿ tə́ ní, ādə̄ rɔ̄sɔl̄ əhɔdə́ ō, ādə̄ əlan̄ rɔ̄sɔl̄ dɔdə́ tə́ ō.

DANIEL 9:9

Kum ko̰o̰ ō, mā̰ȳ rɔ̄ ō, i yá̰a̰ yā Kɔ́ɔ̄ɓē Nə́ɓā yājí tām̄ jə-mbātə́ tan ō,

DANIEL 9:5

jə-rāā yá̰á̰ kə́ gōtə́ aĺ gə̄, adə̄ j-əsō kɔ̄ɔ́ ō, jə-rāā kem ndul ō, jə-mbātə́ najə̄ ō, jə-tūr̄ gidəjí kɔ̄ɔ́ ta gō míndí gə̄ tə́ ō, ta yá̰a̰ gə̄ ń əda kadə̄ yā rāā tə́ ní ō.

IJAI 1:20

Ba ré sḭḭ̄ ī-mbātíī anī, ré ī-na̰yiī kə̄ loo kəsō wōn̄g tə́ taḿ tə́ anī, ā óyiī yo kaskar. Najə̄ ń Kɔ́ɔ̄ɓē əda ní n noó.

IJAI 1:2

Dɔ rā̰, ōō! Ba ḭ̄ dɔ nang, ī-nēl̄ mbīí! I Kɔ́ɔ̄ɓē n a ɔr̄ najə̄ ní: M-ūl̄ ngán gə̄ adə̄ tɔgən̄, m-ə̄tō ngán gə̄, banī nin̄ əsōn̄ wōn̄g taḿ tə́ kɔ̄ɔ́.

PĀ GƏ̄ 107:11

Tɔdɔ̄ nin̄ mbātə́n̄ rāā yá̰á̰ ń Nə́ɓā ɔsə kə de gēé ta rāā ní, kídə̄n̄ yá̰á̰ ń Nə́ɓā kə́ dɔɔ́ sa̰y ngá̰ý sāā rāā ní.

PĀ GƏ̄ 79:12

Kɔ́ɔ̄ɓē, gír de gə̄ ń ndin̄ ɓē kadəjí tə́ ní sāān̄ taí. Ādə̄ əgānī kə̄rā ndū gə̄ ń tájə̄nī ní nja sīrí.

PĀ GƏ̄ 66:7

Ni-o̰o̰ ɓē kə tɔ́gəneé ngándáńg ō, əndā kumən gō gíŕ nápar de gə̄ tə́ ō. Ādə̄ ngé mbātə́ najə̄ gə̄ ɔsən̄ rɔ̄də́ kə̄ dɔɔ́ alé!

PĀ GƏ̄ 17:13

Kɔ́ɔ̄ɓē, ḭ́ḭ dɔɔ́! Ī-tā̰ madə̄ ba̰ā̰ḿ gə̄ rɔ̄ɔ̄, ə̄sō sedə́ nang tə́, ī-taām̄ jī ngé kem ndul gə̄ tə́ kə kaskar yāí.

PĀ GƏ̄ 10:15

Ī-taā tɔ́gə nge kem ndul. Ādə̄ əgā kə̄rā yá̰á̰ kə́ gōtə́ aĺ ń ni-rāā ní ō, ādə̄ deē ɓār̄ rīn to̰ aĺ ō.

ESTER 7:10

Adə̄ ənīn̄ kəlā míndə Haman tə́ ba do̰ō̰nən̄ dɔɔ́ tū kāgə̄ tɔ̄l̄ deē ń ni-rāā tām̄ yā Mardose tə́ ní. Loo ń no ō tə́ wōn̄g yā mban̄g tetə.

2 YÁ̰A̰ GƏ̄ 25:16

Dan ń a əda Amasia najə̄ ń noō ɓáý anī Amasia dəjen na ké əndānən̄ nge kadə̄ mban̄g kɔjə̄ wa. Ré gḛy kadə̄ əndanən̄ aĺ ɓáa kə lōō kaw̄ kə najə̄ ní kə̄ kété. Nge koō ta aw̄ kə najə̄ ní kə̄ kété to̰ alé banī əda na: Mā m̄-ger̄ kadə̄ Nə́ɓā gḛy rāā kadə̄ óy kɔ̄ɔ́ tām̄ ḭ̄ ī-rāā yá̰á̰ ń noō ō, ōō najə̄ yāḿ aĺ ō.

1 SAMUEL 25:39

Dan ń Dabid oō kadə̄ Nabal oy anī əda na: m̄-ndadə̄ m-ādə̄ Kɔ́ɔ̄ɓē ń rɔ̄ dɔḿ tə́ dan ń Nabal tájə̄m̄neé tə́ ní. m̄-ndadə̄ m-ādə̄n tām̄ kɔgə̄ ń ni ɔgə̄m̄ rāā majaĺ tə́ ní ō tām̄ rāā ń ni-rāā adə̄ kem ndul yā Nabal tél əsō i dɔn nəkɔ́ tə́ ní ō. Gō tə́ anī Dabid əla de gə̄ kəda Abigail tə́ na n-ndigə taān.

1 SAMUEL 25:29

Kɔ́ɔ̄ḿ, gír̄ ń deē kə́rēý aw̄ń kemən tə́ ní i kógə̄ḿ beē, i ndəle gōí. Deē ní sāā i kadə̄ óy kɔ̄ɔ́. Ba Kɔ́ɔ̄ɓē Nə́ɓā yāí a ngɔ̄mī kadə̄ ā ī-ndi kə kumií kə ndɔ̄ gə̄. Banī ni a ənī koō kajə yā madə̄ ba̰ā̰í gə̄ sa̰y kɔ̄ɔ́ rɔ̄n tə́ tītə̄ kə́ ənī i kə bējēé beē.

NDŪ NAJƏ̄ 2:30

Banī Sihon mban̄g kə́ Hesəbon ɔgə̄jí mān̄ dɔ nang yān tə́. I Kɔ́ɔ̄ɓē Nə́ɓā yāsí n rāā adə̄ kemən ngan̄g, yā kadə̄ ī-taāīneé dɔ nang yān ndɔ̄ ń noō tə́ ní.