PĀ GƏ̄ 49:12 - Bibəl ta Sar̄

¹² Nin̄ ɔjən̄neé na kújə yādə́ gə̄ na a ton̄ ngándáńg, na loo ndidə́ gə̄ na a nujə alé, adə̄ tə́ndān̄ rīdə́ gə̄ dɔ dɔ nang yādə́ gə̄ tə́.

Bible sar

¹² Nin̄ ɔjən̄neé na kújə yādə́ gə̄ na a ton̄ ngándáńg, na loo ndidə́ gə̄ na a nujə alé, adə̄ tə́ndān̄ rīdə́ gə̄ dɔ dɔ nang yādə́ gə̄ tə́.

PĀ GƏ̄ 49:12 Referans Kwoze

PĀ GƏ̄ 49:20

Ɓá tā ba i gáŕ kadə̄ a oy yā kaw̄ gō kaan gə̄ tə́. Kaan gə̄ ní a a̰a̰n̄ loo kə́ unjə̄ kow to̰ aĺ i kə́ bátə́ gə̄ tə́.

PĀ GƏ̄ 82:7

ɓá tā banī ā óyiī tītə̄ yā de gə̄, ā ī-tə́sōī tītə̄ yā ngār gə̄.

PĀ GƏ̄ 39:5

Kɔ́ɔ̄ɓē, ɔ́jəm̄ ndɔ̄ ń gír yāḿ a gāngəń ní ādə̄ m̄-ger̄. M-ā m̄-rāā i ndɔ̄ kóndóńg? Ādə̄ m̄-ger̄ kadə̄ mā i de kə́ ndɔ̄ḿ i ngá̰ý alé!

KOHELET 9:12

Tām̄ deē ndul ger̄ ndɔ̄ ń yá̰á̰ kə́ majaĺ a teēń dɔn tə́ ní alé. Yá̰á̰ kə́ to kum kaȳ aĺ a teē dɔn tə́ rétə́ gēé kānjə̄ kadə̄ ni ger̄ gō, tītə̄ kānjə̄ ń réng əhɔn aké yel̄ ń gūmbə̄ əhɔn ní.

1 PIYER 1:24

Tītə̄ ń makətūbə̄ yā Nə́ɓā ədań ní: Deē ndul to i tītə̄ mu beé ō, Kɔsə gɔn yān malang to i tītə̄ hútə̄ mu kə́ bembeé beé ō. Mu tutə anī hútə̄n ur̄ kɔ̄ɔ́.

TA KƏLA 4:17

Kain ɓīī kə nə̄yá̰neé adə̄ ndān̄ ngōn̄. Ni-ojə Henok. Gō tə́ anī, ni-rāā ɓē bo kógə̄ḿ ba əndā rī ngōnə̄n Henok dɔ ɓē ní tə́.