PĀ GƏ̄ 48:8 - Bibəl ta Sar̄

⁸ To i tītə̄ néĺ kə́ dūn̄ ɓē tə́, dan ń a tɔ̄ɔ̄ too bo gə̄ kə́ Tarsis ní.

Bible sar

⁸ To i tītə̄ néĺ kə́ dūn̄ ɓē tə́, dan ń a tɔ̄ɔ̄ too bo gə̄ kə́ Tarsis ní.

PĀ GƏ̄ 48:8 Referans Kwoze

PĀ GƏ̄ 87:5

Ba kə́ tām̄ yā ɓē kə́ Siyo̰ tə́ ɓáa, i gáŕ kadə̄ ədan̄ dɔ tə́ na: Nin̄ kógə̄ḿ kógə̄ḿ ní ɓē yādə́ kə́ rɔ̄kum i loo ń toō tə́ laā, i Nə́ɓā kə́ dɔɔ́ sa̰y ngá̰ý nəkɔ́ n əndā ngəra ɓē ní.

MATIYE 16:18

Banī mā m-ə́daī na ḭ̄ i mbal̄ ō, mā m-ā m̄-rāā Egəlijə yāḿ dɔ mbal̄ ń toō tə́ ō. Yo a asə rāā yá̰a̰ seneé alé.

MISE 4:1

Kem ndɔ̄ gə̄ ń a reēn̄ tə́ noō ní, ndɔ̄ kógə̄ḿ tə́ anī, mbal̄ bo ń kújə yā Kɔ́ɔ̄ɓē i dɔ tə́ ní, a tél mbal̄ bo kə́ ngāl̄ tɔȳ madə̄ gə̄ malang rɔ̄kum. Ni a ngāl̄ mān̄ ngán mbal̄ gə̄ kum kə̄ dɔɔ́. Loo ń noō tə́ gír de kə́ ngá̰ý gə̄ a reēn̄ kə̄ rɔ̄n tə́.

PĀ GƏ̄ 46:5

Banī bā kógə̄ḿ i noó kə́ ta jīn kə́ tɔ̄ɔ̄ gə̄ rāān̄ adə̄ rɔ̄ de kə́ kem ɓē yā Nə́ɓā tə́ gə̄ nel̄də́, adə̄ rɔ̄ de kə́ kem loo kə́ táĺ ngá̰ý yā Nə́ɓā kə́ dɔɔ́ sa̰y ngá̰ý tə́ gə̄ nel̄də́.

IJAI 2:2

Ndɔ̄ kógə̄ḿ tə́, kem ɓāl̄ gə̄ ń a reēn̄ tə́ noō ní, mbal̄ bo ń kújə yā Kɔ́ɔ̄ɓē i dɔ tə́ ní, a ngāl̄ yā mān̄ dɔ gotə mbal̄ kə́ rang gə̄. Ni a tɔȳ dɔ ngán mbal̄ gə̄ kə̄ dɔɔ́. Loo ń noō tə́ nápar de gə̄ malang a reēn̄ kə̄ rɔ̄n tə́.

IJAI 38:19

I ngé gə̄ ń nin̄ ndin̄ kə kumdə́ ní ngóy n asən̄ kɔsə gɔnií ní, tītə̄ ń mā m-ɔ́səń gɔnií ɓōólaā ní. Ngé kojə ngán gə̄ a ɔjən̄ ngáńdə́ gə̄ kənda kə́ ī-ra dɔ ndūí tə́ kadə̄ gerə̄n̄.

1 MBAN̄G GƏ̄ 22:49

Josapat adə̄ rāān̄ to bo kə́ Tarsis gə̄ kutə kógə̄ḿ yā kaw̄ń sāā lɔ́ŕ kə́ kem ɓē kə́ Opir tə́. Banī ni-aw̄ alé, tɔdɔ̄ to bo gə̄ ní tɔ̄ɔ̄n̄ yɔ́k yɔ́k kɔ̄ɔ́ Esion Geber.

EJEKIEL 27:26

Ngé háy gə̄ nēlīn̄ aw̄n̄ seí dan ɓūlūú ō, néĺ kə́ dūn̄ ɓē tə́ a tétī rárák dan bā boó ō.