PĀ GƏ̄ 48:3 - Bibəl ta Sar̄

³ Mbal̄ ní majə ō, ngāl̄ kə̄ dɔɔ́ ɓururu ō, rāā adə̄ rɔ̄ dɔ nang malang nelə̄n ō. Ɓē bo kə́ dɔ ɓē gə̄ kə́ dɔ nang tə́ laā malang, i mbal̄ Siyo̰. I ɓē yā mban̄g kə́ bo.

Bible sar

³ Mbal̄ ní majə ō, ngāl̄ kə̄ dɔɔ́ ɓururu ō, rāā adə̄ rɔ̄ dɔ nang malang nelə̄n ō. Ɓē bo kə́ dɔ ɓē gə̄ kə́ dɔ nang tə́ laā malang, i mbal̄ *Siyo̰. I ɓē yā mban̄g kə́ bo.

PĀ GƏ̄ 48:3 Referans Kwoze

PĀ GƏ̄ 125:1

Pā kə́ yā kaw̄ń kə̄ loo kə́ táĺ tə́. Ngé kəndā kemdə́ dɔ Kɔ́ɔ̄ɓē tə́ gə̄ ton̄ tītə̄ mbal̄ Siyo̰ beé. Ni yéȳ aĺ ō, ra ngándáńg ō.

PĀ GƏ̄ 46:7

Nápar de gə̄ tṵ́ṵ̄n̄ rɔ̄ɔ̄, ɓē ko̰o̰ gə̄ tə́sōn̄ kɔ̄ɔ́. Banī Nə́ɓā rāā ndūn adə̄ ɓār̄, anī dɔ nang ndebə.

2 YÁ̰A̰ GƏ̄ 12:7

Dan ń Kɔ́ɔ̄ɓē a̰a̰ kadə̄ gerə̄n̄ yá̰á̰ kə́ gōtə́ aĺ ń nin̄ rāān̄ ní anī, ɔr̄ najə̄ kə Semayaá ɓáý to̰, əda na: Dan ń nin̄ gerə̄n̄ yá̰á̰ kə́ gōtə́ aĺ ń rāān̄ ní kɔ̄ɔ́ ɓá ní, m-ā m̄-nujə sedə́ alé. M-ā m̄-gān̄g dɔdə́ kem ngɔr ō, m-ā m̄-lōō gír bə̄gā wōn̄g yāḿ dɔ ɓē kə́ Jerusalem tə́ ō, adə̄ m-ā m-ə́ya̰ Sisak kadə̄ nujə ɓē ń toō alé.

2 SAMUEL 5:7

Ɓá tā ba Dabid taā ɓē kə́ Siyo̰ ń i ɓē kə́ ngan̄g ngá̰ý ní. Gō tə́ anī əndā rī ɓē ní na i ɓē yā Dabid.

PĀ GƏ̄ 50:2

Siyo̰ ń i ɓē kə́ majə ngá̰ý ní, Nə́ɓā ndi kemeé ndə́lē pipir.

PĀ GƏ̄ 135:21

Ādə̄ de kə́ Siyo̰ gə̄ tɔ̄ȳn̄ Kɔ́ɔ̄ɓē ń ndi Jerusalem ní! Aleluya!

PĀ KƏ́ MAJƏ 6:4

Madə́, ī-majə tītə̄ ɓē ń rīn na i Tirsa ní ō, tītə̄ ɓē kə́ Jerusalem ō, ī-to ɓōĺ tītə̄ yá̰á̰ kə́ bo gə̄ kə́ dɔ rā̰ tə́ ō.

NŌŌ RƆ̄ 2:15

Ngé mān̄ róbə gə̄ malang əndan̄ jīdə́ gírí tə́ mbóon̄neé seí. Nin̄ kɔ̄rə́n̄ ngél ō, tə́gān̄ dɔdə́ nek nek ō, mbóōon̄neé kə ngōmandə kə́ Jerusalem. I ɓē ń de gə̄ ɓārə́n̄ na i yá̰á̰ kə́ majə ɔtə̄ kə taá ō, na i rɔ̄nel̄ yā dɔ nang kə taá malang ō ní n toó a?