PĀ GƏ̄ 48:2 - Bibəl ta Sar̄

² Kɔ́ɔ̄ɓē i de kə́ bo, ɓōkə́nən̄ tɔ̄ȳ asə ta tə́ kem ɓē yā Nə́ɓā yājí tə́, dɔ mbal̄ yān kə́ táĺ tə́.

Bible sar

² Kɔ́ɔ̄ɓē i de kə́ bo, ɓōkə́nən̄ tɔ̄ȳ asə ta tə́ kem ɓē yā Nə́ɓā yājí tə́, dɔ mbal̄ yān kə́ *táĺ tə́.

PĀ GƏ̄ 48:2 Referans Kwoze

PĀ GƏ̄ 50:2

Siyo̰ ń i ɓē kə́ majə ngá̰ý ní, Nə́ɓā ndi kemeé ndə́lē pipir.

MATIYE 5:35

Ī-túbə kə dɔ nangaá alé, tɔdɔ̄ i bogəro kəndā njan. Ī-túbə kə rī Jerusalem alé, tɔdɔ̄ i ɓē yā Mban̄g kə́ bo.

NŌŌ RƆ̄ 2:15

Ngé mān̄ róbə gə̄ malang əndan̄ jīdə́ gírí tə́ mbóon̄neé seí. Nin̄ kɔ̄rə́n̄ ngél ō, tə́gān̄ dɔdə́ nek nek ō, mbóōon̄neé kə ngōmandə kə́ Jerusalem. I ɓē ń de gə̄ ɓārə́n̄ na i yá̰á̰ kə́ majə ɔtə̄ kə taá ō, na i rɔ̄nel̄ yā dɔ nang kə taá malang ō ní n toó a?

HEBƏRO 12:22

Banī sḭḭ̄ ī-ndɔ́tī i kə̄ kadə mbal̄ kə́ Siyo̰ tə́ ō, i kə̄ kadə̄ ɓē yā Nə́ɓā kə́ ndi kə kumneé tə́ ō. Adə̄ i kə̄ kadə Jerusalem kə́ dɔ rā̰ tə́ ń de kə́ dɔ rā̰ tə́ gə̄ kə́ dūbú ngá̰ý i kemeé ní tə́.

IJAI 14:13

Kété ní ī-gír̄ ə́da na: M-ā m-āw̄ bátə́ yā kugə̄ dɔ rā̰ tə́, m-ā m-ə̄ndā kōr̄ kāgə̄ mbang yāḿ dɔɔ́ dɔ tə́yō̰ gə̄ yā Nə́ɓā tə́. M-ā m̄-ndi dɔ mbal̄ ń nə́ɓā gə̄ a kánə̄n̄ naā dɔ tə́ ní tə́, ta ngóy ɓē tə́ dām̄ mbɔ́r ɓē kə́ geleé tə́.

DANIEL 11:16

Nge taā loo ní a rāā yá̰a̰ i tītə̄ ń kemən ndigə ní sɔɔ̄ń dum̄ kə́ deē dum̄ tan aĺ tə́. Loo ń ni a mān̄ tū tə́ ɓáa a nujə loo tū tə́. Gō tə́ anī a ndi kem ɓē kə́ majə tɔȳ gotə ɓē gə̄ malang tə́.

EJEKIEL 20:6

Ndɔ̄ ngeé ń noō tə́ ní, m̄-túbə m-ə́da na m-ā m̄-teē sedə́ kɔ̄ɔ́ kem ɓē kə́ Ejiptə tə́, yā kaw̄ sedə́ dɔ nang kə́ m-ə̄ndā ma̰ȳn tām̄ yādə́ tə́ tə́. I dɔ nang kə́ majə tɔȳ dɔ nang gə̄ malang. I dɔ nang kə́ mba ō, yibə̄ tejə ō i ngá̰ý tū tə́.

MALASI 1:14

Majanī deē kógə̄ḿ aw̄ kə́ dā̰ kə́ majə gə̄ dan yá̰a̰ kul̄ yān gə̄ tə́. Ré deē ní ənī ndūn ō, ndējə̄m̄ dā̰ kə́ majaĺ ō anī, yá̰á̰ kə́ to kum kaȳ aĺ a reē dɔ kɔ́ɔ̄ tə́! Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Mā i mban̄g kə́ bo ō, nápar de gə̄ ɓōlə́n̄ tɔ́gə́ḿ ō.

DANIEL 8:9

Ngōn̄ gajə kógə̄ḿ kə́ dūú teē tū nge kə́ kógə̄ḿ tə́ ba bo ngá̰ý kum kə̄ mbɔ́r ɓē kə́ geleé tə́ ō, kə̄ gír ɓē tə́ ō, kə̄ ɓē ko̰o̰ kə́ majə ngá̰ý tə́ ō.

IJAI 66:10

Sḭḭ̄ ń ī-táriī ɓē kə́ Jerusalem ní, ī-rāāī rɔ̄nel̄ seneé, ādī rɔ̄nel̄ yāsí rə̄ɓā kə̄ ndágá najə̄ yān tə́. Sḭḭ̄ ń kété ə́hɔī najə̄ yá̰á̰ kə́ to kum kaȳ aĺ gə̄ kə́ teēn̄ dɔn tə́ tə́ ní, ādī rɔ̄nel̄ rāāsí kə́ kɔ̄r̄ tə́ seneé!

MALASI 3:12

Nápar de gə̄ malang a ədan̄sí na sḭḭ̄ i ngé rɔ̄nel̄ gə̄, tɔdɔ̄ ndi kem ɓē yāsí tə́ a majə ngá̰ý. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní.

JEREMI 3:19

M-ā m̄-rāā i ba̰ý n m-ā m-ə́laīneé dan ngánə́ḿ gə̄ tə́ ō, m-ā m-ādīneé ɓē kə́ nelī. Yá̰a̰ ndəbā tə́ kadə̄ i yá̰á̰ súū rɔ̄ kə́ majə ngá̰ý kə́ dɔ dáń nápar de gə̄ tə́ ní? M-ə́da kə̄ kemḿ tə́ na: Ā ī-ɓārə́m̄ na: Bɔbə́ḿ. Ā ī-tūr̄ gidií taḿ tə́ to̰ alé.

PĀ GƏ̄ 76:2

Nə́ɓā rāā adə̄ ger̄nən̄ dɔ nang kə́ Juda tə́, rīn ɓār̄ ngá̰ý dɔ nang kə́ Israel tə́.

PĀ GƏ̄ 87:3

Ḭ̄ i ɓē bo yā Nə́ɓā, ɔjən̄ gotə najə̄ kə́ to kɔsə gɔn gə̄ dɔí tə́!

PĀ GƏ̄ 99:9

Ɔ́siī gɔn Kɔ́ɔ̄ɓē Nə́ɓā yājí. Ɔ́siī nosí nang tə́ kumsí sɔɔ̄ mbal̄ yān kə́ táĺ, tɔdɔ̄ Kɔ́ɔ̄ɓē Nə́ɓā yājí i de kə́ táĺ!

PĀ GƏ̄ 135:21

Ādə̄ de kə́ Siyo̰ gə̄ tɔ̄ȳn̄ Kɔ́ɔ̄ɓē ń ndi Jerusalem ní! Aleluya!

IJAI 2:2

Ndɔ̄ kógə̄ḿ tə́, kem ɓāl̄ gə̄ ń a reēn̄ tə́ noō ní, mbal̄ bo ń kújə yā Kɔ́ɔ̄ɓē i dɔ tə́ ní, a ngāl̄ yā mān̄ dɔ gotə mbal̄ kə́ rang gə̄. Ni a tɔȳ dɔ ngán mbal̄ gə̄ kə̄ dɔɔ́. Loo ń noō tə́ nápar de gə̄ malang a reēn̄ kə̄ rɔ̄n tə́.

IJAI 60:14

Ngé gə̄ ń rāāīn̄ adə̄ á̰á̰ tápə̄ ngá̰ý ní, a əlan̄ dɔdə́ nang tə́ yā reēń kə̄ rɔ̄í tə́, de gə̄ malang ń kídīn̄ ní, a ɔsən̄ kejədə́ nang tə́ njaí tə́. Nin̄ a ɓāríīn̄ na i ɓē yā Kɔ́ɔ̄ɓē ō, na i Siyo̰ yā Nə́ɓā kə́ táĺ yā Israel ō.

DANIEL 11:45

Kújə tandā gə̄ kə́ kem kújə mban̄g yān tə́ ní a ɔydə́ yā kudədə́ dɔ dán bā bo tə́ kə mbal̄ kə́ táĺ kə́ kem ɓē kə́ majə tɔȳ gotə ɓē gə̄ malang tə́ ō, ni a oy kanjə̄ kadə̄ deē rāā seneé ō.