PĀ GƏ̄ 48:11 - Bibəl ta Sar̄

¹¹ Nə́ɓā, rīí ɓār̄ taā dɔ nang malang ō, de gə̄ tɔ̄ȳnī kə gō loo gə̄ malang ō. Yá̰á̰ kə́ gōtə́ rosə kem jī ko̰í.

Bible sar

¹¹ Nə́ɓā, rīí ɓār̄ taā dɔ nang malang ō, de gə̄ tɔ̄ȳnī kə gō loo gə̄ malang ō. Yá̰á̰ kə́ gōtə́ rosə kem jī ko̰í.

PĀ GƏ̄ 48:11 Referans Kwoze

PĀ GƏ̄ 97:8

Siyo̰ oō najə̄n anī rāā rɔ̄nel̄. Kɔ́ɔ̄ɓē, ɓē kə́ Juda tə́ gə̄ tḭ́ḭ̄n̄ bal walya najə̄ sarya gāngīí tə́.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

JEJU TEĒ KUM JA̰A̰ 15:4

Kɔ́ɔ̄ɓē, i náā n a ɓōĺ rīí aĺ ní, i náā n a ɔsə gɔn rīí aĺ ní? Tɔdɔ̄ i ḭ̄ kɔ́ kal kógə̄ḿ beē ngóy n i kə́ táĺ ní. Nápar de gə̄ malang a reēn̄ yā kɔsə nodə́ nang tə́ noí tə́ yā rɔyīneé. Tɔdɔ̄ teēn̄ kumdə́ dɔ kəla rāāí kə́ gō tə́ gə̄ tə́.

Najə̄ kə́ Majə yā Jeju ń Luk ndang ní 23:28

Jeju tél tūr̄ kumən kə̄ rɔ̄ dəyá̰ gə̄ ní tə́, ba ədadə́ na: Dəyá̰ kə́ Jerusalem gə̄, ī-nōōmī mā alé, ba ī-nōōī rɔ̄sí sḭḭ̄ kɔ́ gə̄ ō, ngáńsí gə̄ ō.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

IJAI 37:22

Najə̄ ń Kɔ́ɔ̄ɓē əda dɔn tə́ ní n toó: Jerusalem ń i dəyá̰ kə́ mandə ní kídī. Ni mbóo seí. A̰á̰ā̰, Siyo̰ ń i ɓē kə́ mandə ní, wél̄ dɔn kə kəgōó tan tə́ gidií tə́.

PĀ KƏ́ MAJƏ 5:16

Kem tan sɔl̄ lum ō, m̄-gḛy rɔ̄n malang ō. Ngáń kə́ dəyá̰ kə́ Jerusalem gə̄, kó tár yāḿ n noó, madə́ḿ n noó!

PĀ KƏ́ MAJƏ 3:5

Ngáń kə́ dəyá̰ kə́ Jerusalem gə̄, m̄-rāāsí ɓɔ̄ɔ̄ kə ngangá ngá̰ý, kə rī kāl̄ gēé aláa kə rī dul kə́ bembeé gēé: Ī-lōōī ndól̄ Kó Tár yāḿ, ī-lōōī tūrə́n dɔ ɓīī tə́, bátə́ kadə̄ ré i nəkɔ́ n ndigə tá!

PĀ KƏ́ MAJƏ 2:7

Ngáń kə́ dəyá̰ kə́ Jerusalem gə̄, m̄-rāāsí ɓɔ́ kə ngangá ngá̰ý, kə rī kāl̄ gēé aláa kə rī dul kə́ bembeé gēé ī-lōōī ndól̄ Kó Tár yāḿ, ī-lōōī tūrə́n dɔ ɓīī tə́ bátə́ kadə̄ ré i nəkɔ́ n ndigə tá.

PĀ KƏ́ MAJƏ 1:5

Ngáń kə́ dəyá̰ kə́ Jerusalem gə̄, mā i de kə́ m̄-kərē kasə ō, m̄-majə deē ō. m̄-to tītə̄ kújə tandā gə̄ kə́ rāān̄də́ kə bḭḭ̄ dā̰ kə́ ndul gusə gusə beē, m̄-to tītə̄ kūbə̄ tapīi gə̄ kə́ gātə̄n i ngá̰ý beē.

PĀ GƏ̄ 58:10

Nə́ɓā a sa̰ā̰də́ kɔ̄ɔ́ gidə kógə̄ḿ tītə̄ wōn̄g kə́ rā deē beé, pá tá jóo yāsí gə̄ a əlan̄ gír kotə tītə̄ kō̰n̄ kə́ hor o̰o̰ beé ɓáý.

NGÉ SARYA 5:31

Kɔ́ɔ̄ɓē, ādə̄ madə̄ ba̰ā̰í gə̄ malang oyn̄ yo kə́ tītə̄ yā Sisəra, banī ādə̄ madə̄ taí gə̄ ton̄ tītə̄ mbang ń ḭḭ kə̄ dɔɔ́ á ndə́lē ngá̰ý ní. Ɓē tél ndi lɔm ɓāl̄ kutə sɔ́.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.