PĀ GƏ̄ 47:6 - Bibəl ta Sar̄

⁶ Dan ń Nə́ɓā a aw̄ kə̄ Siyo̰ ní əgan̄ kɔŕ rɔ̄nel̄ dɔn tə́. Kɔ̄rə́n̄ tōw̄ gō Kɔ́ɔ̄ɓē tə́.

Bible sar

⁶ Dan ń Nə́ɓā a aw̄ kə̄ *Siyo̰ ní əgan̄ kɔŕ rɔ̄nel̄ dɔn tə́. Kɔ̄rə́n̄ tōw̄ gō Kɔ́ɔ̄ɓē tə́.

PĀ GƏ̄ 47:6 Referans Kwoze

MATIYE 25:34

Anī mban̄g a əda ngé gə̄ ń dɔ jī ko̰n tə́ ní na: Sḭḭ̄ ń Bɔbə́ḿ tɔ́r̄ tan dɔsí tə́ ní, ī-reēī, ī-taāī Ɓē ko̰o̰ ń rāān̄ tām̄ yāsí tə́ ta kəla gír kəndā dɔ rā̰ ō dɔ nang ō tə́ ní.

PĀ GƏ̄ 68:4

Banī de kə́ súmūú gə̄ rāān̄ rɔ̄nel̄, tḭ́ḭ̄n̄ bal walya ta kum Nə́ɓā tə́. Nin̄ ndāmə̄n̄ ndām̄ rɔ̄nel̄.

IJAI 33:22

Kɔ́ɔ̄ɓē i ngār yājí, i ni n i nge kɔrjí ta róbə́ ní. Kɔ́ɔ̄ɓē i mban̄g yājí, i ni n i nge kajəjí ní.

PĀ GƏ̄ 145:1

Pā tɔ̄ȳ. I pā yā Dabid. Nə́ɓā yāḿ, mban̄g yāḿ, m-ā m-ɔ́sə gɔnií ō, m-ā m̄-tɔ̄ȳ rīí ō ngándáńg.

MATIYE 27:37

Nin̄-ndangən̄ sarya ń gāngə̄n̄ dɔn tə́ ní əndān̄ dɔn tə́ dɔɔ́. Ndangən̄ ədan̄ na: Nge ń toō i Jeju, mban̄g yā Jipə gə̄.

1 YÁ̰A̰ GƏ̄ 16:9

Ə̄nīī pā ō, ə́ndaī yá̰á̰ kə́ ɓār̄ gōsə̄ gə̄ ō, tām̄ yān tə́. Ə̄nīī gotə yá̰á̰ kə́ yáā gə̄ malang ń ni-rāā ní.

PĀ GƏ̄ 89:18

Rɔ̄kum, ḭ̄ i tɔ́gə́də́ kə́ to ɓōĺ ngá̰ý. Ḭ̄ ī-rāā ādə̄ kumjí a̰a̰ rá ráńg i kə ta kūl̄ kem majə yāí.

1 YÁ̰A̰ GƏ̄ 29:20

Gō tə́ anī Dabid əda ngé kán̄ naā gə̄ malang na: Ī-ndadī Kɔ́ɔ̄ɓē Nə́ɓā yāsí! Anī ngé kán̄ naā gə̄ malang ndadə̄n̄ Kɔ́ɔ̄ɓē Nə́ɓā yā kaadə́ gə̄. Nin̄ ɔsən̄ nodə́ nang tə́ no Kɔ́ɔ̄ɓē tə́ ō, no mban̄g tə́ ō rɔȳn̄neédə́.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

Teē Ngán Israel gə̄ 15:21

Miriam un dɔ pā ń toō adə̄də́: Ə̄nīī pā ɔ́siīneé gɔn Kɔ́ɔ̄ɓē, tɔdɔ̄ ni-tetə rɔ̄ɔ̄ kə́ bo ngá̰ý. Ni-ɓōkə́ sə́nda gə̄ kə ngé kal̄də́ gēé kum bā bo tə́.

1 YÁ̰A̰ GƏ̄ 15:28

Ngán Israel gə̄ malang unən̄ sandúkə madə̄ naā yā Kɔ́ɔ̄ɓē aw̄n̄neé Jerusalem. Nin̄ əgan̄ kɔŕ rɔ̄nel̄ dɔ tə́ ō, kɔ̄rə́n̄ tōw̄ ō, bərúnjə ō, əndan̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, ugən̄ kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō.