PĀ GƏ̄ 47:1 - Bibəl ta Sar̄

¹ Pā kə́ kem makətūbə̄ yā ngār yā gōsə̄ pā gə̄ tə́. I pā yā ngán Kore gə̄.

Bible sar

¹ Pā kə́ kem makətūbə̄ yā ngār yā gōsə̄ pā gə̄ tə́. I pā yā ngán Kore gə̄.

PĀ GƏ̄ 47:1 Referans Kwoze

PĀ GƏ̄ 106:47

Kɔ́ɔ̄ɓē Nə́ɓā yājí, ájə́jí, ɔ́sə njají kə̄ naā tə́ dan nápar de kə́ rang gə̄ tə́. Loo ń noō tə́ j-a jə-tɔ̄yī anī, j-a j-əda rīí kə́ táĺ, j-a j-a̰a̰ yá̰a̰ ta kum naā tə́ tām̄ kɔsə kə́ j-ɔsə gɔnií tə́.

PĀ GƏ̄ 98:4

Sḭḭ̄ de kə́ dɔ nang tə́ gə̄ malang, úriī kɔĺ rɔ̄nel̄ dɔ Kɔ́ɔ̄ɓē tə́. Ādī pā rɔ̄nel̄ yāsí ō, yá̰a̰ gōsə̄ yāsí gə̄ ō ɓārə̄n̄ ngá̰ý.

JEREMI 31:7

Najə̄ ń Kɔ́ɔ̄ɓē əda ní n toó: Ə́gaī kɔŕ rɔ̄nel̄ dɔ Jakob tə́, ɔ́jiī no ngār yā nápar de gə̄ kə walya kə́ ngá̰ý. Úniī ndūsí kə̄ dɔɔ́ ō, ī-rāāī rɔ̄nel̄ ō, ba ə́daī na: Kɔ́ɔ̄ɓē, ajə gír deē yān gə̄ adə̄ i gá̰ ngán Israel gə̄ ń na̰yn̄ ní.

IJAI 55:12

Ā ī-teēī kɔ̄ɔ́ kem ɓē kə́ Babilon tə́ i kə rɔ̄nelēé ō, a télən̄ yā kaw̄ sesí gogə́ ɓēé loosí i kə kem kə́ sɔl̄ lɔmɔɔ́ ō. Dan ń ā ī-mānī anī, mbal̄ bo gə̄ ō, ngán mbal̄ gə̄ ō, a urən̄ kɔĺ rɔ̄nel̄. Kāgə̄ kə́ bembeé gə̄ malang a əndan̄ jīdə́ gíŕsí tə́.

PĀ GƏ̄ 46:1

Pā kə́ kem makətūbə̄ yā ngār yā gōsə̄ pā gə̄ tə́ ō, i pā yā ngán Kore gə̄ ō. A dānə̄n̄ gō i kə ndū kə́ dūú ngá̰ý.

PĀ GƏ̄ 47:5

Ni gə̄rā dɔ nang adə̄jí yá̰a̰ yājí tə́. I yá̰a̰ kənda nganjə yājí jḭḭ̄ de kə́ gír yā Jakob tə́ gə̄ ń ni táŕjí ngá̰ý ní.

2 MBAN̄G 11:12

Loo ń noō tə́ Yoyada teē kə ngōn̄ mbangāá ndágá. Əla yá̰á̰ súū rɔ̄ kə́ ɔjə kadə̄ ni i mban̄g dɔn tə́ ō, adə̄n makətūbə̄ Ndū najə̄ gə̄ kə́ kadə̄ o̰o̰ń ɓē ō. Gō tə́ anī urən̄ yibə̄ dɔn tə́ əndānə̄nəń mban̄g. Kə̄ ta jī tə́ noō de gə̄ malang ndigənən̄ adə̄ əndan̄ jīdə́ gírən tə́ ō, unən̄ ndūdə́ kə̄ dɔɔ́ ədan̄neé na: Ādə̄ mban̄g ndi kə kumneé ō.

2 SAMUEL 6:15

Dabid nin̄ kə ngán Israel gēé aw̄n̄ kə sandúkə yā Kɔ́ɔ̄ɓēé Jerusalem i kə kɔŕ rɔ̄nel̄ gēé ō, nin̄ kɔ̄rə́n̄ ga̰ā̰ ō.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

JAKARI 4:7

Ni-əda ɓáý to̰ na: Mbal̄ kə́ bo ń noō, i yá̰á̰ kə́ ngan̄g ngá̰ý a? Jorobabel a rāān yā kadə̄ a téĺ ndágə mbō. Ni a teē kə mbal̄ kə́ majə tām̄ kíĺ kújə yā Kɔ́ɔ̄ɓē tə́ i tū mbal̄ bo ń noō tə́. Adə̄ de gə̄ a əgan̄ kɔŕ a ədan̄ na: Á, i mbal̄ kə́ majə ngá̰ý a̰á̰, á, i mbal̄ kə́ majə ngá̰ý a̰á̰!

PĀ GƏ̄ 98:8

Ādə̄ bā gə̄ əndan̄ jīdə́, ādə̄ mbal̄ bo gə̄ əndān̄ rɔ̄də́ naā tə́ sedə́ ba urən̄ kɔĺ rɔ̄nel̄

2 YÁ̰A̰ GƏ̄ 13:15

De kə́ dəngam kə́ Juda tə́ gə̄ túrə̄n̄ kɔĺ rɔ̄ɔ̄. Dan ń nin̄ túrə̄n̄ kɔĺ anī, Nə́ɓā tetə Jeroboam nin̄ kə Israel gə̄ malang rɔ̄ɔ̄ kɔ̄ɔ́ no Abia tə́ ō, no Juda gə̄ tə́ ō.

1 SAMUEL 10:24

Samuel əda ngán Israel gə̄ malang na: Á̰a̰ī deē ń Kɔ́ɔ̄ɓē gə̄rān ní a? Dan ngán Israel gə̄ tə́ malang ní, de kə́ tītə̄n gətóo. Loo ń noō tə́ de gə̄ malang urən̄ kɔĺ rɔ̄nel̄ ba ədan̄ kə tɔ́gɔ́ na: Ādə̄ dɔ mban̄g ngan̄g májə́ májə́.

SOPONI 3:14

Ɓē kə́ Siyo̰, ə̄nī pā ō, ī-ndām̄ ō! Sḭḭ̄ de kə́ Israel gə̄, ə́gaī kɔŕ rɔ̄nel̄! A̰á̰ā̰, ɓē kə́ Jerusalem, ī-rāā rɔ̄nel̄ kə dan wurií gēé malang!

PĀ GƏ̄ 42:1

Pā kə́ kem makətūbə̄ yā ngār yā gōsə̄ pā gə̄ tə́, i pā yā ngán Kore gə̄.