PĀ GƏ̄ 45:9 - Bibəl ta Sar̄

⁹ Mír ō aloe ō kanel ō, otən̄ mbo̰o̰ tū kūbə̄ yāí gə̄ tə́. Kújə mban̄g yāí ń súūn̄ kə ngān̄g dā̰á̰ ní, ndū yá̰á̰ kə́ ɓār̄ gōsə̄ majə teē tū tə́ adī rɔ̄nel̄.

Bible sar

⁹ *Mír ō aloe ō kanel ō, otən̄ mbo̰o̰ tū kūbə̄ yāí gə̄ tə́. Kújə mban̄g yāí ń súūn̄ kə ngān̄g dā̰á̰ ní, ndū yá̰á̰ kə́ ɓār̄ gōsə̄ majə teē tū tə́ adī rɔ̄nel̄.

PĀ GƏ̄ 45:9 Referans Kwoze

JEJU TEĒ KUM JA̰A̰ 21:9

Anī de kə́ dɔ rā̰ tə́ kógə̄ḿ, kə́ dan ngé kə́ sīrí gə̄ ń kópə kə́ sīrí gə̄ kə́ yá̰á̰ kə́ tōr̄ kə́ ta tɔ̄l̄ ta tə́ gə̄ rosən̄ kem i jīdə́ tə́ ní, reē rɔ̄ḿ tə́ ba ədam̄ na: Ī-reē na m-ā m-ɔ́jiī kə dəyá̰ nong yā Ngōn̄ batāá.

1 MBAN̄G GƏ̄ 2:19

Adə̄ Batəseba aw̄ rɔ̄ mban̄g Salomo̰ tə́ yā kɔr̄ najə̄ seneé tām̄ yā Adonia tə́. Mban̄g ḭḭ dɔɔ́ tə́nī tan ba ɔsə non nang tə́ non tə́. Gō tə́ anī tél ndi nang tə́, ba adə̄ əndān̄ kōr̄ kāgə̄ mbang kógə̄ḿ kadən tə́ dɔ jī ko̰n tə́ adə̄ kó̰o̰n ndi dɔ tə́.

JEJU TEĒ KUM JA̰A̰ 21:2

Anī m-á̰a̰ ɓē yā Nə́ɓā ń i Jerusalem kə́ kijə ní, ḭḭ dɔ rā̰ tə́ a risə kə̄ nang tə́. Ni-majə ngá̰ý tītə̄ dəyá̰ kə́ súū rɔ̄n tām̄ yā ngaan tə́ beē.

JEJU TEĒ KUM JA̰A̰ 19:7

Ādə̄ jə-rāāī rɔ̄nel̄ ō, jə-tḭ́ḭ̄ bal walya ō, j-ɔsiī gɔnən ō. Tɔdɔ̄ kum mbang kaw̄ kújú yā nə̄yá̰ Ngōn̄ Batə̄ asə kɔ̄ɔ́ ō, nə̄yá̰n rāā rɔ̄n kɔ̄ɔ́ ō.

JA̰A̰ 3:29

Deē ń taā dəyá̰ ní, kɔ́ɔ̄ i ngaa dəyá̰. Ba balsáa madə̄ ngaa dəyá̰ ń ra noó ba oō ndūn ní, rɔ̄n nelə̄n ngá̰ý dan ń ndū ngaa dəyá̰ əsō mbīn tə́ ní. I yá̰á̰ ń toō n i rɔ̄nel̄ yāḿ mā ní, ba rɔ̄nel̄ ní majə ɔtə̄ kə taá.

PĀ KƏ́ MAJƏ 7:1

Dəyá̰ Sulamitə, ī-tél ī-reē, ī-tél ī-reē! Ī-tél ī-reē, ī-tél ī-reē ādə̄ j-a̰a̰ majií! Dəyá̰ Sulamitə ń udə dan ndām̄ kə́ de gə̄ ran̄ tū tə́ dām̄ jōó ní, loo kadə̄ á̰a̰niī i ba̰ý?

JEJU TEĒ KUM JA̰A̰ 21:24

Nápar de gə̄ a njə̄rān̄ i kə ta kūl̄ loo yān kə́ unjə̄ kow ō, mban̄g kə́ dɔ nang tə́ gə̄ a reēn̄ kə kɔsə gɔn yādə́ gēé kem ɓē ní tə́ ō.

IJAI 49:23

Mban̄g gə̄ a ətōn̄ ngání gə̄, ngáń kə́ dəyá̰ yā mban̄g gə̄ a adə̄n̄də́ yá̰a̰ kəsa. Nin̄ a ɔsən̄ kejədə́ nang tə́ noí tə́, a ɔsən̄ nodə́ nang tə́. Nin̄ a tō̰nə́n̄ bumbə́rú kə́ njaí tə́. Loo ń noō tə́ ā ī-ger̄ kadə̄ mā i Kɔ́ɔ̄ɓē ō, ngé gə̄ ń əndān̄ kemdə́ dɔḿ tə́ ní, rɔ̄də́ a sɔl̄də́ aĺ ō.

PĀ GƏ̄ 45:13

Tir gə̄ ń i de kə́ ngé kənge yá̰á̰ tɔȳ gír de kə́ rang gə̄ ní, a adīn̄ kadə̄ karī gə̄ kadə̄ nelīneé sedə́.

Makətūbə̄ yā Job 22:24

Gō tə́ anī, ə̄nī lɔ́r kum bumbə́rú tə́ ō, ə̄nī lɔ́ŕ kə́ Opir kɔ̄ɔ́ dan kɔkərɔ gə̄ kə́ kum wól man̄ dɔ mbal̄ tə́ ō.

PĀ GƏ̄ 72:10

Mban̄g gə̄ kə́ Tarsis ō, kə́ dor̄ kə́ sa̰y gə̄ tə́ ō, a əlan̄ kə kadə̄ karī gēé yā kadə̄n. Mban̄g gə̄ kə́ Saba ō, kə́ Seba ō, a tīrə̄n̄ dɔ yá̰a̰ yā kadə̄n.

1 MBAN̄G GƏ̄ 10:11

To bo gə̄ yā Hiram ń reēn̄ kə lɔ́ŕ kə́ Opir ní, reēn̄ kə kāgə̄ santal ngá̰ý ō, mbal̄ gə̄ kə́ gātə̄də́ i ngá̰ý gə̄ ō.

1 MBAN̄G GƏ̄ 2:9

Banī ḭ̄ ń i de kə́ nge kum kedə̄ ní, ā ī-rāān de kə́ najə̄ gətóo dɔn tə́ tə́ alé. yá̰á̰ ń kadə̄ ī-rāā seneé ní, ā ī-ger̄. Ni i de kə́ tɔgə ngá̰ý ɓá tā ba ādə̄ oy yo mósə.

1 YÁ̰A̰ GƏ̄ 1:23

Opir ō, Habila ō, Yobab ō. Ngán Yokətan gə̄ malang n noó.

Gōsə̄ najə̄ gə̄ 7:17

Yá̰á̰ kə́ kotə majə gə̄ ń i nō kāgə̄ mír ō, kāgə̄ aloe ō kāgə̄ sinamon ō ní, m̄-sə̄kādə́ loo toḿ tə́ kɔ̄ɔ́ ɓá.