PĀ GƏ̄ 45:8 - Bibəl ta Sar̄

⁸ Yá̰á̰ kə́ gōtə́ nelī, ba yá̰á̰ kə́ majaĺ nelī aĺ ngá̰ý. Nə́ɓā, i tām̄ ń toō tə́ n Nə́ɓā yāí ur yibə̄ rɔ̄nel̄ dɔí tə́ gə̄rāīneé ḭ̄ ba i madí gə̄ aĺ ní.

Bible sar

⁸ Yá̰á̰ kə́ gōtə́ nelī, ba yá̰á̰ kə́ majaĺ nelī aĺ ngá̰ý. Nə́ɓā, i tām̄ ń toō tə́ n Nə́ɓā yāí ur *yibə̄ rɔ̄nel̄ dɔí tə́ gə̄rāīneé ḭ̄ ba i madí gə̄ aĺ ní.

PĀ GƏ̄ 45:8 Referans Kwoze

PĀ KƏ́ MAJƏ 1:3

majə tɔȳ yibə̄ kə́ kotə majə ō. Ī-to tītə̄ yibə̄ kə́ taā kum adə̄ unjə̄ njáý njáý. I tām̄ najə̄ ń noō tə́ n nel̄ ngáń kə́ dəyá̰ gə̄ seí ngá̰ý ní.

JA̰A̰ 19:39

Nikodem ń kété reē rɔ̄ Jeju tə́ ndɔ̄ɔ́ ní reē ō. Ni-reē kə yibə̄ ítər kógə̄ḿ kə́ rāān̄ kə nō kāgə̄ mír ō, nō kāgə̄ aloe ō, kə́ kɔȳn asə kə kɔȳ əwā kə́ kem səmbē bo kógə̄ḿ.

PĀ KƏ́ MAJƏ 4:6

Dan ń loo sɔl̄ lɔm ta jī loo tíbə́ tə́ ō, ndíl kāgə̄ gə̄ a̰ȳn̄ kɔ̄ɔ́ ō noó anī, m-ā m-āw̄ dɔ mbal̄ kə́ rāān̄ nō kāgə̄ míŕ kə́ kotə majə tū tə́ tə́, dɔ ngōn̄ mbal̄ kə́ róōn̄ kajaja kə́ kotə majə tū tə́ tə́.

MATIYE 2:11

Nin̄-udən̄ kújú anī a̰a̰n̄ ngōn̄ ní nin̄ kə kó̰o̰n Mari. Nin̄-ɔsən̄ nodə́ nang tə́ non tə́ rɔȳnən̄neé. Gō tə́ anī teēn̄ ta sandúkə́ yá̰a̰ kənge yādə́ gə̄, ba ɔyn̄ lɔ́r ō, kajaja ō, nō kāgə̄ mír ō, ndējə̄n̄ ngōn̄ ní.

PĀ KƏ́ MAJƏ 5:1

Ngōkó̰ó̰ḿ kə́ dəyá̰, nge nong yāḿ, m̄-reē kem ndɔr̄ yāḿ tə́. M-ɔ̄r̄ nō kāgə̄ mír yāḿ naā tə́ kə nō kāgə̄ bomə yāḿ. M-ə́sa mbar̄ tejə yāḿ ō, m-ó̰o̰ yibə̄ tejə yāḿ ō. M-ā̰ȳ kasə nduú yāḿ ō, m-ā̰ȳ mba yāḿ ō! Madə̄ḿ gə̄, ə́saī yá̰a̰ ō, ā̰yī ō, ādī tár rāāsí kə́ kasə tə́!

PĀ GƏ̄ 16:11

Ḭ̄ ɔ́jəm̄ róbə́ kə́ aw̄ kə deé tū ndi kə kumuú tə́ adə̄ m̄-ger̄. Ré deē i rɔ̄í tə́ ngɔr anī rɔ̄n nelə̄n ngá̰ý. Rɔ̄nel̄ kə́ ngándáńg i dɔ jī ko̰í tə́.

HEBƏRO 12:2

Ādə̄ kumjí i dɔ Jeju tə́. I ni n i nge rāā kadə̄ deē taā kem ō, kadə̄ taā kem majə kə́ ɔtə̄ kə taá ō ní. Ni ndigə koy yo kə́ tū kāgə̄ kə́ dēsə́ tə́, usən dɔ rɔ̄sɔl̄ kə́ tām̄ yā yo kə́ tītə̄ ń noō tə́ alé, tām̄ ni-a̰a̰ rɔ̄nel̄ ń to a ngóōn ní. Ba ngɔlaā ń toō ɓáa ni-ndi dɔ jī ko̰ Nə́ɓā kə́ ndi dɔ kōr̄ kāgə̄ mbang yān tə́.

JA̰A̰ 14:2

Loo ndi i ngá̰ý kem ɓē yā Bɔbə́ḿ tə́. Nə́ngētə́ i beé aĺ anī, m-ə́dásí kɔ̄ɔ́. M-ā m-āw̄ yā rāā loo tām̄ yāsí tə́.

AMOS 3:15

Kújə́ kə́ rāā tām̄ yā loo kə́ kūlīí tə́ ō, nge kə́ rāā tām̄ yā loo kə́ ngā nəngāá tə́ ō ní, m-ā m̄-tɔ̄ɔ̄də́ kɔ̄ɔ́. Kújə gə̄ ń rāān̄ ro̰də́ kə ngān̄g dā̰á̰ ní, m-ā m̄-nujəń kɔ̄ɔ́ ō, kújə́ kə́ bo bo gə̄ a gətóon̄ kɔ̄ɔ́ ō. Najə̄ ń Kɔ́ɔ̄ɓē əda ní n noó.

PĀ KƏ́ MAJƏ 5:13

Mberə̄n gə̄ ton̄ tītə̄ ndɔr̄ hútə̄ yá̰á̰ kə́ sēē yá̰á̰ kə́ kotə majə gə̄ teēn̄ tū tə́. Ndāŕ tan gə̄ i hútə̄ ndə́já lis kə́ yibə̄ mír a ndḛḛ̄ tū tə́.

PĀ KƏ́ MAJƏ 5:5

M-ḭ́ḭ dɔɔ́ yā teē ta róbə kadə̄n. Yibə̄ míŕ kə́ jīḿ tə́ ō, kə́ ta ngán jīḿ gə̄ tə́ ō, ndḛḛ̄ tū gində̄ kutə̄ ta róbə́ kújə́ tə́.

PĀ KƏ́ MAJƏ 3:6

I náā n m-á̰a̰n ḭḭ kem dəla loo tə́ tītə̄ sa hor kə́ ra kə ngālāá ɓururu a reē noó? Ḭḭ tuy ō otə majə ō tītə̄ nō kāgə̄ mír ō kajaja ō, ndujə̄ yá̰á̰ kə́ kotə majə kə́ tayā tayā gə̄ kə́ ḭḭn̄neé dɔ ɓē kə́ rang tə́ ō?

PĀ KƏ́ MAJƏ 1:13

Kə́ tām̄ yāḿ tə́ ɓáa kó tár yāḿ rāā rɔ̄n i mír kə́ kotə majə kə́ ndem̄ ba to dɔ dán mbaaḿ gə̄ tə́ ndɔ̄ɔ́ beē.

PĀ GƏ̄ 150:4

Əndaī kɔdə ō, ī-ndāmī ō ī-tɔ̄ȳniīneé. Ī-tɔ̄ȳniī kə yá̰á̰ kə́ ɓār̄ gōsə̄ kə́ rāā kə kəlāá ō, ī-tɔ̄ȳniī kə nalaá ō.

1 MBAN̄G GƏ̄ 22:39

Gotə yá̰á̰ kə́ rang gə̄ ń Akab rāā ní ndangən̄ kem makətūbə̄ kəla rāā mban̄g gə̄ kə́ Israel tə́ tə́. Ndangən̄ yá̰a̰ malang ń ni-rāā ní kemeé: Loo rāā ń ni-rāā kújə mban̄g yān kə ngān̄g dā̰á̰ ní ō, ɓē gə̄ ń ni-rāā ní ō.

PĀ GƏ̄ 45:15

Súūnən̄ kə yá̰á̰ kə́ rāā ɓáĺ ngá̰ý gə̄ ba reēn̄ seneé kə̄ rɔ̄ mban̄g tə́. Ngámandə madə̄n gə̄ ń njə̄rān̄ gōn tə́ ní reēn̄ sedə́ rɔ̄í tə́.

PĀ GƏ̄ 11:7

Tɔdɔ̄ Kɔ́ɔ̄ɓē i de kə́ súmūú, ni gḛy yá̰a̰ malang ń i yá̰á̰ kə́ gōtə́ ní ō, de kə́ súmūú gə̄ a a̰a̰n̄ ta kumən ō.