PĀ GƏ̄ 45:3 - Bibəl ta Sar̄

³ Ī-balsáa ī-tɔȳ dəngam gə̄ malang ō. Najə̄ gə̄ ń teēn̄ taí tə́ ní i najə̄ kə́ nel̄ ngá̰ý gə̄ ō. Adə̄ de gə̄ a̰a̰ gerə̄n̄ kadə̄ Nə́ɓā rāā majə seí i kə́ kə́ njɔ́ḿ gə̄ tə́ gə̄ tə́.

Bible sar

³ Ī-balsáa ī-tɔȳ dəngam gə̄ malang ō. Najə̄ gə̄ ń teēn̄ taí tə́ ní i najə̄ kə́ nel̄ ngá̰ý gə̄ ō. Adə̄ de gə̄ a̰a̰ gerə̄n̄ kadə̄ Nə́ɓā rāā majə seí i kə́ kə́ njɔ́ḿ gə̄ tə́ gə̄ tə́.

PĀ GƏ̄ 45:3 Referans Kwoze

HEBƏRO 4:12

Tɔdɔ̄ najə̄ yā Nə́ɓā i najə̄ kə́ ndi kə kumneé ō, tɔ́gən to ō, tan atə tɔȳ kəyā kaskar kə́ atə dām̄ jōó ō. Ni-udə kem deē tə́, aw̄ bátə́ ugə̄ loo ń wur deē ō, ndíl deē ō, əngen̄ naā tə́ tū tə́ ní tə́ ba kēgə̄də́ naā tə́ ō, aw̄ bátə́ ugə̄ loo ń kúkə̄lú kə̄ngā gə̄ ō, yibə̄ kə́ kem kə̄ngāá ō, əngen̄ naā tū tə́ ní ba kēgə̄də́ naā tə́ ō. Najə̄ yā Nə́ɓā gān̄g sarya dɔ ngur gə̄ kə́ kem deē tə́ ō, dɔ gír̄ kə́ kem deē tə́ ō.

JEJU TEĒ KUM JA̰A̰ 1:16

Tə́yō̰ gə̄ sīrí i jī ko̰n tə́ ō, kəyā kə́ tan lēmbə́ ba atə dām̄ jōó teē tan tə́ ō, ta kumən ndə́lē tītə̄ mbang kə́ dan kadə ndaá beē ō.

JEJU TEĒ KUM JA̰A̰ 19:15

Kəyā kógə̄ḿ kə́ ta lēmbə́, kə́ yā tɔ̄ləń nápar de gə̄, teē tan tə́ ō, ni a ɔr nodə́ i kə ndéy gindīí ō. Ba a mbə́rē kan̄ kāgə̄ nduú i kem bay wōn̄g kə́ ngá̰ý yā Nə́ɓā kə́ bo kə́ tɔ́gən i ngá̰ý tə́.

IJAI 49:2

Ni-rāā adə̄ najə̄ yāḿ i kaskar kə́ a əja yá̰a̰ gān̄g. Ni ɓɔ̄ɔ̄m̄ ndíl jīn tə́. Ni-rāā adə̄ mā i kum gərā kə́ usən̄ kum majə, ni əlam̄ kem ngong gərā yān gə̄ tə́.

PĀ GƏ̄ 96:6

Loo kə́ ndə́lē pipir ō unjə̄ kow ō i kété non tə́, tɔ́gə ō yá̰á̰ kə́ ɔjə kadə̄ ni i de kə́ bo ō i kem loo yān kə́ táĺ tə́.

PĀ GƏ̄ 21:5

Ḭ̄ ī-rāā ādə̄ ndi kə kumneé tītə̄ ń dəjeīń ní, ndi i ndi kə́ dan a gān̄g aĺ bátə́.

JEJU TEĒ KUM JA̰A̰ 19:21

Kaskar ń teē ta deē ń ndi dɔ sə́ndá tə́ ní tɔ̄l̄ gotə de kə́ rang gə̄, adə̄ yel̄ gə̄ malang əsan̄ dā̰də́ ndānə̄n̄.

Makətūbə̄ ń Jud ndang ní 1:25

ni ń i Nə́ɓā kə́ kal kógə̄ḿ beē kə́ nge kajəjí kə ta kūl̄ Kɔ́ɔ̄ɓē yājí Jeju Kərist ní, kɔsə gɔn i yān ō, i ni n i de kə́ bo ō, tɔ́gə i yān ō, ko̰o̰ ɓē i yān ō, kem ɓāl̄ gə̄ ń mānə̄n̄ kɔ̄ɔ́ tə́ ní ō, ngɔlaā ō, mbóńg kə̄ no tə́ ō. Adə̄ i tītə̄ ń noō.

HEBƏRO 8:1

Najə̄ kə́ bo ngá̰ý dɔ yá̰á̰ ń j-əda tə́ ní n toó: J-awī kə ngol ngé tun̄ yá̰a̰ gə̄ kə́ tītə̄ ń noō, tɔdɔ̄ ni-ndi dɔ jī ko̰ Nə́ɓā tə́ dɔ rā̰ tə́, nge ń ndi dɔ kōr̄ kāgə̄ mbang yān tə́ ní. Nə́ɓā i tɔ́gə́ kə́ dɔ tɔ́gə gə̄ tə́ malang.

HEBƏRO 1:3

Ngōn̄ Nə́ɓā ní i kɔsə gɔn yā Bɔbə̄n kə́ ndə́lē i ndə́lē yā Nə́ɓā ō, i ngarān̄g kum Nə́ɓā Bɔbə̄n nəkɔ́ kə́ ɔjə rɔ̄n kə̄ ndágá ō. Ni-rāā adə̄ yá̰a̰ gə̄ malang ndin̄ ngan̄g kə ta kūl̄ tɔ́gə najə̄ yānneé. Dan ń ni-ɔr̄ majaĺ kə́ kem de gə̄ tə́ kɔ̄ɔ́ ní, ni-ndi dɔ jī ko̰ Nə́ɓā tə́ dɔ rā̰ tə́. Nə́ɓā i tɔ́gə́ kə́ dɔ tɔ́gə gə̄ tə́ malang.

Makətūbə̄ ń Pol ndang adə̄ Rom gə̄ ní 14:9

Tɔdɔ̄ i tām̄ najə̄ ń noō tə́ n Kərist oy ba tél ndiń kə kumneé ō ní, yā kadə̄ ni i Kɔ́ɔ̄ɓē yā de kə́ koy gə̄ ō, yā ngé kə́ ndin̄ kə kumdə́ ɓáý gə̄ ō.

PĀ GƏ̄ 145:12

yā kɔjəń de gə̄ yá̰a̰ rāāí kə́ to ɓōĺ gə̄ ō, loo ko̰o̰ ɓē yāí kə́ to kɔsə gɔn ngá̰ý ō.

PĀ GƏ̄ 145:5

M-ā m̄-tél yā kənī gotə yá̰á̰ kə́ yáā gə̄ ń ī-rāā ní ō, kənī gotə kɔsə gɔn yāí ń ndə́lē ní ō,

PĀ GƏ̄ 104:1

Dā̰ rɔ̄ḿ, ī-ɓōkə́ Kɔ́ɔ̄ɓē tɔ̄ȳ! Kɔ́ɔ̄ɓē Nə́ɓā yāḿ, ḭ̄ i de kə́ bo ngá̰ý! Ḭ̄ ə́la loo kə́ ndə́lē pipir ō unjə̄ kow ō kūbə̄ tə́ rɔ̄í tə́.

KƏLA RĀĀ 10:36

Najə̄ ń Nə́ɓā ɔr̄ kə ngán Israel gēé ní sḭḭ̄ ī-gerī, ədadə́ i Najə̄ kə́ Majə kə́ dɔ kem sɔl̄ lɔm tə́ kə ta kūl̄ Jeju Kərist ń i Kɔ́ɔ̄ɓē yā de gə̄ malang ní.

NGÉ SARYA 3:16

Ehud oo kəyā kə́ katə dām̄ jōó, kə́ ngālən asə kíl deē kógə̄ḿ. Do̰ō̰ kəyā ní dɔ ɓúrən kə́ ko̰ō̰ tə́, ba əla kūbə̄ dɔ tə́.

Makətūbə̄ yā Job 1:16

Ngōmbang kəla ní a ɔr̄ najə̄ kə̄ tan tə́ ɓáý anī, nge kə́ rang reē əda na: Man̄ ndang batə̄ gə̄ ō, ngé kəla yāí gə̄ ō, əla hor dɔdə́ tə́ adə̄ hor ní o̰o̰də́ malang ō. I mā ngóy n m̄-teē á m̄-reē kadə̄ m-ə́daī ní.

PĀ GƏ̄ 21:7

Ḭ̄ ī-rāā ādə̄ de gə̄ a tɔ́rə̄n̄ tadə́ dɔ naā tə́ i kə rīneé ngándáńg. Ndin ta kumií tə́ adə̄n rɔ̄nel̄ ngá̰ý.

PĀ KƏ́ MAJƏ 2:3

Kāgə̄ jīm̄ tītə̄ ń ra dan kāgə̄ kə́ rang gə̄ kə́ kem ku loo tə́ ní, kó tár yāḿ to i tītə̄ ń noō dan ngáń kə́ dəngam kə́ rang gə̄ tə́! m̄-ndi ndílən tə́ tītə̄ ń kemḿ gḛy ní ō, kanə̄n nel̄ taḿ ō.

PĀ KƏ́ MAJƏ 5:13

Mberə̄n gə̄ ton̄ tītə̄ ndɔr̄ hútə̄ yá̰á̰ kə́ sēē yá̰á̰ kə́ kotə majə gə̄ teēn̄ tū tə́. Ndāŕ tan gə̄ i hútə̄ ndə́já lis kə́ yibə̄ mír a ndḛḛ̄ tū tə́.